Արմինֆո. ՎԶԵԲ ձեռնարկատիրության աջակցման գրասենյակի ղեկավար Գևորգ Պողոսյանը համոզված է, որ Հայստանի նոր Հարկային օրենսգիրքն ստեղծվում է երկրի հարկային դաշտը պարզեցնելու նպատակով, մասնավորապես, ՓՄՁ համար: Չհերքելով ՀՕ հետ կապված որոշ դրական պահերը, Պողոսյանն արձանագրում է որոշակի խոչընդոտների առկայությունը, որոնց ուղղությամբ անհրաժեշտ է աշխատել:
Ինչպս պարզաբանել է Պողոսյանը, Հայստանի ՀՕ ՓՄՁ-ների գործունեությանը խոչընդոտող հոդվածները հիմնականում կապված են առաջարկվող նոր վարչարարական գործիքների, ինչպես նաև շրջանառության հարկի փոփոխության հետ:
Նրա խոսքով, շահաբաժինների հարկումը կարող է լուրջ խոչընդոտ հանդիսանալ դեպի Հայաստան օտարերկրյա ներդրումների ճանապարհին: «Առանց այն էլ դժվար է ներդրումներ ներգրավել Հայաստան, ելնելով մի շարք գործոններից: Շահաբաբաժինների հարկումը հերթական արգելքը կարող է դառնալ դեպի Հայաստան օտարերկրյա ներդրումների ճանապարհին»,-ասել է նա:
Հիշեցնենք, որ հունիսի 15-ին Հայաստանի Ազգային ժողովը ձայների 68 «կողմ» 21 «դեմ» և 18 «ձեռնպահ» հարաբերակցությամբ առաջին ընթերցմամբ ընդունեց նոր Հարկային օրենսգիրքը: Օրինագծին դեմ արտահայտվեցին բոլոր կուսակցությունները, բացի ՀՀԿ-ից: Անգամ կոալիցիայի անդամ հանդիսացող Դաշակցությունը հայտարարեց, որ համաձայն չէ նախագծին: Օրենսգրքի երկրորդ ընթերցումը նախատեսվում է աշնանը:
RUB | 4.27 | 0.00 |
USD | 394.46 | -0.25 |
EUR | 425.62 | -1.93 |
GBP | 497.65 | -0.91 |
CAD | 290.11 | -0.27 |
JPY | 26.06 | -0.05 |
CNY | 54.57 | -0.05 |
CHF | 435.72 | -0.13 |