Հինգշաբթի, 27 Հոկտեմբերի 2016 14:22

Արմինֆո.  ՙԵս չեմ գտնում, որ Հայաստանում ավիատոմսերի գները ցածր են, իսկ տեղական շուկան դիվերսիֆիկացված է, և մենք խնդիրներ չունենք՚,- այսօր կառավարության նիստից հետո լրագրողներին հայտարարել է Հայաստանի քաղաքացիական ավիացիայի գլխավոր վարչության պետ Սերգեյ Ավետիսյանը: ՙՄենք բազմաթիվ խնդիրներ ունենք, բայց ակտիվորեն աշխատում ենք. տոմսերի գները կնվազեն, և այդ ուղղությամբ առաջընթացն արդեն ակնհայտ է՚,- հավաստիացրել է Ավետիսյանը: ՔԱԳՎ պետի խոսքով, բյուջետային ավիաընկերությունը՝ ի դեմս ՙՊոբեդա՚ ռուսական լոուքոսթերի, ավիափոխադրումների հայաստանյան շուկա  է մուտք գործում ֆորմատի համար ստանդարտ ռեժիմով, ինչն անպայման կարևոր նախադրյալ կհանդիսանա: Մասնավորապես, ինչպես նշել է Ավետիսյանը, դա համապատասխանում է կառավարության և ՙԶվարթնոց՚ ՓԲԸ սեփականատիրոջ համատեղ ծրագրերին՝ ուղղված Գյումրիի ՙՇիրակ՚ օդանավակայանի զարգացմանը՝ որպես բյուջետային ավիաընկերությունների հետ աշխատող օդանավակայան: Նրա խոսքով, ՙՊոբեդա՚-ի համար հայտարարված 10 հազար դրամ տոմսերի գինն իրական է ավիատոմսերի որոշակի սեգմենտի համար: Տոմսերը կլինեն՝ սկսած 10 հազար դրամից, նշել է նա: Թե ինչ տոկոս կկազմեն այդ գնով տոմսերը, հայտնի չէ, բայց ինչպես նշել է Ավետիսյանը, կշահագործվի Բոինգ 737-800 ինքնաթիռը՝ նախատեսված 180 տեղի համար, իսկ գնային վերին շեմը բարձր չի լինի՝ Գյումրիի օդանավակայանի մրցակցային առավելությունների պահպանման համար: ՔԱԳՎ պետի խոսքով, Գյումրիում սպասարկման գներն ավելի էժան են, քան մայրաքաղաքի օդանավակայանում՝ նկատի ունենալով Երևանի ՙԶավթնոցի՚ և ՙՇիրակի՚ որակական ցուցանիշների տարբերությունը: Ավելի ցածր սակագներ սահմանելու համար հիմք է հանդիսացել նաև այն, որ ՙՇիրակ՚ օդանավակայանի ուևորները կազատվեն 10 հազար դրամի պետական տուրք վճարելուց: Սերգեյ Ավետիսյանը հայտնել է, որ տվյալ փուլում բանակցություններ են տարվում նաև այլ ավիափոխադրողների հետ: Յուրաքանչյուր ավիափոխադրող, ինչպես նշել է նա, շուկա մուտք գործելու համար պետք է հաշվարկի պահանջարկը: ՙՌուսաստանի ավիացիոն շուկան Հայաստանի համար եղել և մնում է համար մեկ ուղղությունը՚,- նշել է ՔԱԳՎ պետը: Միաժամանակ, ինչպես նշել է պաշտոնյան, շուկայում ցանկացած նոր խաղացողի հայտնվելն ապրիորի ազդում է ոլորտում գնային քաղաքականության ձևավորման վրա:  

 

Ինչպես ավելի վաղ հաղորդվել էր, Ռոսավիացիան «Պոբեդա՚լոուքոսթերին («Աէրոֆլոտ՚ խմբի անդամ) տրամադրել է Մոսկվայից Գյումրի թռիչքներ իրականացնելու թույլտվություն: Թռիչքներ կիրականացվեն շաբաթական 7 անգամ: Դեռ այս տարվա օգոստոսին Ռոսավիացիան «Պոբեդային՚ տրամադրել էր դեպի Երևան ավիաչվերթներ իրականացնելու թույլտվություն: Նախատեսվում էր, որ տոմսերի վաճառքը այդ ուղղությամբ կսկսվի աշնանը, բայց չվերթը մինչ օրս դեռ չի բացվել: «Պոբեդան՚ չվերթներ է իրականացնում 58 ուղղությամբ, այդ թվում դեպի 8 երկիր` Իտալիա, Գերմանիա, Իսպանիա, Սլովակիա, Մոնտենեգրո, Կիպրոս: «Պոբեդան՚ չվերթներ է իրականացնում նաև Ռուսաստանի ներսում՝ հիմնականում Մոսկվայից դեպի Կրասնոդարի երկրամաս:

 

Հայաստանի քաղաքացիական ավիացիայի գլխավոր վարչության պաշտոնական հաղորդագրության համաձայն, ռուսական ավիաընկերության հետ պայմանավորվածություն է ձեռք բերվել նոյեմբերի վերջից շաբաթական 3 անգամ Գյումրու «Շիրակ՚ օդանավակայանից դեպի Մոսկվայի «Վնուկովոե օդանավակայան, ինչպես նաև, հետադարձ ուղղությամբ թռիչքներ իրականացնել:

Ավիաընկերության ավիատոմսերի սակագները լինելու են սկսած 10.000 դրամից:

 

Սեպտեմբերի 20-ին, ելույթ ունենալով ՀՀ խորհրդարանում, վարչապետ Կարեն Կարապետյանը հայտարարեց Գյումրիի օդանավակայանը գործարկելու ծրագրերի մասին: Նրա խոսքով, այդ նպատակով գործադիրը բանակցում է մի շարք լոուքոսթերների հետ: