2015 թվականին «Ռուսալ Արմենալ»-ն իր կանոնադրական կապիտալը`3.1 մլրդ դրամից հասցրել է մինչև 36,7 մլրդ դրամ, զգալիորեն դանդաղեցնելով շահույթի նվազման տեմպերը

Արմինֆո. 2015 թվականին «Ռուսալ Արմենալ» ՓԲԸ ընկերությունը զուտ վնասն ավելացրել էր 19,5%, մինչև 3.6 մլրդ դրամ (2014-ի գրչեթե 6 անգամ աճի փոխարեն): Ըստ ընկերության կողմից հրապարակված ֆինանսական հաշվետվությունների, ընկերության կուտակված վնասը 2015-ին խորացավ մինչև 57.9 մլրդ դրամ, 2014-ի 54,3 մլրդ դրամից, արագացնելով տարեկան աճի տեմպերը`5.8% -ից մինչև 6,6%:

Ընկերության համախառն շահույթը 2015-ին կրճատվեց 4,4 անգամ, մինչև մինուս

2.2 մլրդ դրամ, 2014-ի 21 անգամ, մինչև 896.6 մլն դրամ աճի փոխարեն: Ընդ որում, ընկերության հասույթը 2015-ին աճեց 3,8%, մինչև 37,8 մլրդ դրամ, (2014-ին `11%), ընդ որում, ինքնարժեքն աճեց 12.4%, մինչև մինուս 39.98 մլրդ.դրամ (2014-ի աճը`8,4%): Զգալիորեն աճեց օպերացիոն վնասը`ավելի քան 3 անգամ, մինչև 4,4 մլրդ դրամ, 2014-ի  մինուս 1.4 մլրդ դրամի փոխարեն (անկումը` 13.5%):

Ընկերության ֆինանսական եկամուտները 2015 թվականին աճեցին 1,3 մլրդ դրամ, 2014 թվականի 76 հազար դրամից: Միևնույն ժամանակ, ֆինանսական ծախսերը զրոյացվեցին` 2014 թվականի 624.7 մլն դրամից: Իրականացված ծախսերը 2015-ին աճեցին 2.5 անգամ, մինչև 447.1 մլն դրամ, իսկ վարչական ծախսերը նվազեցին 11.8%, մինչև 1,5 մլրդ դրամ:

Ընկերությունը 2015 թվականին բաժնետիրական կապիտալը հասավ 36,699 մլրդ դրամի, 2014-ի 3.141 մլրդ դրամի փոխարեն: Լրացուցիչ կապիտալն հաշվետու տարում կրճատվեց մինչև 28.7 մլրդ դրամ, 2014-ի 62.2 մլրդ դրամից:

Ընկերության ակտիվների կառուցվածքում ոչ ընթացիկ ակտիվներն աճեցին 0,4%, մինչև 27,8 մլրդ դրամ, ինչն ուղեկցվեց ընթացիկ ակտիվների 74.8% անկումով, մինչև 15.6 մլրդ դրամ: Ընդ որում, ընթացիկ ակտիվների կառուցվածքում նյութատեխնիկական պահուստների 20.8%, մինչև 12.8 մլրդ.դրամ աճին (2014-ի աճը` 14.7%) զուգահեռ ամբողջովին զրոյացվեց ներդրումները մուրհակներում, 2014-ի 43,9 մլրդ դրամից, կրճատելով դեբիտորական պարտքի 62%-ը, մինչև 2,4 մլրդ դրամ (2014-ի աճը` 1,7%) և 62.3% նվազցվել են դրամական միջոցներն ու դրանց համարժեքները (2014-ի աճը`26 անգամ): Արդյունքում, ընկերության ընդհանուր ակտիվները 2015 թվականին նվազեցին 51.5%, մինչև 43.4 մլրդ դրամ, 2014-ի 13,9% աճից հետո:

Ընկերության ընդհանուր պարտավորությունները 2015 թվականին նվազեցին 54.2%, կազմելով 35,9 մլրդ դրամ, ընթացիկ պարտավորությունների 57.8%, մինչև 31.3 մլրդ.դրամ անկման և ընթացիկ պարտավորությունների`9.5%, մինչև 4.6 մլրդ.դրամ աճի պայմաններում: Ընդ որում, պարտավորությունների կառուցվածքում ներգրավվող վարկերի և փոխառությունների ծավալը 2015 թվականին նվազեց 75%, մինչև 15,1 մլրդ դրամ, իսկ կրեդիտորական պարչտքերն աճեցին 12.4%. մինչև 18,1 մլրդ դրամ, մինչդեռ մեկ տարի առաջ հաշվեկշռային երկու հոդվածներն էլ համապատասխանաբար ցուցադրեցին` 12.2% և 45.1% աճ:

Հիշեցնենք, որ 2010 թվականին «Ռուսալ Արմենալ» գործարանը 2010 թվականին 18 մլրդ.դրամի վնասից հետո կտրուկ դուրս եկավ 3.7 մլրդ.դրամի շահութաբերության, որից հետո, 2011-2012 թվականներին սկսեց տարեկան նվազեցնել, վերադառնալով 2013 թվականին 521.2 մլն.դրամի մինուսային մակարդակ, հետագայում աստիճանաբար խորացնելով վնասը, տեմպերը դանդաղեցնելով 2015 թվականին: 2015 թվականին գործարանը 5.5%-ից մինչև 1.4% դանդաղեցրեց ալյումինե փայլաթիթեղի արտադրության աճը, զգալիորեն կրճատելով նաև ալյումինե գլանվածքների արտադրությունը: Այսպես, 2015 թվականին արտադրվեց 29.6 հազար տոննա ալյոմինե փայլաթիթեղ, իսկ ալյումինե գլանվածքների արտադրությունը կրճատվեց 45.7%, մինչև 10.7 տոննա, նախորդ տարվա 10.7 աճի փոխարեն:

Հայկական ալյումինե փայլաթիթեղը հիմնականում արտահանվում է Եվրոպա, որտեղ արտահանումը 2015-ին ավելացել է 4,5 անգամ: Առաքումներ են կատարվում նաև ԱՄՆ: Նոր շուկաների յուրացումն ուղեկցվեց 2.7 անգամ ավելի աշխատատար, բայց 15% ավելի բարակ փայլաթիթեղի արտադրությամբ: 2015-ին ընկերությունում հաջողությամբ իրականացվեց արդիականացման և տեխնիկական վերազինման ծրագիրը: 2015 թվականին ընկերությունը հաջողությամբ իրականացրեց արդիականացման և տեխնիկական հագեցման ծրագիրը: Շահագործման հանձնվեց շոգեկառավարման AIRPURE սարքը, իսկ ՌՈՒՍԱԼԻ բիզնես-համակարգի շրջանակներում 6.1% ավելացավ վառարանների արտադրողականությունը, արդիականացվեց նաև փայլաթիթեղի երկայնակի կտրման մեքենան, որը նախատեսված է նոր արտադրանքների համար:

Հիշեցնենք, որ ԱՐՄԵՆԱԼ գործարանն ստեղծվել է 2000 թվականին, Քանաքեռի ալյումինի գործարանի բազայի վրա, հանդիսանում է Հայաստանի խոշորագույն արդյունաբերական ձեռնարկություններից մեկը և ալյումինեփայլաթիթեղի միակ արտադրողը Կովկասում և Կենտրոնական Ասիայում: Գործարանը գտնվում ՌՈՒՍԱԼ-ի կազմում և «Սայանալ», «Ուրալսկայա ֆոլգա» և «Սայանսկայա ֆոլգա» ձեռնարկությունների հետ կազմում է ընկերության Փաթեթավորման բաժանմունքը: