Ուրբաթ, 8 Հուլիսի 2016 13:26
Նաիրա Բադալյան

Ավիացիայի ոլորտում գնագոյացումը մտահոգում է ՀՀ էկոնոմիկայի նախարարությանը

Ավիացիայի ոլորտում գնագոյացումը մտահոգում է ՀՀ էկոնոմիկայի նախարարությանը

Արմինֆո. Հայաստանի ավիացիայի ոլորտում գնագոյացումը մտահոգիչ է, Ձեռներեցության հարցերով Եվրասիական տնտեսական հանձնաժողովի կոլեգիային կից խորհրդատվական կոմիտեի իններորդ նիստի շրջանակներում լրագրողներին հայտարարել է ՀՀ էկոնոմիկայի նախարար Արծվիկ Մինասյանը:

 

Նախարարը նշում է, որ ավիատոմսերի գների բարձրացումը միայն ՙՎերին Լարս՚ անցակետի փակման հետևանք չէ: ՙԿարծում եմ՝ այդ հարցը պետք է ինչպես Հայաստանի էկոնոմիկայի նախարարության և Տնտեսական մրցակցության պաշտպանության պետական հանձնաժողովի, այնպես էլ այլ իրավասու կառույցների քննարկման առարկա դառնա՚,- ասել է նախարարը:

 

Էկոնոմիկայի նախարարությունն արդեն նախնական քննարկումներ է նախաձեռնել, հայտնել է Մինասյանը: Սակայն, նախարարի խոսքով, արդյունքների մասին դեռ վաղ է խոսել: ՙԱկնհայտ է, որ ընդհանուր առմամբ ծառայությունների ոլորտում և ավիացիայի ոլորտում գնագոյացման հարցում, մասնավորապես, հնարավոր դեմպինգային գործողությունների հայտնաբերման և շուկայի մասնակիցների ու սպառողների իրավունքների պաշտպանության մասով իրականացվող քաղաքականությունը լուրջ վերանայման կարիք ունի՚,- հայտարարել է նախարարը:
 

Ինչպես ավելի վաղ հաղորդվել էր, ՙՎերին Լարս՚ անցակետով Հայաստանը Ռուսաստանին կապող Ռազմավիրական ճանապարհի փակման հետևանքով կտրուկ բարձրացել են դեպի Ռուսաստան ավիատոմսերի գները: Մի քանի օրվա ընթացքում ավիատոմսերի գները բարձրացել են երկու-երեք անգամ: Հատկանշական է, որ ավանդաբար դեպի Մոսկվա գներն ավելի թանկ են արժեցել՝ Մոսկվայից ավիատոմսերի արժեքի համեմատ: Պատճառը, ինչպես բացատրել են փոխադրողները, ինչպես ՙԶվարթնոց՚ օդանավակայանի բարձր գներն են, այնպես էլ՝ որոշակի արտոնությունները, որոնցից, ինչպես հատարարել են տեղական ավիաընկերությունների ղեկավարները, օգտվում են ռուսական ավիաընկերությունները:

 

Օրերս Քաղավիացիայի գլխավոր վարչության նորանշանակ պետ Սերգեյ Ավետիսյանը հայտարարել է, որ համաձայն չէ այն հավաստմանը, որ Հայաստանի ավիացիոն ոլորտը մենաշնորհացված է ռուսական ավիաընկերությունների կողմից: Նրա խոսքով, հայաստանյան շուկայում ռուսական ավիաընկերությունների գերակշռումը միանգամայն տրամաբանական բացատրություն ունի. հայ ուղևորների մեծ մասն օգտվում է ռուսական ուղղություններով թռիչքներից: Ոչ ոք իրավունք չունի հայտարարել, որ Հայաստանում խոչընդոտներ են ստեղծվում այս կամ այն ընկերության աշխատանքի համար, քանի որ ՙբաց երկնքի՚ պայմաններում դա, սկզբունքորեն, անհնար է, գտնում է նա: Իսկ տեղական ընկերությունների բացակայությունն Ավետիսյանը կապել է այն բանի հետ, որ ավիացիան թանկ բիզնես է, որը մեծ ներդրումներ է պահանջում:

 

ՀՀ ՏՄՊՊՀ-ն արդեն հանդես է եկել հայտարարությամբ այն մասին, որ

ՌԴ հակամենաշնորհային ծառայության և ԵՏՀ մրցակցության և հակամենաշնորհային կարգավորման հարցերով կոլեգիայի հետ համատեղ կուսումնասիրեն Հայաստանից Ռուսաստան ավիատոմսերի գների կտրուկ աճի պատճառները:

 

Հիշեցնենք, որ 2013 թվականի հոկտեմբերի 23-ին ՀՀ կառավարությունն ընդունեց Հայաստանում ավիափոխադրումների ոլորտի ազատականացման մասին որոշում և հաստատեց «Հայաստանում ավիափոխադրումների մրցակցային և շարունակական ծառայությունների մատուցման ապահովման ծրագիրըե: Այն հիմնված էր Հայաստանի Ազգային մրցունակության հիմնադրամի (ՀԱՄՀ), McKinsey & Company ընկերության միջև կատարված համատեղ հետազոտության վրա: Նոր քաղաքականության արդյունքը շատ կարճ տևեց: «Բաց երկնքիե քաղաքականությունը, որը կառավարության կողմից հայտարարվեց 2013 թվականին «Արմավիաե ազգային ավիափոխադրողի սնակացումից հետո, հանգեցրեց հայաստանյան շուկայից օտարերկրյա ավիաընկերությունների համատարած փախուստի: Արդյունքում ավիատոմսերի բարձր գների պատճառով հայ ուղևորներից շատերը նախընտրում են օգտվել հարևան Վրաստանի օդային ծառայություններից, որտեղ հաջողությամբ գործում են մի շարք եվրոպական լոուքոսթերներ: 


Նորություններ


Արտ. փոխարժեքները
21.01.2021
RUB7.05-0.03
USD518.89-0.30
EUR629.980.41
GBP712.541.46
CAD511.262.45
JPY50.170.15
CNY80.200.12
CHF584.730.58



Պետական պարտատոմսեր

Issue volume

10 billion

Volume of T-bills for placement

200 million

Volume of submitted competitive applications

200 million

Volume of satisfied bids

200 million

Yield at cut-off price

 5.8314%

Maximum yield

 5.8314%

Мinimum yield

 5.8314%

Weighted average yield

 5.8314%

Number of participants

2

The maturity date of T-bills

03.02.2020

ArmEx

 

СПРОС (Покупка)

USD

Средневзв. Цена

482,00

ПРЕДЛОЖЕНИЕ (Продажа)

  USD

Средневзв. Цена

-

СДЕЛКИ

USD

Цена откр.

482,00

Цена закр.

482,00

Мин. Цена

482,00

Макс. Цена

482,00

Ср/взв. Цена

482,00

-0,16

Кол-во сделок

1

Объем (инвал.)

200 000

0бъем (драм)

96 400 000