Արմինֆո. Հայաստանում բնակարանների միջին շուկայական գները տարեկան կտրվածքով աճել են 0,2%, 2016 թվականի հունիսին կազմելով 184.6 հազ. դրամ / 1քմ: Իսկ եռամսյակային կտրվածքով միջին շուկայական գներն աճել են ընդամենը 0.003%:
Ըստ ՀՀ անշարժ գույքի կադաստրի պետական կոմիտեի տվյալների, բազմաբնակարան շենքերում բնակարանների գները միջին հաշվով մեկ տարում բարձրացել են 0,3%, մինչև 180.8 հազ դրամ / 1քմ (եռամսյակային աճը`0,04%): Մասնավորապես, բնակարանի գները Երևանում կազմել են 274,9 հազ. դրամ / 1 քմ (տարեկան աճը`0,2%, եռամսյակում` 0.04%), իսկ մարզերում`86.8 հազ. դրամ / 1 քմ (տարեկան աճը`0,6%, եռամսյակային աճը`0.1%): Մինչդեռ, մասնավոր տների գներն աճել են 0,5%, մինչև 188.4 հազ դրամ / 1քմ: Իսկ մայրաքաղաքում տարեկան և եռամսյակային աճը եղել է չնչին, և միջին արժեքը կազմել է 286,7 հազ. դրամ / 1քմ, մինչդեռ մարզերում 1 քմ տարածքի գինը մասնավոր տներում մեկ տարում ավելացել է 0,1%, մինչև 89.9 հազ դրամ, եռամսյակային աճը`0.02%:
Ընդհանուր առմամբ, մայրաքաղաքում 1 քմ բնակելի տարածքի գինը (բազմաբնակարան շենքեր և մասնավոր տներ) տարեկան կտրվածքով աճել է 0,1%, մինչև 280.8 հազ. դրամ, եռամսյակային աճը`0,03%: Իսկ մարզերում այս ցուցանիշը կազմել է 88,3 հազ. դրամ, տարեկան աճը`0,4%, եռամսյակային աճը`0,05%:
Ըստ Կադաստրի տվյալների, Երևանում բնակարանների ամենաբարձր գներն արձանագրվել են Կենտրոն համայնքում - 428.3 հազար դրամ / 1 քմ, տարեկան աճը`0.2%: Այնուհետև հաջորդում է Արաբկիրը - 357.3 հազ. դրամ / 1քմ, տարեկան աճը` 0,1%: Այս համայնքներում ավանդաբար ամենաբարձր գներն են արձանագրվել նաև մասնավոր տներում: Մասնավորապես, Կենտրոն - 476,4 հազ. դրամ /1քմ և Արաբկիր - 383.2 հազար դրամ /1քմ, չնչին եռամսյակային և տարեկան աճով`0,05%: Բնակարանային ամենացածր գները մայրաքաղաքում արձանագրվել են Նուբարաշենում - 157.3 հազար դրամ / 1քմ (տարեկան աճը`0.2%, եռամսյակի աճը`0.04%), իսկ գները մասնավոր տներում կազմել են 150,8 հազար դրամ / 1 քմ, (առանց տարեկան և եռամսյակային փոփոխության):
Մարզերում մասնավոր տների ամենաբարձր գներն արձանագրվել են Ծաղկաձորում (Կոտայքի մարզ) - 305 հազար դրամ / 1քմ (առանց տարեկան և եռամսյակային փոփոխության), Աբովյանում (Կոտայքի մարզ) - 157,3 հազար դրամ / 1քմ (առանց տարեկան փոփոխության և եռամսյակային`0.1% աճով) և Վաղարշապատում (Արմավիրի մարզ) - 153.2 հազար դրամ / 1քմ (տարեկան աճը`0.03%, եռամսյակային աճը` անփոփոխ): Մարզերում բազմաբնակարան շենքերի բնակարանների գներով առաջատարաներն են` Ծաղկաձորը - 292.4 հազ. Դրամ / 1քմ (տարեկան և եռամսյակային աճը`անփոփոխ), Աբովյանը - 155.2 հազ. դրամ / 1քմ (տարեկան և եռամսյակային աճը`անփոփոխ) և Վաղարշապատը - 154.2 հազար դրամ / 1քմ (տարեկան և եռամսյակային աճը`անփոփոխ):
«Բարս» անշարժ գույքի գործակալության տնօրեն Մարինա Չատինյանի կարծիքով, որի մասին նա փետրվարին հայտնել էր ԱրմԻնֆո գործակալությանը, Հայաստանի անշարժ գույքի ստագնացիան կպահպանվի դեռ 2 տարի: «Ցավոք, 2016 թվականի կանխատեսումները չեն կարող լինել մխիթարող: Անշարժ գույքի գործակալությունները, ինչպես նաև շուկայի պրոֆեսիոնալ մասնակիցները, սպասում են, թե երբ շուկան կհասնի նվազագույն սանդղակին, որից հետո միայն հնարավոր է վերելքը`դանդաղ, աստիճանական վերելքը» - պարզաբանել է Մ.Չատինյանը: Նա հավելել է, որ շուկայի լճացումը կշարունակի ներկայիս գլոբալ քաղաքական և տնտեսական իրավիճակի ազդեցության գործընկեր երկրների, հատկապես Ռուսաստանի, տնտեսությունների վատթարացման շնորհիվ, ինչը հանգեցրեց դեպի Հայաստան տրանսֆերտների նվազմանը և բնակչության եկամուտների կրճատմանը:
Մի փոքր այլ կարծիքի է «Ակցեռն» անշարժ գույքի կոնցեռնի նախագահ Հակոբ Բաղդասարյանը, ով նշել է, որ 2017 թվականն անցումային կլինի Հայաստանիանշարժ գույքի շուկայիառողջացմանառումով: Փորձագետը նշել է նաև, որ Հայաստանի անշարժ գույքի շուկայում զգալի աճ կարողէարձանագրվելմիայն 2018 թվականին: Պարզաբանման նպատակով Բաղդասարյանը նշել է տնտեսական զարգացման օրինակը, որը նույնպես գտնվում է անցումային փուլում: «Աշխարհաքաղաքական գործոնները, որոնք ազդում են Հայաստանի անշարժ գույքի շուկայի վրա, բազմաթիվ են, այդ թվում, խոսքը գնում է նաև իրանական շուկայի ակտիվացման, ինչպես նաև Վրաստանի հետ ավելի խորն ինտեգրման մասին: Միևնույն ժամանակ, տնտեսական իրավիճակի բարելավում է ակնկալվում նաև աշխարհում, կապված նավթի գների ենթադրվող բարձրացման հետ», - ասել է նա:
Ալեքսեյ Մելնիկով. ՀԿԵ-ն թողունակության բավականին լուրջ պաշար ունի
Հայաստանում դոլարային հիփոթեքի արգելքը՝ սպառողի շահերի պահապան թե բանկային շահերի լոբբինգ. Կարեն Զաքարյան
ԵԱՏՄ երկրներ ավտոմեքենա վաճառելիս ՊԵԿ-ի տեղեկանքները չեղարկվել են
Հայաստանի տնտեսությունն անառողջ է. տնտեսագետն առաջարկում է առկա խնդիրների լուծման եղանակներ
ԱԶԲ պատվիրակությունն այցելել է Հյուսիս-Հարավ ճանապարհային միջանցքի Սիսիան-Քաջարան հատված
Հայաստանի բանկերի միության խորհրդի նախագահ է ընտրվել Մհեր Անանյանը