Շաբաթ, 16 Հուլիսի 2016 12:57

Արմինֆո. Հուլիսի 11-15-ը արտարժույթի միջբանկային շուկայում գործարքների թիվը նախորդ շաբաթվա համեմատ աճեց 20.2%, իսկ օրական ակտիվությունը կազմեց 1.1-2.2 մլն.դոլար, ինչին զուգահեռ ներբանկային շուկայում նույնպես բարձր ակտիվությամբ աչքի ընկան դոլարային գործարքները, արձանագրելով շաբաթական ծավալների 80-84% աճ, ինչը դրամին թույլ տվաց պահպանվել 477 դրամ/դոլար մակարդակ: Ընդ որում, բորսայական հարթակն այս շաբաթ նույնպես չգործեց, իսկ Կենտրոնական բանկը շարունակում էր ձեռնպահ մնալ միջամտություններից և ինտերվենցիաներից: Արդյունքում, ՀՀ դրամը 2016 թվականի առաջին կիսամյակում 482 դրամից ամրապնդվեց մինչև 477 դրամ/դոլար մակարդակ, բայց մինչ այդ հասցրեց արժազրկվել մինչև 496 դրամ/դոլար մակարդակ (փետրվարի 12-ին), 479 դրամից մինչև 484.5 դրամ/դոլար (ապրիլի առաջին տասնօրյակում), 479 դրամից մինչև 480.5 դրամ/դոլար (մայիսի կեսերին), 478 դրամից մինչև 479 դրամ/դոլար (հունիսի սկզբին) և 476 դրամից մինչև 477 դրամ/դոլար (հունիսի 30-ին), հետագայում, հունիսի առաջին կեսին ամրապնդվեց 477 դրամ/դոլար մակարդակում: Շուկայի անկախ վերլուծաբանների կարծիքով, Ռուսաստանի ֆինանսա-տնտեսական ճգնաժամի խորացման, նավթի գների, հատկապես Հայաստանի արտահանումային հոդված հանդիսացող մետաղական հումքի գների անկման պայմաններում, դրամը 2016 թվականի վերջին կարող է դոլարի նկատմամբ թուլանալ մինչև 540-550 դրամ/դոլար մակարդակ: Ինչպես ԱրմԻնֆո գործակալությանը տեղեկացվել է ՀՀ կենտրոնական բանկի մամուլի ծառայությունից, ի տարբերություն բորսայի, արտարժույթի միջբանկային շուկայում ամենաօրյա ակտիվությունը պահպանվել է, իսկ առավելագույն ծավալը գրանցվել է հուլիսի 13-ին` 2.150 մլն.դոլար, ապահովելով 6.550 մլն.դոլարի շաբաթական ծավալ (նախորդ շաբաթ` 5.450 մլն.դոլար), միջին կշռված փոխարժեքը ձևավորելով 477.09 մակարդակում, նախորդ` 477.44 դրամ/դոլարի փոխարեն:

 

Աղբյուրի համաձայն, արտարժույթի ներբանկային շուկայում (գործարքներ հաճախորդների հետ) հուլիսի 11-15-ը ակտիվացան դոլարով և եվրոյով  գործարքները, իսկ ռուբլիով գործարքներ պահպանեցին հանդարտ աճը: Մասնավորապես, դոլարի գնման ծավալը հաշվետու ամսում ավելացավ 84%, եվրոյինը` 47%, իսկ վաճառքի ծավալների աճը համապատասխանաբար կազմեց` 79.6% և 55.6%, իսկ ռուբլու առուվաճառքի ծավալն աճեց ընդամենը 9-12%: Այսպես, գնվել է 86.5 մլն դոլար 475.75 դրամ/ դոլար միջին փոխարժեքով, 8.5 մլն.եվրո, 526.06 դրամ/ եվրո միջին փոխարժեքով և 1.238 մլրդ.ռուբլի, 7.42 դրամ/ռուբլի, իսկ վաճառվել է 96.95 դոլար, 477.23 դրամ/դոլար միջին փոխարժեքով, 14.2 մլն.եվրո, 529.43 դրամ/եվրո միջին փոխարժեքով և 424.997 մլն.ռուբլի, 7.52 դրամ /ռուբլի միջին փոխարժեքով:

 

Նախորդ շաբաթ (հուլիսի 4-9-ը) Հայաստանի բանկերի կողմից տրամադրվել է 40.2 մլրդ դրամի և 29.3 մլն դոլարի վարկեր: Նախորդող շաբաթվա համեմատ (հունիսի 27-ից հուլլիսի 2-ը) դրամով տրամադրված վարկերի ծավալը նվազել է 29.3%, իսկ դոլարով տրամադրված վարկերի ծավալը`75.5%:

 

Հիշեցնենք, որ 2015 թվականին արտարժույթի մանրածախ շուկայում դրամը դոլարի նկատմամբ 477 դրամից թուլացավ մինչև 482 դրամ/դոլար մակարդակ, եվրոյի նկատմամբ` 571,5-ից մինչև 529 դրամ / եվրո մակարդակ, իսկ ռուսական ռուբլու նկատմամբ` 8.2-ից մինչև 6.9 դրամ/ռուբլի մակարդակ: Ընդ որում, դեկտեմբերին 14-28-ը Կենտրոնական բանկը գրեթե ամեն օր միջամտում էր շուկային: Դրամի արժեզրկումային տրամադրությունները  դիտվում էին երկրի արտաքին առևտրի շրջանառության անկմանը զուգահեռ (մոտ 20.6%), այդ թվում, ներմուծումը կրճատվեց մոտ 26.5%, արտահանումը` մոտ 3.9%, իսկ դեպի Հայաստան դրամական փոխանցումների ներհոսքը կրճատվեց ավելի քան 30%, և այդ ամենը տեղի է ունենում բնակչության առանց այն էլ ցածր վճարունակության և երկրի տնտեսական ցածր ակտիվության պայմաններում: 2016 թվականից Հայաստանի արտարժույթի մանրածախ շուկայում ՀՀ դրամը ԱՄՆ դոլարի նկատմամբ կրկին սկսվեց արժեզրկվել, փետրվարի 12-ին դոլարի նկատմամբ արժեզրկվելով մինչև 496 դրամ/դոլար մակարդակ, բայց մարտին սկսեց ամրապնդվել և մարտի 25-ին հասավ 482 դրամ/դոլար մակարդակ, ընդամենը դանդաղեցնելով եվրոյի և ռուբլու նկատմամբ արժեզրկումը: Հետագայում, ապրիլի կեսերից դրամը դոլարի նկատմամբ սկսեց ամրապնդվել, ապրիլի 29-ին`479 դրամ/դոլար մակարդակում, շարունակելով այդ միտումները նաև մայիսին: Մայիսի 31-ին դրամն ամրապնդվեց 478 դրամ/դոլար մակարդակում, եվրոյի նկատմամբ` 532 դրամ/եվրո, իսկ ռուբլու նկատմամբ` 7.3 դրամ/ռուբլի մակարդակներում: Հունիսի առաջին կեսը ՀՀ դրամի համար զուսպ դեվալվացիոն էր, բայց հետո տեղի ունեցավ ամրապնդում`հունիսի 17-ին դրամը դոլարի նկատմամբ ամրապնդվեց 477 դրամ/դոլար մակարդակում, եվրոյի նկատմամբ` 529 դրամ/եվրո, իսկ ռուբլու նկատմամբ` 7.4 դրամ/ռուբլի մակարդակում: Հուլիսի առաջին կեսին դրամը դոլարի նկատմամբ պահպանվեց 477 դրամ/դոլար, եվրոյի նկատմամբ`530 դրամ/եվրո, իսկ ռուբլու նկատմամբ`7.6 դրամ/ռուբլի մակարդակներում, պահպանվելով մինչև հուլիսի 8-ը: -կ-