Արմինֆո. Հայաստանի տնտեսության ինստիտուցիոնալ հնարավորությունների և տուրիզմի ենթակառուցվածքների զարգացման գծով Համաշխարհային բանկի 55 մլն.դոլարի վարկային ծրագիրը կարճ ժամկետներում կապահովի ներդրումների բազմակի վերադարձ: Այս մասին հուլիսի 15-ին կայացած մամուլի ասուլիսում հայտարարել է ՀՀ էկոնոմիկայի նախարար Արծվիկ Մինասյանը, պատասխանելով տուրիզմի զարգացման նպատակով նման մասշտաբի վարկ ներգրավելու նպատակահարմարության մասին ԱրմԻնֆո գործակալության հարցին:
Ըստ նախարարի, ծրագրի իրականացումը կպահովի ներդրված միջոցների բազմակի վերադարձ, ընդ որում, կարճ ժամկետներում: Վարկային ծրագիրը կուղղվի թե ենթակառուցվածքների վերականգնմանը, և թե նոր աշխատատեղերի ստեղծմանը, ասել է նախարարը: «Միջոցները պետբյուջե վերադարձնելուց հետո կարող են ուղղվել նաև երկրի պաշտպանության կարիքներին»,-հայտարարել է նախարարը:
Նախարարը տեղեկացրել է, որ տրամադրված միջոցներով նախատեսվում է զարգացնել հարավային ուղղությամբ ենթակառուցվածքները (դեպի Մեղրի), ինչպես նաև դեպի հյուսիս (Դիլիջան), ինչը թույլ կտա Վրաստանի և Իրանի հետ ապահովել տրանս-սահմանային տուրիզմի լիարժեք իրականացում: Ծրագրով նախատեսվում է նաև Գառնիի ուղղությամբ տուրիստական ենթակառուցվածքների վերականգնում: Նախարարը նշել է, որ, ըստ տնտեսական հաշվարկների, ծրագրի արդյունավտությունը կլինի չափազանց բարձր: Ծրագրի բարձր իրականացման պայմաներում, ըստ նախարարի, կարելի է խոսել միջոցների վերադարձի մասին, ընդ որում, ընդամենը 5.5 տարում: Ըստ նախարարի, ծրագիրը հիմնված է տեղական տնտեսությունների զարգացման հայեցակարգի վրա, որոնք կապահովեն նոր աշխատատեղերի ստեղծում և ծառայությունների ոլորտից դեպի պետբյուջե միջոցների աճ:
Ըստ նշված վարկային համաձայնագրի հիմնավորումների, մինչև 2012 թվականը, տարեկան 5% աճի պայմաններում, ակնկալվում է Հայաստան ժամանող տուրիստների թվի ավելացում, մինչև 1.600.000: Իսկ 2021 թվականից և ծրագրի արդյունավետ իրականացումից հետո, հայեցակարգային խնդիրների համալիր իրականացման պայմաններում, կանխատեսվում է 100 մլն.դոլարի եկամուտ, որից 24 մլն.դոլարը կմտնի պետական բյուջե: Արդյունքում, հասնելով 3 մլն. այցելությունների ցուցանիշին, նախատեսվում է տարեկան 3 մլրդ.դոլար շահույթի ապահովում (720 մն.դոլարը` բյուջե):
ՀՀ կառավարությունը հունիսի 9-ին հավանություն տվեց Հայաստանի և Վերակառուցման և զարգացման միջազգային բանկի միջև 55 մլն.դոլար վարկային համաձայնագրին, ուրն ուղղված է Հայաստանի տնտեսության ինստիտուցիոնալ հնարավորությունների և տուրիզմի ենթակառուցվածքների զարգացմանը: Ինչպես հայտարարել էր ՀՀ ֆինանսների փոխնախարար Պավել Սաֆարյանը, ծրագիրը կազմված է մի ոսնի բաղադրիչներից: Դրանք են` մշակույթի հուշարձանների բարեկարգումը և տուրիստական ուղիների մշակումը: Ծրագրի շրջանակներում կվերականգնվեն Գորիս և Մեղրի քաղաքների հին թաղամասերը, ինչպես նաև Արենի, Տաթև և Տանձատապ գյուղերի հնագույն օբյեկտները: Նախատեսվում է նաև ծրագրերի դրամաշնորհային ֆինանսավորում: Նախատեսվում է բարեկարգել նաև Գառնիի տաճարի, Խոր Վիրապի վանքի, Արենի գյուղի շուկայի և քարանձավի, Մոզրովի քարանձավի (Եղեգիս), Քարահունջի, Խնձորեսկի, ինչպես նաև Հաղպատ և Սանահին գյուղերի շուրջ տարածքները: Միջոցները կտրամադրվեն 6% Libor+ լողացող մարժայով, 25 տարի մարման և 14.5 տարի արտոնյալ ժամկետներով:
Ալեքսեյ Մելնիկով. ՀԿԵ-ն թողունակության բավականին լուրջ պաշար ունի
Հայաստանում դոլարային հիփոթեքի արգելքը՝ սպառողի շահերի պահապան թե բանկային շահերի լոբբինգ. Կարեն Զաքարյան
Ինչպես է փոխվել միջին աշխատավարձ ստացող քաղաքացու կենսամակարդակը վերջին տարում
ԵԱՏՄ երկրներ ավտոմեքենա վաճառելիս ՊԵԿ-ի տեղեկանքները չեղարկվել են
Հայաստանի տնտեսությունն անառողջ է. տնտեսագետն առաջարկում է առկա խնդիրների լուծման եղանակներ
ԱԶԲ պատվիրակությունն այցելել է Հյուսիս-Հարավ ճանապարհային միջանցքի Սիսիան-Քաջարան հատված
Հայաստանի բանկերի միության խորհրդի նախագահ է ընտրվել Մհեր Անանյանը