Արմինֆո. Հայաստանում կառավարության ամենամեծ օժանդակության կարիքն ունի մեքենաշինությունը: Սեպտեմբերի 26-ին կայացած մամուլի ասուլիսում այս մասին հայտարարել է Հայաստանի Հայրենական ապրանքարտադրողների միության նախագահ Վազգեն Սաֆարյանը, պատասխանելով ԱրմԻնֆո գործակալության թղթակցի հարցին:
«Իրական հատվածում մեքենաշինությունը հիմքերի հիմքն է: Իսկ մեր մեքենաշինությունը գտնվում է ողբալի վիճակում»,-նշել է փորձագետը: Սակայն, չնայած դրան, ըստ Սաֆարյանի, Հայաստանը Ռուսաստանից ստացել է մեծ պատվեր, քանի որ այդ արտադրությունը հայտնվել է պատժամիջողների ցանկում, ինչը զրկել է մեքենաշինական սարքավորումներ ներմուծել Ուկրաինայից, Գերմանիայից և այլ երկրներից:
«Մենք Ռուսաստանից ստացել ենք 500 անվանումների ցանկ – դրանք և տեխնոլոգիաներ են, և մեքենաշինական արտադրանք: Եվ այս կապակցությամբ Հայաստանին անհրաժեշտ է ամրապնդել համագործակցությունը ռուսական կողմի հետ, անհրաժեշտ ներդրումներ ներգրավելու համար»,-նկատել է նա:
Նրա կարծիքով, մեքենաշինության զարգացման համար անհրաժեշտ է մշակել հստակ ռազմավարություն, որի համաձայն, այդ ոլորտը կկարողանա ստանալ վարկեր և արտադրել անհրաժեշտ ծավալով ապրանքներ:
Ըստ ՀՀ Ազգային վիճչակագրության տվյալների, մեքենաների և սարքավորումների արտադրության ծավալը 2016 թվականի հունվար-հուլիսին կազմել է 1.8 մլրդ.դրամ, արագացնելով աճի տեմպերը մինչև 10.4%, նախորդ տարվա 4% փոխարեն:
RUB | 4.22 | 0.00 |
USD | 388.08 | -0.52 |
EUR | 416.29 | -0.44 |
GBP | 485.57 | -0.41 |
CAD | 284.16 | 0.14 |
JPY | 24.75 | -0.24 |
CNY | 53.55 | -0.08 |
CHF | 425.34 | -0.20 |