Երեթշաբթի, 31 Մայիսի 2016 17:31

Արմինֆո. «Ատոմէքսպո-2016» ութերորդ միջազգային համաժողովի շրջանակներում 2 օրում կնքվել է 10 մլրդ.դոլարի պայմանագիր: Մայիսի 31-ին Մոսկվայում կայացած ճեպազրույցում այս մասին հայտարարել է «Ռոսատոմ» պետական կորպորացիայի գլխավոր տնօրեն Սերգեյ Կիրիենկոն:

 

Նրա խոսքով, 2016 թվականին կազմակերպության պատվերների ընդհանուր պորտֆելը կազմել է 136 մլրդ.դոլար: Իսկ արդեն կնքված պայմանագրերի հետ միասին այս ցուցանիշն արդեն մոտենում է 300 մլրդ.դոլարին: Նա դրական է գնահատել համաժողովի աշխատանքների ընթացքը, որին 55 երկրներից մասնակցել է 4.5 հազար մարդ և 92 ընկերություն: Կնքվել է ավելի լքան 30 համաձայնագիր: Ինչպես նշել է Կիրիենկոն, ատոմային էներգետիկայի զարգացումը հնարավորություն է ստեղծում տարբեր երկրների տնտեսությունների կայուն զարգացման համար:

 

Նշենք, որ ներկայումս «Ռոսատոմ» ընկերություն աշխարհում կառուցում է 34 միջուկային էներգաբլոկ: Ընդ որում, պայմանագրերը կնքվում են ոչ միայն բլոկների շինարարության, այլ նաև 60-100 տարիների համար վառելիքի մատակարարման և կայաների փակման գծով: