Չորեքշաբթի, 7 Սեպտեմբերի 2016 15:51

Արմինֆո. Ուսումնական տարվա մեկնարկի հետ կապված «Առէկսիմբանկ-Գազպրոմբանկի խումբե ՓԲԸ-ն Արմավիրի մարզի Նորավան և Լուկաշին համայնքների դպրոցներին նվիրել է յուրահատուկ հանրագիտարան` «Ռուսաստան-Հայաստան. Ռուսաստանի շրջանները և Հայաստանի մարզերըե վերնագրով: Այդ մասին ԱրմԻնֆո-ին հայտնել են բանկի մամուլի ծառայությունից:

Մարքեթինգի և գովազդի բաժնի պետ Ալեքսանդր Հակոբյանի խոսքով, հանրագիտարանում ի մի են բերված մի շարք նյութեր` ապահովելով ոլորտների և հարցերի լայն ծածկույթ: «Հանրագիտարանը մանրամասն տեղեկություններ պարունակող հրատարակություն է, որն ամփոփում և համակարգում է մեր երկրների և ժողովուրդների պատմության, տնտեսության և մշակույթային կյանքում առկա դեպքերի, երևույթների և անհատների մասին տեղեկությունները՚, - ասել է Ա.Հակոբյանը:

Գիրքը ներառում է հետևյալ բաժինները` աշխարհագրություն, ընդերքի հարստություն, պատմություն, բնակչություն, կրոն, իշխանություն, տնտեսություն, սոցիալական ոլորտ, տեսարժան վայրեր, ՌԴ և ՀՀ զարգացման ռազմավարություն, տարաբնույթ թեմատիկ հոդվածներ, ինչպես նաև ակնառու պետական գործիչների ելույթներ: Զգալի տեղ է հատկացվել անցած դարերի և մեր ժամանակների հայտնի անձանց, քաղաքական գործիչների, բնակավայրերի, բնության և պատմական հուշարձանների, կրթության, մշակույթի հիմնարկների, գյուղատնտեսական, արդյունաբերական   ձեռնարկությունների մասին տեղեկություններին: Հանրագիտարանի ռուսական կողմի գիտական ղեկավարը «Համագործակցությունե միջազգային համալսարանի ռեկտոր, պրոֆեսոր Միխայիլ Սևրուկն է, հայկական կողմի աշխատանքները ղեկավարել է Վազգեն Սաֆարյանը`Հայաստանի հայրենական ապրանք արտադրողների միության և ՀՀ Հանրային խորհրդի Ֆինանսատնտեսական և բյուջետային հարցերով հանձնաժողովի նախագահը: 

«Հանրագիտարանի կազմման աշխատանքներում հեղինակներին օժանդակություն են ցուցաբերել Ռուսաստանի և Հայաստանի խոշոր պետական գործիչները, պատգամավորները, ՌԴ Դաշնային Խորհրդի անդամները, առանձին սուբյեկտների և մարզերի ղեկավարները, ՀՀ-ում ՌԴ-ի դեսպանատունը, ինչպես նաև մեր բաժնետերը` ռուսական Գազպրոմբանկը: Ուստի բնական էր, որ որոշակի փուլում նախագծին միացել է նաև Առէկսիմբանկը: Այսօր մենք գրքի մի քանի օրինակ նվիրեցինք հայ դպրոցականներին և հանձնելիս մեջբերեցինք ռուս մեծ գրող Դոստոևսկու խոսքերը. «Կարդացեք գրքեր, իսկ մնացածը կանի կյանքը՚՚, - նշել է Ա.Հակոբյանը: