Հինգշաբթի, 25 Օգոստոսի 2016 19:47

Արմինֆո. Երևանում կոշտ թափոնների նոր աղբավայրի ստեղծման պլանը պատրաստելու նպատակով ՎԶԵԲ-ը հայտարարել է խորհրդատուի մրցույթ: Ինչպես ասված է ՎԶԵԲ հաղորդագրության մեջ, Երևանի քաղաքապետարանը դիմել է Բանկին, խնդրելով տեխնիկական աջակցություն ցուցաբերել կոշտ կենցաղային թափոնների կառավարման համակարգի բարելավման ուղղությամբ, նոր սանիտարական աղբավայրի ֆինանսավորման միջոցով, նոր հատկացված տարածքում, որը գտնվում է Նուբարաշենի ներկայիս գործող աղբավայրի մոտակայքում, որը գործում է անցյալ դարի 60-ական թվականներից և ամենախոշորն է երկրում: Այն աշխատում է առանց շրջակա միջավայրի պաշտպանությանն ուղղված համարժեք միջոցառումների և, սկզբունքայնորեն, վատ է վերահսկվում:

 

Խուրդատուին, որը պետք է լինի իրավաբանական անձ, կհատկացվի 80 հազար եվրո, պետք է նախապատրաստի ծրագիրը, որը կապված է նոր աղբավայրի կառուցման ռիսկերի սահմանման և գնահատման հետ, հողերի հատկացման, վերաբնակեցման, համայնքի բնակչության հետ բանակցությունների անցկացման առումով, ինչը կարող է խոչընդոտել նախագծի իրականացմանը, առաջարկելով նախագհծի հաջող իրականացման մի շարք սոցիալական և իրավաբանական միջոցառումներ: Մրցույթի հայտերը կքննարկվեն մինչև 2016 թվականի սեպտեմբերի 13-ը: Հիշեցնենք, որ մի շարք եվրոպական կառույցներ որոշում են ընդունել նոր աղբավայրի շինարարության նպատակով Երևանին հատկացնել 24 մլն.եվրո: ՎԶԵԲ-ը Հայաստանին կտրամադրի 8 մլն.եվրո գումարի վարկ: Համաֆինանսավորման շրջանակներում Եվրոպական ներդրումային բանկը կտրամադրի ևս 8 մլն.եվրո, իսկ «Եվրոպական հարևանության ներդրումային ծրագիրը»` 8 մլն.եվրո գումարի դրամաշնորհ:

 

Ըստ 2015 թվականի դեկտեմբերի 11-ին ստորագրված համաձայնագրի, վարկը տրամադրվում է 15 տարով, 3 տարի արտոնյալ ժամկետով, վեցամսյա Euribor տոկոսադրույքով, գումարած փոփոխական մարժան (ներկայումս` 1%): Նախագծի իրականացման ժամկետը կազմում է 5 տարի:

 

Նոր աղբավայրը, որը կկառուցվիՆուբարաշենում, կհամապատասխանի միջազգային ստանդարտներին և կգործի որպես տնտեսական կայուն միավոր` կոշտ թափոնների կառավարման ժամանակակից համակարգում, ներառելով քաղաքային կոշտ աղբի հավաքումը և ուտիլիզացիան: Դրանով Երևանի մոտ 1.1 մլն.բնակիչներին կերաշխավորվի մասշտաբային, բնապահպանական և սոցիալական արդյունք: Միջոցները կհատկացվեն աղբավայրի 5 գոտիներից 2-ի կառուցման համար: Ընդհանուր տարածքը կկազմի 29 հեկտար, ներկայումս գործող` 30 հա տարածքով Նուբարաշենի աղբավայրի կողքին: Առաջին 2 գոտիները` 8.5 և 4.2 հա, կլինեն ամբողջովին մեկուսացված և ցանկապատված: Լրացուցիչ կկառուցվեն`ավազան, լաբորատորիա, ստորգետնյա ուղիներ և այլ ենթակառուցվածքներ, այդ թվում նաև աղբի մեքենաների սանիտարական լվացման կետ: Նոր աղբավայրի համար, ինչպես նաև հնի, կկառուցվեն բիոգազի հավաքման ջրհորներ, ինչպես նաև էլեկտրաէներգիայի գեներատորներ: Քաղաքապետարանը ծրագրում է նաև մրցույթ հայտարարել աղբի վերամշակման գործարան կառուցելու նպատակով:

 

Նշենք, որ 1992 թվականից ի վեր ՎԶԵԲ-ը Հայաստանում ներդրել է մոտ 1 մլրդ.եվրո, մասնավորապես, ֆինանսական, կորպորատիվ, ենթակառուցվածքների և էներգետիկ ոլորտներում: Ընդ որում, ներդրումների 86%-ն ուղղվել է մասնավոր հատվածին: