Երկուշաբթի, 4 Հուլիսի 2016 17:34
Նաիրա Բադալյան

Գերմանական բիզնես ասոցիացիան որպես հայկական և գերմանական բիզնեսների միջև կապող օղակ

Գերմանական բիզնես ասոցիացիան որպես հայկական և գերմանական բիզնեսների միջև կապող օղակ

ԱրմԻնֆո. Ապրիլի 12-ին Երևանում բացվեց Գերմանական բիզնես-ասոցիացիայի գրասենյակը (DWV - Deutsche Wirtschafts Vereinigung): Ինչպես բացման արարողության ժամանակ հայտարարեց Հայաստանում Գերմանիայի դեսպան Մատիաս Կիսլերը, Երևանում DWV գրասենյակի բացումով գերմանական կողմը ցուցադրում է Գերմանիայի համար Հայաստանի կարևորությունը, որպես գործընկերոջ, այդ թվում նաև առևտրա-տնտեսական հարաբերությունների ոլորտում: DWV հայկական գրասենյակի խնդիրների, գերմանացի գործարարների հայկական շուկա դուրս գալու պլանների, ինչպես նաև ապագա արդյունավետ համագործակցության նպատակով գործընկերներ փնտրելու ընթացակարգերի մասին է ԱրմԻնֆո գործակալության թղթակցի հետ զրուցում DWV գործադիր տնօրեն Ինգա Մարկվարտը:

 

Դեռ 2013 թվականին Գերմանական բիզնես ասոցիացիան աշխատում էր Երևանում, բայց գտնվում էր վրացական կազմակերպության կազմում: Ինչո՞վ էր պայմանավորված Հայաստանում լայնամասշտաբ ներկայացուցչության ստեղծումը:

 

Գերմանական DWV բիզնես ասոցիացիան երկու տարի բավականին հաջող աշխատեց Հայաստանում: Այնուամենայնիվ, բիզնեսի ծավալներն ավելացնելու նպատակով Վրաստանում և Հայաստանում որոշում ընդունվեց Հայաստանում նույնպես բացել կազմակերպության լայնամասշտաբ ներկայացուցչություն: Հայաստանում DWV անմիջական գործունեությունը թույլ կտա գերմանացի գործարարներին տրամադրել  հայկական շուկայի և տնտեսական հեռանկարների մասին լիարժեք տեղեկատվություն, ինչպես նաև հայ գործարարներին տեղեկացնել գերմանական շուկա դուրս գալու հնարավորությունների մասին: Նշեմ, որ ներկայացուցչության բացման օրը, ապրիլի 12-ին, 27 զուտ տեղական և հայ-գերմանական խառը ընկերություններ հայտարարեցին DWV-ի անդամը դառնալու իրենց պատրաստակամության մասին: Ներկայումս Հայաստանում աշխատում են գերմանական ընկերությունների հետ համագործակցող 700 ընկերություններ: Դա փոքր թիվ չէ, ինչը նույնպես արդարացնում է Հայաստանում մեր ներկայության կարգավիճակը բարձրացնելուն ուղղված որոշումը:

 

Միևնույն ժամանակ, որ երևանյան ներկայացուցչությունը դեռ չի նշանակում, որ արդեն պետք է աշխատենք DWV վրացական գրասենյակից առանձին: Մեր կազմակերպությունը վրացական շուկան դիտարկում է հայկականի հետ համատեղ: Դա լիովին խելամիտ քայլ է, հաշվի առնելով շուկայի մասշտաբները, ինչպես նաև պրակտիկ առումով, քանի որ կազմակերպելով գերմանական պատվիրակությունների այցերը, մենք նրանց միաժամանակ ծանոթացնում ենք ինչպես հայկական, ինչպես նավ վրացական շուկաների հնարավորություններին:

 

Որպես տնտեսական գործընկեր, Հայաստանն ինչո՞վ կարող է հետաքրքիր լինել գերմանական բիզնեսին:

 

Գերմանական բիզնես ասոցիացիան գերմանական ընկերություններին կապում է հայկական ընկերությունների հետ: Այս համատեքստում Հայաստանը Գերմանիային հետաքրքրում է բազմաթիվ տեսանկյուններից: Այդ մասին են վկայում ոչ միայն գերմանացի գործարարների բազմաթիվ հայտերը: Ներկայումս հաջողված բիզնես գաղափարների մեր պորտֆոլիոյում իրականացված ծրագրերի օրինակներ արդեն կան՝  շինարարության, գյուղատնտեսության, խորհրդատվության, բանկինգի, ՏՏ ոլորտներում: Քանի որ մեր գործունեությունն ուղղված չէ տնտեսության որևէ կոնկրետ հատվածին, մենք մեր ծառայություններն առաջարկում ենք շահագրգիռ բոլոր ընկերություններին: Կարող եմ հատուկ նշել տեքստիլ արդյունաբերության ոլորտը, որտեղ արդեն կա տեղական ըներությունների հետ կարգավորված համագործակցություն: Մի քանի տարի առաջ հայկական ընկերություններն սկսեցին պահեստամասեր արտադրել գերմանական կաթսաների համար:

 

Աշխարհի քիմիական խոշորագուն կոնցեռններից մեկը, BASF-ը մեր օգնությամբ գործընկերներ գտավ տեղական շուկայում, գյուղատնտեսական պարարտանյութերի արտադրության ոլորտում: Կնքված պայմանագրի շրջանակներում նախատեսվում է նաև տարեկան Հարավային Տիրոլ արտահանել 60 տոննա ծիրան, պյուրեի տեսքով: Հայկական պատվիրակությունը մեր օժանդակությամբ կրկին անգամ եղավ Գերմանիայում, գյուղատնտեսության ոլորտում պրակտիկ փորձ ձեռք բերելու համար: Տեղական ֆերմերներն ուղարկվեցին Գերմանիա, սոխի աճեցման տեխնոլոգիային ծանոթանալու նպատակով: Բայց ամենամեծ հեռանկարները տեսնում ենք ՏՏ-լուծումներում, էներգետիկայի և մեքենաշինության համար:

 

Ինչպե՞ս է ընթանում համագործակցության իրականացման գործընթացը Ձեր հաճախորդների հետ:

 

Մենք հանդիսանում ենք արտասահմանյան առևտրա-արդյունաբերական պալատների խոշորագույն ցանցի գործըներ: Հայկական շուկա դուրս գալու ցանկություն ունեցող գերմանական ընկերությունների համար մենք հանդիսանում ենք շփման առումով առաջին դեմք: Նրանք իրենց հայտերն ուղարկում են մեզ, իսկ մենք նրանց տեղեկատվությունը ենք տրամադրում տեղական շուկայի պոտենցիալ գործընկերների մասին, ինչպես նաև խորհրդատվություն տրամադրում շուկայի օրենսդրական կարգավորումների գծով: Նշեմ, որ հայտերը լինում են տարբեր: Որպես կանոն, նրանք, ովքեր դիմում են մեզ, արդեն ուսումնասիրած են լինում շուկան, և մեզ մոտ են գալիս լիովին հստակ հայտերով, երբեմն էլ մասնակցում են մրցույթների: Միևնույն ժամանակ, մենք զգուշացնում ենք մեր գործընկերներին, որ կարող ենք խորհուրդներ տալ, բայց չենք կարող մատուցել իրավաբանական օգնություն: Կազմակերպությունը կարող է նաև օժանդակել հուսալի իրավաբան կամ հաշվապահ փնտրելու հարցում:

 

Ինչ եք կարծում, ի՞նչ դժվարություններ են սպասվում նրանց, ովքեր որոշել են դուրս գալ հայաստանյան շուկա, եթե համեմատենք վրացականի հետ:

 

Վրացական շուկան գերմանական ընկերություններին առաջարկում է բազմաթիվ հնարավորություններ: Այնտեղ ավելի հեշտ է մաքսային մարմինների հետ աշխատելու առումով: Ոչ ռեզիդենտների նկատմամբ կրճատվել են անհրաժեշտ փաստաթղթերի ներկայացման պահանջները: Մեր ընկերության նման ընկերություններին Հայաստանում օրենսդրական առումով հեշտ չէ: Կան բազմաթիվ սահմանափակումներ, օրինակ, նման ընկերությունների անդամության կամ կառավարման ընթացակարգերի պահանջների առումով:

 

Հայաստանն ունի չիրացված մեծ ներուժ, հատկապես վերը նշված հատվածներում: Բացի այդ, Հայաստանն ունի շատ մեծ մարդկային ռեսուրսներ:

 

Ինչպես փորձն է ցույց տալիս, եթե ընկերությունը գտել է իր տեղը, ապա կարող է հաջողությամբ գործել երկրի տարածքում: Ինչպես ասում են գերմանական բիզնեսի բազմաթիվ ներկայացուցիչներ, հայերի հետ աշխատելը շատ հաճելի է, ինչը նույնպես պակաս կարևոր չէ:

 

Ելնելով սեփական փորձից, ասեմ, որ գերմանական ընկերությունները հատուկ զգուշությամբ են վերաբերվում ներդրումային ռիսկերի գնահատմանը, և այլ երկրների գործարարներից ավելի շատ են խուսափում կանխատեսելի ռիսկերից: Դրա համար էլ աշխատում են սկսել փոքրից, ու միայն դրանից հետո են անցնում լայնամասնշատ նախագծերին:

Նաիրա Բադալյան


Նորություններ


Արտ. փոխարժեքները
21.10.2020
RUB6.410.08
USD494.371.04
EUR585.483.05
GBP645.355.85
CAD377.122.59
JPY47.130.40
CNY74.030.32
CHF546.513.14



Պետական պարտատոմսեր

Issue volume

10 billion

Volume of T-bills for placement

200 million

Volume of submitted competitive applications

200 million

Volume of satisfied bids

200 million

Yield at cut-off price

 5.8314%

Maximum yield

 5.8314%

Мinimum yield

 5.8314%

Weighted average yield

 5.8314%

Number of participants

2

The maturity date of T-bills

03.02.2020

ArmEx

 

СПРОС (Покупка)

USD

Средневзв. Цена

482,00

ПРЕДЛОЖЕНИЕ (Продажа)

  USD

Средневзв. Цена

-

СДЕЛКИ

USD

Цена откр.

482,00

Цена закр.

482,00

Мин. Цена

482,00

Макс. Цена

482,00

Ср/взв. Цена

482,00

-0,16

Кол-во сделок

1

Объем (инвал.)

200 000

0бъем (драм)

96 400 000