«Ռուսատոմ Սերվիս» ԲԸ-ն և Հայկական ԱԷԿ-ը գեներատորային սարքավորումների մատակարարների համար սեմինար անցկացրեցին

Արմինֆո. Հայկական ատոմային էլեկտրակայանի արդիականացման նախագծի իրականացման շրջանակներում «Ռուսատոմ Սերվիս» ԲԸ և «ՀԱԷԿ» ՓԲԸ-ն կազմակերպեցին «Հայկական ԱԷԿ-ի համար գեներատորային սարքավորումների մատակարարների սեմինար», որի նպատակը ՀԱԷԿ-ի ներկայացուցիչներին մատակարարների կողմից առաջարկվող նորագույն տեխնոլոգիական լուծումներին ծանոթացնելն էր: Սեմինարը կայացել էր ապրիլի 8-ին Երևանում:

Միջոցառման մասնակիցները քննարկեցին Հայկական ԱԷԿ №2էներգաբլոկի գեներատորային սարքավորումների համալիր զննման արդյունքները: Արտադրող ընկերությունների ներկայացուցիչները գեներատորային սարքավորումների նախագծման, արտադրության, վերանորոգման և արդիականացման վերաբերյալ զեկույցներ ներկայացրեցին: Սեմինարի ընթացքում ներկայացվել են գեներատորային սարքավորումների մշակման ընթացքում կիրառվող հիմնական նորարարություններն ու միտումները:

Միջոցառմանը մասնակցեցին գեներատորային սարքավորումներ արտադրող առանցքային ընկերությունների ներկայացուցիչները, այդ թվում՝ «Ուժային մեքենաներ» ԲԲԸ, «ԷԼՍԻԲ» ԳՀՄ ՀԲԸ, Siemens AGև «ՋիԻ Ռուս» ՍՊԸ(General Electric): 

Սեմինարի ընթացքում ՀԱԷԿ-ի ներկայացուցիչները հնարավորություն են ստացել ժամանակակից գեներատորային սարքավորումների շահագործման հետ կապված իրենց հետաքրքրող բոլոր հարցերը քննարկել մատակարարների հետ, ինչպես նաև հստակեցնել ապագա սարքավորումների չափանիշները:   

Սարքավորումների գնման գործընթացն անցնելու է մրցույթի հիման վրա՝ «Ռոսատոմ» պետական կորպորացիայի Միասնական ոլորտային չափանիշին համաձայն:

- Նման սեմինարները կարևոր են նախագծի իրագործման համար, քանի որ մեզ հնարավորություն է տրվում մեր հարգելի Պատվիրատուին ոչ միայն ներկայացնել գեներատորային սարքավորումների մշակման և արտադրության ոլորտում առկա ընթացիկ միտումները, այլև օպտիմալ տեխնոլոգիական լուծումների ընտրության գործընթացի մեջ  ընդգրկել ՀԱԷԿ-ի անձնակազմը՝ սկսած շարքային աշխատողներից մինչև ղեկավար կազմը: Դա թույլ է տալիս հաշվի առնել ապագա մատակարարման գործընթացի և սարքավորումների շահագործման բոլոր մանրուքները, - ասաց ՀԱԷԿ-ի շահագործման ժամկետի երկարացման նախագծի ղեկավար Վլադիմիր Բրեդովը:  

2014 թվականի դեկտեմբերին Ռուսաստանի Դաշնության և Հայաստանի Հանրապետության կառավարությունները հայկական ԱԷԿ–ի 2–րդ էներգաբլոկի շահագործման ժամկետը երկարացնելու վերաբերյալ համագործակցության համաձայնագիր ստորագրեցին: 2015 թվականի փետրվարին ստորագրվեց ՀԱԷԿ–ի շահագործման ժամկետի երկարաձգման նպատակով վարկ տրամադրելու մասին համաձայնագիրը: