Արմինֆո. ՎՏԲ -Հայաստան Բանկը հանդես է գալիս նոր առաջարկով` Բանկի գործընկեր առևտրի կետերում ապառիկ վարկ ձևակերպող լավագույն հաճախորդներին հնարավորություն է ընձեռվում ստանալ Բանկի վարկային քարտ` հիմնական ապառիկ վարկի հետ միաժամանակ:
Ինչպես ԱրմԻնֆո-ին հայտնել են բանկի մամուլի ծառայությունից, Companion Card վարկային քարտը ձևակերպվում է մի քանի րոպեների ընթացքում առևտրի կետում, մինչև 800 000 ՀՀ դրամ վարկային սահմանաչափով և առանց լրացուցիչ փաստաթղթեր ներկայացնելու անհրաժեշտության:
Վարկային քարտի քարտապանը կարող է ոչ միայն կանխիկացնել դրամային միջոցներ Բանկի բանկոմատներում և POS-տերմինալներում, այլև կատարել վճարումներ ապրանքների և ծառայությունների դիմաց խանութներում ու ռեստորաններում, ընդ որում, քարտի տոկոսները հաշվարկվում են միայն վարկային սահմանաչափի օգտագործման դեպքում և միայն օգտագործված չափով:
Վարկային քարտի տրամադրման և սակագների պայմանների մասին ավելի մանրամասն տեղեկություններ կարելի է ստանալ՝ զանգահարելով ՎՏԲ-Հայաստան Բանկի Միասնական տեղեկատվական ծառայություն՝ 87-87 հեռախոսահամարով, այցելելով ՎՏԲ-Հայաստան Բանկի պաշտոնական կայք՝ www.vtb.am կամ Բանկի ցանկացած մասնաճյուղ:
Համաձայն ԱրմԻնֆո գործակալության`Հայաստանի բանկերի ռենքինգի տվյալների, ՎՏԲ-Հայաստան Բանկն առաջատարների եռյակում է սպառողական վարկերի գծով՝ 2016 թվականի ապրիլի 1-ի դրությամբ ապահովելով 64 մլրդ դրամի ծավալ: Բանկի ընդհանուր վարկային պորտֆելում սպառողական վարկերը կազմում են 33%: Ըստ ԱրմԻնֆո գործակալության` «Հայաստանի բանկերը քարտային բիզնեսում՚ վերլուծական տեղեկագրի, ՎՏԲ-Հայաստան Բանկը շարունակում է գլխավորել Հայաստանի պլաստիկ քարտերի շուկան, ընդ որում, ինչպես քարտերի քանակով, այնպես էլ գործարքների ծավալով: Այսպես՝ 2016 թվականի ապրիլի 1-ին բանկի ակտիվ քարտերի թիվը հասել է 496,6 հազարի, իսկ գործարքների ընդհանուր ծավալը գերազանցել է 210.3 մլրդ դրամը:
Բանկն առաջատարն է նաև Visa քարտերի թվով, որոնք 2016-ի ապրիլի 1-ին կազմել են ավելի քան 418.2 հազար քարտ: Ի դեպ, Բանկն առաջատարների եռյակում է նաև MasterCard-ի թվով՜ ավելի քան 78,3 հազար քարտ:
Նշենք, որ ՎՏԲ-Հայաստան Բանկը ՎՏԲ միջազգային ֆինանսական խմբի անդամ է դարձել 2004 թվականի ապրիլից: Ներկայումս Ռուսաստանում երկրորդ խոշորագույն ՎՏԲ Բանկը տիրապետում է «ՎՏԲ-Հայաստան Բանկե ՓԲԸ 100% բաժնետոմսերին: Իր հիմնական ցուցանիշներով Բանկն ավանդաբար գտնվում է Հայաստանի բանկային համակարգի առաջատարների շարքում, ունի 67 մասնաճյուղ, որոնց միջոցով իր ներկայությունն է ապահովում երկրի բոլոր մարզերում:
Ալեքսեյ Մելնիկով. ՀԿԵ-ն թողունակության բավականին լուրջ պաշար ունի
Հայաստանում դոլարային հիփոթեքի արգելքը՝ սպառողի շահերի պահապան թե բանկային շահերի լոբբինգ. Կարեն Զաքարյան
Ինչպես է փոխվել միջին աշխատավարձ ստացող քաղաքացու կենսամակարդակը վերջին տարում
ԵԱՏՄ երկրներ ավտոմեքենա վաճառելիս ՊԵԿ-ի տեղեկանքները չեղարկվել են
Հայաստանի տնտեսությունն անառողջ է. տնտեսագետն առաջարկում է առկա խնդիրների լուծման եղանակներ
ԱԶԲ պատվիրակությունն այցելել է Հյուսիս-Հարավ ճանապարհային միջանցքի Սիսիան-Քաջարան հատված
Հայաստանի բանկերի միության խորհրդի նախագահ է ընտրվել Մհեր Անանյանը