ՀՀ վարչապետ. Տնտեսության իրական հատվածի վիճակը չափազանց ծանր է, անհրաժեշտ են համակարգային բարեփոխումներ

Արմինֆո. Հարկ չկա արագ փոփոխություններ ակնկալել Հայաստանի տնտեսությունում: Սեպտեմբերի 14-ին ԱԺ ամբիոնից այդ մասին հայտարարել է Հայաստանի նորանշանակ վարչապետ Կարեն Կարապետյանը:

Նրա ասելով, կառավարության ծրագիրը, որն առաջիկայում կներկայացվի խորհրդարանի քննարկմանը, կազմված կլինի երկու փուլից: Առաջինն արագ փոփոխություններ չի նախատեսում: Այն ընդամենը ենթադրում է այն քայլերի օգտագործումը, որոնք կարող են կիրառվել առաջիկայում: Երկրորդ փուլում անհրաժեշտ կլինի կողմնորոշվել երկրի զարգացման ուղղությունների առնչությամբ: Կլինեն միայն Հայաստանի զարգացման ուղղությունների վերաբերյալ ահազանգեր: Վարչապետը նշել է, որ նոր ծրագրի իրագործման դեպքում կօգտագործվեն նաև նախորդ կառավարության ծրագրի դրույթները: Գործադիր իշխանության հիմնական նպատակը կլինի առավելագույնս բարենպաստ պայմանների ստեղծումը լրացուցիչ արժեքների ստեղծման համար: Կառավարության կազմը որոշելիս հաշվի կառնվեն թեկնածուներից յուրաքանչյուրի մասնագիտական որակները` անկախ կուսակցական պատկանելությունից: Կադրերի պակաս զգացվում է ոչ միայն Հայաստանում, այլև` Նյու Յորքում, Լոնդոնում և Մոսկվայում:

Կառավարության ջանքերն ուղղված կլինեն սոցիալական լարվածության մեղմմանն ու բիզնեսի զարգացմանը: «Հարկավոր է հասկանալ, որ կախարդական փայտիկ չկա: Եթե կա բարեփոխումների անհրաժեշտություն, ապա այդ բարեփոխումները պետք է լինեն համակարգային: Առավել ևս, որ տնտեսության իրական հատվածի վիճակը չափազանց ծանր է», - նշել է Հայաստանի վարչապետը: