Արմինֆո. ՀՀ էկոնոմիկայի նախարարությունը մշակել է օտարերկրյա ներդրումների պաշտպանության մասին օրենք: Սյս մասին սեպտեմբերի 23-ին լրագրողների հետ հանդիպմանը տեղեկացրել է էկոնոմիկայի նախարարի ժ/պ Արծվիկ Մինասյանը:
Նրա խոսքով, օրինագծում ամրագրված են մի շարք հիմնարար սկզբունքներ, այդ թվում, օտարերկրյա ներդրումների պաշտպանության սկզբունքը: Առաջարկվող համակարգը, ըստ Մինասյանի, պետք է ներդրումների պաշտպանությունն ապահովի ոչ միայն տեղական արդարադատության համակարգի միջոցով, այն նաև միջազգային և վերպետական դատական ատյաններում: Շուտով օրինագիծը կներկայացվի օրենդիրին, ինչը դրական տեղաշարժեր կապահովի ոլորտում, նշել է Մինասյանը:
Միևնույն ժամանակ, Մինասյանը նշել է նաև, որ անհրաժեշտություն կա նաև ստեղծել մի կառույց, «միասնական պատուհանի» սկզբունքով, որի միջոցով ներդրողները կարող են դիմել ցանկացած հարցով և իրականացնել ներդրողի իրենց իրավունքները: Այդ խնդիրների մի մասը, ըստ նրա, արդեն կատարում է Հայաստանի Զարգացման հիմնադրամը, որին կարող են օգնել նաև մարզային ղեկավարությունները, որոնք ամենօրյա ռեժիմով կաշխատեն ներդրողների հետ, նշել է նա:
Արծվիկ Մինասյանը նաև հաղորդել է, որ 7 ամսիսների ընթացքում (իր նախարար եղած ժամանակահատվածում, խմբ.), մի շարք երկրների`Մոնտենեգրոյի, ԱՄԷ-ի, Կորեայի և ԱՄՆ հետ ձեռք են բերվել ներդրումների փոխադարձ պաշտպանության և խրախուսման վերաբերյալ պայմանավորվածություններ: Տվյալ փուլում բանակցություններ են ընթանում նաև Ավստրալիայի հետ:
RUB | 4.18 | -0.02 |
USD | 390.04 | -1.40 |
EUR | 415.63 | -1.21 |
GBP | 481.74 | -0.75 |
CAD | 284.60 | -0.69 |
JPY | 25.20 | -0.09 |
CNY | 53.82 | -0.22 |
CHF | 427.68 | -1.72 |