Չորեքշաբթի, 26 Հոկտեմբերի 2016 15:37

Արմինֆո. ԱԿԲԱ-ԿՐԵԴԻՏ ԱԳՐԻԿՈԼ Բանկը տնտեսության տարբեր ոլորտների շուրջ 200 ձեռնարկությունների ներկայացուցիչների ներկայացրեց sme.acba.am կայքը, որը կոչված է օնլայն տիրույթում բիզնեսի կառավարմանն ու զարգացմանն ուղղված անվճար հարթակ դառնալ՝ հասանելի լինելով բոլորի համար:

Ինչպես ԱրմԻնֆո գործակալությանը տեղեկացվել է Բանկի մամուլի ծառայությունից, այն կյանքի է կոչվել Համաշխարհային բանկի խմբի անդամ Միջազգային ֆինանսական կորպորացիայի (IFC) հետ լայն համագործակցության արդյունքում: SME.ACBA.AM կայքի գործարկումը կիրականացվի դեկտեմբեր ամսին:

 

Աղբյուրի համաձայն, առցանց հարթակի միջոցով սկսնակ և գործող գործարարները կարող են ներբեռնել ուսուցողական նյութեր և տեսահոլովակներ, օգտվել մի շարք բիզնես-գործիքներից և տարատեսակ ֆինանսական հաշվիչներից: Այն նաև նախատեսված է դառնալ համագործակցության յուրահատուկ հարթակ փոքր և միջին բիզնեսի ներկայացուցիչների համար՝ փոխշահավետ համագործակցության լայն հնարավորություններ բացելով նրանց առաջ:

 

 «Մենք միշտ եղել ենք սոցիալապես պատասխատու բանկ: Այս է պատճառը, որ ցանկանում ենք անընդհատ զարգացող հաճախորդ-գործընկերներներ ունենալ, ու հենց այս մղումն է, որ թույլ տվեց մեզ  շուրջ երեք տարիների համառ աշխատանքից հետո ունենալ նման արդյունք: Հետագայում նախատեսում ենք  ընդլայնել առցանց հարթակի գործունեության տիրույթը`  նաև ներառելով գյուղատնտեսության ոլորտը», - ասաց ԱԿԲԱ-ԿՐԵԴԻՏ ԱԳՐԻԿՈԼ Բանկի գլխավոր գործադիր տնօրեն Հակոբ Անդրեասյանը:

 

«ՓՄՁ-ների համար հնարավորություն ստեղծելը IFC-ի ռազմավարական առաջնահերթություններից մեկն է՝ համաշխարհային մասշտաբով, ինչպես նաև Հայաստանում: Այս նոր հարթակը բանկի և IFC- ի համատեղ ջանքերի արդյունք է, որի նպատակն է ՓՄՁ-ներին տրամադրել աճի համար անհրաժեշտ գիտելիքներ: Մենք բարձր ենք գնահատում ԱԿԲԱ-ԿՐԵԴԻՏ ԱԳՐԻԿՈԼ Բանկի հանձնառությունը առաջնորդել այս կարևոր նախաձեռնությունը», - ասաց IFC-ի` Հարավային Կովկասում տարածաշրջանային ղեկավար Յան վան Բիլսենը:

 

Հիշեցնենք, որ ԱԿԲԱ-ԿՐԵԴԻՏ ԱԳՐԻԿՈԼ Բանկը Հայաստանում գործում է 1995 թվականից: 2006 թվականից բանկի մեծամասնական բաժնետերն է եվրոպական խոշորագույն Credit Agricole S.A. բանկային խումբը, 15.56% բաժնեմասով, որին հաջորդում է SJSC «Sacam Internationalե-ը (Credit Agricole S.A. խմբի անդամ)` 12.44%: Բանկի կապիտալին մասնակցում են նաև Գյուղացիական փոխօգնության 10 մարզային միություններ: Մասնաճյուղրի ցանցով բանկը երկրորդն է Հայաստանում: Իր հիմնական հաշվեկշռայիին ցուցանիշներով ԱԿԲԱ-ԿՐԵԴԻՏ ԱԳՐԻԿՈԼ Բանկը գտնվում է Հայաստանի առաջատար բանկերի հնգյակում:

 

ԱԿԲԱ-Կրեդիտ Ագրիկոլ Բանկը ՓՄՁ ոլորտի վարկավորման ծավալներով գտնվում է Հայաստանի առաջատար բանկերի տասնյակում, որոնք 2016 թվականի հուլիսի 1-ի դրությամբ կազմել են 34 մլրդ.դրամ կամ բանկի վարկային պորտֆելի 28%-ը: Բանկերի կողմից ՓՄՁ ոլորտում կատարված ընդհանուր վարկային ներդրումների կառուցվածքում ԱԿԲԱ-Կրեդիտ Ագրիկոլ Բանկի մասնաբաժինը կազմել է 6%: Բանկի գյուղատնտեսական վարկերի պորտֆելը 2016-ի հուլիսի 1-ին հասել է 87 մլրդ դրամի ($ 182.8 մլն), կամ բանկի ընդհանուր վարկային պորտֆելի 41%-ը: Բանկային համակարգի ընդհանուր գյուղատնտեսական վարկերի կառուցվածքում ավանդաբար գերակշռում է ԱԿԲԱ-ԿՐԵԴԻՏ ԱԳՐԻԿՈԼ Բանկի մասնաբաժինը, որը 2016-ի հուլիսի 1-ին կազմել է 55%:

 

Հիշեցնենք, որ 1995 թվականից, երբ Հայաստանը դարձավ IFC անդամ, IFC կողմից ֆինանսական, արդյունաբերական, գյուղատնտեսական, լեռնահումքային ոլորտների 42 զանազան նախագծերում կատարված ներդրումները հասել են 233 մլն.դոլարի, այդ թվում, 22.8 մլն.դոլար ներգրավել է այլ կրեդիտորներից: Իր առևտրի ֆինանսավորման ծրագրով IFC-ն արդեն աջակցում է ավելի քան 122 մլն.դոլարի առևտրի գործարքներին, իրականացնելով խոհրդատվական նախագծեր, որոնք ուղղված են մասնավոր հատվածի զարգացմանը: IFC-ն հանդիսանում է Համաշխարհայիին բանկի խմբի անդամ, հանդիսանում է զարգացման գլոբալ կառույց, որի գործունեությունն ուղղված է բացառապես մասնավոր հատվածի աջակցմանը զարգացող շուկաներում: IFC աշխատում է ավելի քան 2000 ընկերությունների հետ, ողջ աշխարհում: 2015 ֆինանսական տարում IFC երկարաժամկետ ներդրումները զարգացող շուկաներում հասել են 18 մլրդ.դոլարի: