Հինգշաբթի, 6 Հոկտեմբերի 2016 12:03
Ալեքսանդր Ավանեսով

«Յանդեքսը» ծրագրավորման դպրոց կբացի Հայաստանում

«Յանդեքսը» ծրագրավորման դպրոց կբացի Հայաստանում

Արմինֆո. «Յանդեքսը» Երեւանում Ծրագրավորման դպրոց կբացի բարձր դասարանների աշակերտների համար: Այս կրթական ծրագիրը նախատեսված է 8-ից 10-րդ դասարանցիների համար, ովքեր ցանկանում են ձեռք բերել ծրագրավորման հմտություններ: Ձեռք բերված գիտելիքները նրանք կկարողանան կիրառել կյանքի տարբեր ոլորտներում՝ ծրագրավորող դառնալը պարտադիր չէ:

Ծրագրավորման դպրոցը անվճար դասընթաց է, որը կազմված է թեմատիկ դասախոսություններից ու ծրագրավորման սեմինարներից: Ուսուցումը կազմակերպվելու է Python-ի օրինակով. այս լեզուն թույլ է տալիս լուծել բազմաթիվ խնդիրներ եւ դրա պահանջարկը շուկայում աստիճանաբար աճում է:

Ուսուցման ծրագիրը մշակվել է «Յանդեքսի» տվյալների վերլուծության դպրոցում, որի շրջանավարտները բարձր են գնահատվում ՏՏ շուկայում: «Յանդեքսը» զբաղվելու է դասախոսների ընտրությամբ եւ պատրաստմամբ, ինչպես նաեւ հրավիրելու է ոլորտի լավագույն մասնագետներին Հայաստանից, Ռուսաստանից եւ այլ երկրներից դասախոսություններ կարդալու համար:

«Հայաստանյան ծրագրավորողները աշխատում են աշխարհի լավագույն ՏՏ ընկերություններում, շատերը մեծ հաջողությունների են հասել: Մենք համոզված ենք, որ ապագա հայ ծրագրավորողները մեծ հեռանկարներ ունեն: Բոլոր ամենաառաջադեմ գաղափարներն ու նախագծերը, ինչպիսիք են ռոբոտների եւ անօդաչու տրանսպորտի ստեղծումը, արհեստական ինտելեկտի զարգացումը, չեն կարող իրականացվել առանց ծրագրավորողների մասնակցության: Մենք ցանկանում ենք պայմաններ ստեղծել, որպեսզի հայ դպրոցականները կարողանան իրենց ուժերը փորձել այս մասնագիտության մեջ եւ հետագայում գիտակցված ընտրություն կատարեն», — ասում է «Յանդեքս.Տաքսիի» գլխավոր տնօրեն Տիգրան Խուդավերդյանը:

Դասերը կմեկնարկեն 2017 թ. հունվարին եւ կանցնեն դպրոցից ազատ ժամանակ: Դպրոցականների ընդունելությունը մեկնարկելու է դեկտեմբերի 12-ին եւ անցկացվելու է մրցույթի միջոցով: Երեխաները պետք է հաջողությամբ հաղթահարեն օնլայն թեստավորումը եւ դեմ առ դեմ հարցազրույցը, որոնց ընթացքում նրանց առաջարկվելու են տրամաբանական, մաթեմատիկական եւ ծրագրավորման հետ կապված խնդիրներ: Մրցույթին մասնակցելու վերաբերյալ դպրոցականներին հավելյալ տեղեկատվություն կտրամադրվի:

«Յանդեքսը» երկար տարիներ զբաղվում է ՏՏ ոլորտի մասնագետների պատրաստմամբ: 2007 թ. ընկերությունը ստեղծել է Տվյալների վերլուծության դպրոցը, որտեղ դասավանդում են մեքենայական ուսուցում (machine learning), համակարգչային տեսողություն, տեքստերի վերլուծություն եւ այլն: Ընկերությունը կարող է օգտագործել իր  ակադեմիական նախագծերի լավագույն կրթական փորձը: Իր գոյության առաջին իսկ տարիներից «Յանդեքսը» աջակցել է եւ շարունակում է աջակցել մաթեմատիկա-ինժեներական դպրոցին՝ բարձրագույն, միջնակարգ եւ լրացուցիչ կրթության շրջանակներում:


Նորություններ


Արտ. փոխարժեքները
23.10.2020
RUB6.470.05
USD494.010.30
EUR585.250.48
GBP646.41-0.59
CAD376.760.89
JPY47.210.02
CNY74.06-0.21
CHF546.291.36



Պետական պարտատոմսեր

Issue volume

10 billion

Volume of T-bills for placement

200 million

Volume of submitted competitive applications

200 million

Volume of satisfied bids

200 million

Yield at cut-off price

 5.8314%

Maximum yield

 5.8314%

Мinimum yield

 5.8314%

Weighted average yield

 5.8314%

Number of participants

2

The maturity date of T-bills

03.02.2020

ArmEx

 

СПРОС (Покупка)

USD

Средневзв. Цена

482,00

ПРЕДЛОЖЕНИЕ (Продажа)

  USD

Средневзв. Цена

-

СДЕЛКИ

USD

Цена откр.

482,00

Цена закр.

482,00

Мин. Цена

482,00

Макс. Цена

482,00

Ср/взв. Цена

482,00

-0,16

Кол-во сделок

1

Объем (инвал.)

200 000

0бъем (драм)

96 400 000