Ռուսաստանյան շուկան գերադասում է հայկական արտադրության գազի բալոնները

Արմինֆո. Ռուսաստանում պահպանվում է մեծ պահանջարկը հայկական արտադրության գազի բալոնների նկատմամբ: Այս մասին ԱրմԻնֆո գործակալության թղթակցի հետ զրույցում Made in Armenia ամենամյա ցուցահանդեսի շրջանակներում հայտնել է Հրազդանի գազի բալոններ արտադրող «Գրանտ» ՍՊԸ գլխավոր տեխնոլոգի տեղակալ Շահեն Առաքելյանը:

Նրա խոսքով, արտադրանքի 80% արտահանում է ռուսաստանյան շուկա: «Արդեն մոտ 8 տարի արտահանում ենք մեր արտադրանքը ռուսաստանյան շուկա, որը գերադասում է հայկական արտադրության գազի բալոնները, ելնելով դրանց բարձր որակից»,-նշել է նա: «Իսկ մնացած արտադրանքն իրացվում է Մաքսային միության մյուս երկրներում»,-հավելել է նա:

Նրա խոսքով, ռուսաստանյան շուկայում բալոնների պահանջարկի ավելացման վրա զգալի ազդեցություն թողեց ՌԴ վարչապետ Դ.Մեդվեդևի`«Շարժիչներում որպես վառելիք բնական գազի օգտագործման ընդլանման մասին» որոշումը: Այդ կապակցությամբ ընկերությունը մատդիր է մինչև 2017 թվականն արտադրության տարեկան ծավալները հասցնել 120 հազար բալոնի: Նրա խոսքով, այսօր ընկերությունում աշխատում է 80 մարդ, որոնց թիվն 2017-ին նախատեսվում է հասցնել 150-ի:

«Գործունեության մեկնակային փուլում միակ խոչընդոտը համապատասխանության միջազգային սերթիֆիկատի բացակայությունն էր: Սակայն, արդյունավետ գործունեության շնորհիվ հաջողվեց ստանալ որակի սերթիֆիկատը: Եվ այսօր ձեռնարկությունն աշխատում է միայն ծավալների ավելացման և որակի բարձրացման ուղղությամբ»,-եզրափակել է Շ.Առաքելյանը:

Նշենք, որ «Գրանտ» ՍՊԸ-ն հիմնադրվել է 2007 թվականին: Արտադրության մեկնարկը տրվել է 2008 թվականին: Ձեռնարկությունը մասնագիտանում է տարբեր տեսակի մարդատար և բեռնատար ավտոմեքենաների համար բարձր ճնշման գազի բալոնների արտադրության ուղղությամբ:

Ըստ ՀՀ Ազգային վիճակագրական ծառայության տվյալների, Հայաստանի և Ռուսաստանի միջև ապրանքաշրջանառությունը 2016 թվականի հունվար-հուլիսին կազմել է $ 684,6 մլն., տարեկան աճը`10%, մասնավորապես, արտահանումն աճել է 71.8%, մինչև $ 196,6 մլն., իսկ ներմուծման ծավալները նվազել են 3,9%, մինչև $ 488 մլն: