Արմինֆո. Հայաստանում աշխատավարձի գծով շարունակում է գլխավորել ֆինանսական հատվածը: Ըստ ՀՀ Ազգային վիճակագրական ծառայության տվյալների, 2016 թվականի մարտին միջին անվանական աշխատավարձը Հայաստանի ֆինանսական հատվածում կազմել է 373.5 հազ. դրամ, տարեկան կտրվածքով աճելով 7.3%: Ըստ վիճակագրության, ֆինանսական հատվածին հաջորդում է տեղեկատվության և հաղորդակցության ոլորտը` 366.3 հազ. դրամ (տարեկան աճը`11.7%), երրորդն է հանքարդյունաբերության ոլորտը`342.6 հազար դրամ (տարեկան աճը` 5.5%), որոնց հաջորդում է էներգետիկայի ոլորտը`259.6 հազար դրամ (տարեկան աճը`15.9%):
Երևանն աշխատավարձի մակարդակով զբաղեցնում է երկրորդ հորիզոնականը`196 հազար դրամ (տարեկան աճը`4.6%): Իսկ առաջին տեղում է Սյունիքի մարզը, որտեղ միջին անվանական աշխատավարձը կազմում է 219.6 հազար դրամ (տարեկան աճը`10,9%), որին հաջորդում են`Կոտայքի մարզը - 160,3 հազար դրամ (տարեկան աճը 7,9%), Արմավիրի մարզը - 151.8 հազար դրամ (տարեկան աճը` 3,8%), Արարատի մարզը - 149,3 հազար դրամ (տարեկան աճը 7,2%):
Ըստ վիճակագրության, աշխատավարձը բյուջետային կազմակերպություններում 2016-ի հունվար-մարտին կազմել է 158 հազար դրամ ($ 323), տարեկան աճը` 2,3%: Ոչ բյուջետային կազմակերպություններում աշխատավարձն ավելացել է տարեկան կտրվածքով`6,5%, կազմելով 214.7 հազ. դրամ ($ 439,5): Միայն մարտին բյուջետային հատվածի աշխատավարձերը բարձրացել են 0,6%, իսկ ոչ բյուջետայիններինը` 4,6%: 2015 թվականին բյուջետայինների աշխատավարձն աճել էր 2%, իսկ ոչ բյուջետայիններինը` 4,5%: 2015-ի հունվար-մարտին միջին աշխատավարձը Հայաստանում աճել էր 13.4%, իսկ ոչ բյուջետային հիմնարկներում`6.7%: Միայն 2015-ի մարտին բյուջետային կազմակերպություններում ոչ բյուջետային կազմակերպություններում աշխատավարձերն աճել էին, համապատասխանաբար` 12.8% և 5.9%: 2014-ի հունվար-մարտին աշխատավարձը բյուջետային կազմակերպոյթուններում աճել էր 5.9% (միայն մարտին` 6,7%), իսկ ոչ բյուջետային կազմակերպությւոններում` 8.4% (մարտին`9%):
Ընդհանուր առմամբ, անվանական աշխատավարձը Հայաստանում 2016-ի հունվար-մարտին կազմել է 181667 դրամ ($ 372), տարեկան աճը`3,5%, իսկ միայն մարտին`2.6%: 2016 թվականի մարտին, 2015-ի մարտի համեմատ, անվանական աշխատավարձն աճել է 3.4%: Համեմատության համար նշենք, որ 2015-ի հունվար-մարտին անվանական աշխատավարձը Հայաստանում է աճել էր 10.3% (միայն մարտին`1.6%), իսկ 2014-ի հունվար-մարտին տարեկան աճը կազմել էր 6,6% (միայն մարտին` 1,1%):
ՀՀ դրամի միջին փոխարժեքը 2016 թվականի հունվար-մարտին կազմել է 488.67 / $ 1, իսկ միայն մարտին`486.33 դրամ / դոլար: