Չորեքշաբթի, 7 Սեպտեմբերի 2016 12:43
Կարինա Մելիքյան

2016 թվականի առաջին կիսամյակում 9,3%-ով ավելացել է նավթամթերքի ներմուծումը Հայաստան, և առյուծի բաժինն ստացվում է Ռուսաստանից

2016 թվականի առաջին կիսամյակում 9,3%-ով ավելացել է նավթամթերքի ներմուծումը Հայաստան, և առյուծի բաժինն ստացվում է Ռուսաստանից

Արմինֆո. Հայաստանում նավթամթերքի ներմուծումը քանակական արտահայտությամբ 2016 թվականի առաջին կիսամյակում ավելացել է 9,3%-ով (2015թ. առաջին կիսամյակի տարեկան 7,5%-ով անկման դիմաց)` մինչև

149.4 հազար տոննա, ընդ որում արժեքային արտահայտությամբ նվազելով 8%-ով, մինչև 90.8 մլն դոլար (մեկ տարի առաջ 34,8% անկման դիմաց): Նավթամթերքի համաշխարհային շուկայում գների տևական նվազումից հետո այժմ նավթի գները բարձրանում են մնացորդային լավատեսության ֆոնին, որն առնչվում է շուկայի կայունացմանը նպատակաուղղված հնարավոր համատեղ գործողությունների շուրջ Մոսկվայի և Էր Ռիադի պայմանավորվածությանը: Այդ են վկայում Հայաստանի մաքսային ծառայության տվյալները:

 

Աղբյուրի համաձայն, հաշվետու ժամանակահատվածում նավթամթերքի արտահանումը կտրուկ նվազել է` 2 անգամ, ինչպես քանակական, այնպես էլ արժեքային արտահայտությամբ` մինչև չնչին ցուցանիշներ: Համեմատության համար նշենք, որ 2015 թվականի առաջին կիսամյակում նավթամթերքի արտահանումը քանակական արտահայտությամբ նույնպես անկում էր դրսևորել` 2 անգամ` արժեքային արտահայտությամբ կրճատվելով 47%-ով:

 

Հաշվետու ժամանակահատվածում 6-100 հազար տոննա նավթամթերք ներմուծվել է Ռուսաստանից, Բուլղարիայից, Բելգիայից, Հունաստանից, Իրանից և Ռումինիայից, 202-273 տոննա` Լիտվայից, Նիդերլանդներից, և Գերմանիայից, 95-100 տոննա` Թուրքիայից, Կորեայից, Մեծ Բրիտանիայից, 40-60 տոննա` Բելառուսից, Ֆրանսիայից և Լեհաստանից, 15-38 տոննա` Շվեդիայից, Ճապոնիայից, ԱՄՆ-ից և Սինգապուրից: Իսկ ինչ վերաբերում է  նավթամթերքի արտահանմանը, ապա դեպի Իրան մատակարարումները դադարեցվել են, հաշվետու ժամանակահատվածում առկա չնչին ծավալը բաժին է ընկել Ռուսաստանին:

 

Հայաստանը չունի սեփական հումքային բազա, սակայն նավթամթերքի առանց մաքսատուրքի մատակարարումների շուրջ միջկառավարական համաձայնագիր ունի Ռուսաստանի Դաշնության հետ: 2016 թվականին նոր ինդիկատիվ հաշվեկշռի շրջանակում հանրապետությունը կստանա 136 հազար տոննա ավտոմոբիլային բենզին, որից 120 հազար տոննա` ռուսական արտադրության: Բացի այդ, նախատեսվում է ստանալ 150 հազար տոննա դիզելային վառելիք (120 հազար տոննա ռուսական արտադրության), 47 հազար տոննա ռեակտիվ շարժիչների համար վառելիք (8 հազար տոննա ռուսական արտադրության), ինչպես նաև 200 հազար տոննա պարաֆին (ամբողջությամբ ռուսական արտադրության):

 

Ամեն տարվա համար ինդիկատիվ հաշվեկշիռը հաստատվում է 2013 թվականի դեկտեմբերի 12-ի հայ-ռուսական միջկառավարական համաձայնագրին համապատասխան, որը արտադրանքի վերարտահանում չի նախատեսում:

 

Ռուսական փորձագետների կանխատեսումների համաձայն, 2017 թվականին նավթի գինը կարող է տատանվել  1 բարելի դիմաց 51-55 դոլարի սահմաններում: Հաջորդ տարի նավթի ավելի բարձր գնի հնարավորության օգտին լրացուցիչ փաստարկ է Սաուդյան Արաբիայի հետ համաձայնագրի ստորագրումը, Սեպտեմբերի 7-ի տվյալներով, Լոնդոնի  ICE բորսայում Brent ապրանքանիշի նավթի նոյեմբերյան պայմանագրի արժեքը մեծացել է 0,31 դոլարով (0,66%)` մինչև 47,57 դոլար: Հոկտեմբերի WTI նավթի ֆյուչերսի գինը Նյու Յորքի ապրանքային բորսայի էլեկտրոնային սակարկություններոջմ ավելացել է 0,29 դոլարով (0,65%)` մինչև 1 բարելի դիմաց 45,12 դոլար:


Նորություններ


Արտ. փոխարժեքները
29.10.2020
RUB6.21-0.10
USD493.150.44
EUR578.32-0.37
GBP641.592.69
CAD370.12-1.99
JPY47.370.09
CNY73.32-0.01
CHF540.910.66



Պետական պարտատոմսեր

Issue volume

10 billion

Volume of T-bills for placement

200 million

Volume of submitted competitive applications

200 million

Volume of satisfied bids

200 million

Yield at cut-off price

 5.8314%

Maximum yield

 5.8314%

Мinimum yield

 5.8314%

Weighted average yield

 5.8314%

Number of participants

2

The maturity date of T-bills

03.02.2020

ArmEx

 

СПРОС (Покупка)

USD

Средневзв. Цена

482,00

ПРЕДЛОЖЕНИЕ (Продажа)

  USD

Средневзв. Цена

-

СДЕЛКИ

USD

Цена откр.

482,00

Цена закр.

482,00

Мин. Цена

482,00

Макс. Цена

482,00

Ср/взв. Цена

482,00

-0,16

Кол-во сделок

1

Объем (инвал.)

200 000

0бъем (драм)

96 400 000