Արմինֆո. Հոկտեմբերի 17-19-ը Երևան էքսպո կենտրոնում հայկական նորաձևության արդյունաբերությունն իր ձեռքբերումները կներկայացնի Light Industry International Trade Show-ի ժամանակ: ՙԹեթև արդյունաբերության միջազգային համաժողով, ցուցահանդես, նորաձևության օրեր՚ խորագրով նախագիծն առաջին անգամ է անցկացվում Հայաստանում:
Համաժողովի անցկացման նպատակը, կազմակերպիչների խոսքով, թեթև արդյունաբերության ոլորտի ազրգացման խթանումն է, տարածաշրջանային համագործակցության ներուժի ուսումնասիրումը, ինչպես նաև իրացման նոր շուկաների հայտնաբերումը և հավանական գործընկերների հետ գործընկերային հարաբերությունների ձևավորումը: Միջոցառման ընթացքում կներկայացվի թեթև արդյունաբերության ոլորտում ողջ արտադրական շղթան՝ թելից մինչև պատրաստի հագուստի արտադրություն, այդ թվում նաև կաշվե իրեր, գլխարկներ, զարդ և աքսեսուարներ:
Նախագծի կազմակերպիչներն են՝ «Ատեքս՚ նորաձևության կենտրոնը, «Սիգնում՚ ընկերությունը և Ուրալի առևտրաարդյունաբերական պալատը: Սպասվում է, որ ցուցահանեսին կմասնակցեն թեթև արդյունաբերության ոլորտը ներկայացնող ընկերություններ Ռուսաստանից, Վրաստանից, Բելառուսից, Հնդկաստանից, Իրանից, Եվրոպայի երկրներից:
ՀՀ տնտեսական զարգացման և ներդրումների նախարարության տվյալների համաձայն՝ Հայաստանի թեթև արդյունաբերության ոլորտը տարվա առաջին 8 ամիսներին ցույց է տվել զգալի աճ`հագուստի արտադրությունն աճել է 32%, կոշիկի և կաշվե իրերի արտադրությունը` 26%: Անկում է արձանագրվել միայն տեքստիլի ոլորտում՝ 6%: Միևնույն ժամանակ այդ ժամանակահատվածում 60% աճել է արտահանման ծավալը, իսկ միայն կոշիկի արտահանումը` 126%: Այնուամենայնիվ, առայժմ արտահանման հիմնական ծավալը գնում է Եվրոպա, ինչը, ըստ անկախ փորձագետների, կապված է տոլինգային սխեմաներով արտադրանքի հետ:
RUB | 4.18 | -0.02 |
USD | 390.04 | -1.40 |
EUR | 415.63 | -1.21 |
GBP | 481.74 | -0.75 |
CAD | 284.60 | -0.69 |
JPY | 25.20 | -0.09 |
CNY | 53.82 | -0.22 |
CHF | 427.68 | -1.72 |