Արմինֆո. Օգոստոսի 8-12-ը Հայաստանի ներբանկային շուկայում ամերիկյան և եվրոպական արժույթների գնման շաբաթական վայրընթաց տրենդը կտրուկ դանդաղեցրեց տեմպերը, իսկ վաճառքի դինամիկան անկումը փոխարինեց աճով, ինչը դրամի դոլարի նկատմամբ պահպանեց 476 դրամ/դոլար, իսկ եվրոյի նկատմամբ`531 դրամ/եվրո մակարդակներում: Դրան զուգահեռ, ներբանկային շուկայում ավելի ակտիվացան ռուբլու գնումներն ու վաճառքը, ՀՀ դրամը ռուսական ռուբլու նկատմամբ արժեզրկելով` 7.2-ից մինչև 7.4 դրամ/ռուբլլի: Միևնույն ժամանակ, արտարժույթի միջբանկային շուկան 5 անգամ ավելացրեց դոլարային գործարքների ծավալը, օրական 1-1.5 մլն.դոլար միջակայքում, նախորդ շաբաթվա 300-900 հազար դոլարի փոխարեն: Բորսայական հարթակն այս շաբաթ նույնպես չգործեց, իսկ Կենտրոնական բանկը տարեսկզբից մինչ օրս շարունակում էր ձեռնպահ մնալ միջամտություններից և ինտերվենցիաներից: Արդյունքում, ՀՀ դրամը 2016 թվականի առաջին կիսամյակում 482 դրամից ամրապնդվեց մինչև 477 դրամ/դոլար մակարդակ, բայց մինչ այդ հասցրեց արժազրկվել մինչև 496 դրամ/դոլար մակարդակ (փետրվարի 12-ին), 479 դրամից մինչև 484.5 դրամ/դոլար (ապրիլի առաջին տասնօրյակում), 479 դրամից մինչև 480.5 դրամ/դոլար (մայիսի կեսերին), 478 դրամից մինչև 479 դրամ/դոլար (հունիսի սկզբին) և 476 դրամից մինչև 477 դրամ/դոլար (հունիսի 30-ին), հետագայում, հուլիսի առաջին կեսին ամրապնդվեց 477 դրամ/դոլար մակարդակում, որից հետո, հուլիսի 24-ին ամրապնդվեց 476 դրամ/դոլար մակարդակում, բայց արժեզրկման տրամադրությունները վերջին շաբաթվա ընթացքում դրամը կրկին վերադարձրին 477 դրամ/դոլար մակարդակ: Բայց օգոստոսին դրամը տրամադրվեց դեպի արժևորում, մինչև 476 դրամ/դոլար, առայժ պահպանվելով այդ մակարդակում: Ինչպես ԱրմԻնֆո գործակալությանը տեղեկացվել է ՀՀ կենտրոնական բանկի մամուլի ծառայությունից, բորսայական հարթակը շարունակում է լռել, իսկ արտարժույթի միջբանկային շուկան օգֆոստոսի 8-12-ը կտրուկ ակտիվացավ, խոշոր ծավալներ արձանագրելով աբաթվա կեսին, մասնավորապես, առավելագույն ծավալն արձանագրվեց չորեքշաբթի օրը` 5.6 մլն.դոլար, իսկ նվազագույնը` երկուշաբթի օրը` 1.4 մլն.դոլար: Ընդհանուր հաշվով, օգոստոսի 8-12-ը արտարժույթի միջբանկային շուկայի շաբաթական ծավալը կազմեց 11.4 մլն.դոլար (նախորդ շաբաթ` 2.5 մլն.դոլար), միջին կշռված փոխարժեքը ձևավորելով 476.48 դրամ/դոլար մակարդակում (նախորդ շաբաթ` 476.57 դրամ/դոլար):
Աղբյուրի համաձայն, դրան զուգահեռ, ներբանկային շուկայում օգոստոսի 8-12-ը դոլարի առքի ծավալները կրճատվեցին` 3.2% (նախորդ շաբաթ`31.8% անկում), իսկ եվրոյով գործարքներով` առքը կրճատվեց 11.8% (անցյալ շաբաթ`22.5% անկում), իսկ դոլարի և եվրոյի վաճառքները համապատասխանաբար աճեցին`2.7% և 8.4% (նախորդ շաբաթ` 23.4% և 34.5%), ինչի ֆոնի վրա բարձրացավ ռուբլու հանդեպ հետաքրքրությունը, մասնավորապես, առքը բարձրացավ 2%, իսկ վաճառքը` 6.7%: Արդյունքում, գնվել է 60.96 մլն.դոլար, 475.35 դրամ/դոլար միջին փոխարժեքով, 8.2 մլն.եվրո, 526.73 դրամ/եվրո փոխարժեքով և 1.2 մլրդ.ռուբլի, 7.29 դրամ/ռուբլի միջին փոխարժեքով, իսկ վաճառվել է 76.1 մլն.դոլար, 476.81 դրամ/դոլար միջին փոխարժեքով, 10.3 մլն.եվրո, 531.52 դրամ/եվրո միջին փոխարժեքով և 403.9 մլն.ռուբլի, 7.29 դրամ/ռուբլի միջին փոխարժեքով:
Նախորդ շաբաթ (օգոստոսի 1-6-ը) Հայաստանի բանկերի կողմից տրամադրվել է 35.6 մլրդ դրամի և 68.6 մլն դոլարի վարկեր: Նախորդող շաբաթվա համեմատ (հուլիսի 25-30-ը) դրամով տրամադրված վարկերի ծավալը նվազել է 2%, իսկ դոլարով տրամադրված վարկերի ծավալը`21.4%:
Հիշեցնենք, որ 2015 թվականին արտարժույթի մանրածախ շուկայում դրամը դոլարի նկատմամբ 477 դրամից թուլացավ մինչև 482 դրամ/դոլար մակարդակ, եվրոյի նկատմամբ` 571,5-ից մինչև 529 դրամ / եվրո մակարդակ, իսկ ռուսական ռուբլու նկատմամբ` 8.2-ից մինչև 6.9 դրամ/ռուբլի մակարդակ: Ընդ որում, դեկտեմբերին 14-28-ը Կենտրոնական բանկը գրեթե ամեն օր միջամտում էր շուկային: Դրամի արժեզրկումային տրամադրությունները դիտվում էին երկրի արտաքին առևտրի շրջանառության անկմանը զուգահեռ (մոտ 20.6%), այդ թվում, ներմուծումը կրճատվեց մոտ 26.5%, արտահանումը` մոտ 3.9%, իսկ դեպի Հայաստան դրամական փոխանցումների ներհոսքը կրճատվեց ավելի քան 30%, և այդ ամենը տեղի է ունենում բնակչության առանց այն էլ ցածր վճարունակության և երկրի տնտեսական ցածր ակտիվության պայմաններում: 2016 թվականից Հայաստանի արտարժույթի մանրածախ շուկայում ՀՀ դրամը ԱՄՆ դոլարի նկատմամբ կրկին սկսվեց արժեզրկվել, փետրվարի 12-ին դոլարի նկատմամբ արժեզրկվելով մինչև 496 դրամ/դոլար մակարդակ, բայց մարտին սկսեց ամրապնդվել և մարտի 25-ին հասավ 482 դրամ/դոլար մակարդակ, ընդամենը դանդաղեցնելով եվրոյի և ռուբլու նկատմամբ արժեզրկումը: Հետագայում, ապրիլի կեսերից դրամը դոլարի նկատմամբ սկսեց ամրապնդվել, ապրիլի 29-ին`479 դրամ/դոլար մակարդակում, շարունակելով այդ միտումները նաև մայիսին: Մայիսի 31-ին դրամն ամրապնդվեց 478 դրամ/դոլար մակարդակում, եվրոյի նկատմամբ` 532 դրամ/եվրո, իսկ ռուբլու նկատմամբ` 7.3 դրամ/ռուբլի մակարդակներում: Հունիսի առաջին կեսը ՀՀ դրամի համար զուսպ դեվալվացիոն էր, բայց հետո տեղի ունեցավ ամրապնդում`հունիսի 30-ին դրամը դոլարի նկատմամբ ամրապնդվեց 477 դրամ/դոլար մակարդակում, եվրոյի նկատմամբ` 529 դրամ/եվրո, իսկ ռուբլու նկատմամբ` 7.4 դրամ/ռուբլի մակարդակում: Հուլիսին դրամը դոլարի նկատմամբ պահպանվեց 477 դրամ/դոլար, եվրոյի նկատմամբ`532 դրամ/եվրո, իսկ ռուբլու նկատմամբ`7.1 դրամ/ռուբլի մակարդակներում: Օգոստոսի 1-12-ը դրամը դոլարի նկատմամբ ամրապնդվեց 476 դրամ/դոլար մակարդակում, եվրոյի նկատմամբ` 531 դրամ/եվրո մակարդակներում, իսկ ռուբլու նկատմամբ արժեզրկվեց մինչև 7.4 դրամ/ռուբլի մակարդակ:
Ալեքսեյ Մելնիկով. ՀԿԵ-ն թողունակության բավականին լուրջ պաշար ունի
Հայաստանում դոլարային հիփոթեքի արգելքը՝ սպառողի շահերի պահապան թե բանկային շահերի լոբբինգ. Կարեն Զաքարյան
Փաշինյանի կառավարությունը ոչ մի առնչություն չունի տնտեսական աճի հետ. Սուրեն Պարսյան
ԵԱՏՄ երկրներ ավտոմեքենա վաճառելիս ՊԵԿ-ի տեղեկանքները չեղարկվել են
Հայաստանի տնտեսությունն անառողջ է. տնտեսագետն առաջարկում է առկա խնդիրների լուծման եղանակներ
ԱԶԲ պատվիրակությունն այցելել է Հյուսիս-Հարավ ճանապարհային միջանցքի Սիսիան-Քաջարան հատված
Հայաստանի բանկերի միության խորհրդի նախագահ է ընտրվել Մհեր Անանյանը