Երկուշաբթի, 31 Հոկտեմբերի 2016 19:53

Արմինֆո. Հայաստանում տնտեսական ակտիվության աճը 2016 թվականի 9 ամիսներին դանդաղել է մինչև 1.6%, նախորդ տարվա նույն ժամանակահատվածի 3.7% համեմատ: 2014-ի նույն ժամանակահատվածում տնտեսական ակտիվությունն աճել էր 4,3: Ըստ ՀՀ Ազգային վիճակագրական ծառայության նախնական տվյալների, միայն սեպտեմբերին, այնուամենայնիվ, արձանագրվել է 7% աճ, իսկ տարեկան անկումը կազմել է 2.4%:

2016 թվականի հունվար-սեպտեմբերին տնտեսական ակտիվության աճը Հայաստանում հիմնականում պայմանավորեցին` ծառայությունների ոլորտը`8.1%, արդյունաբերական ոլորտը`7,1%, նախորդ տարվա, համապատասխանաբար, 2.5% և 4.8% աճի փոխարեն: Իսկ մյուս ոլորտներն արձանագրել են տարեկան անկում, այդ թվում`առևտուր – 0.1%,

գյուղատնտեսության ոլորտ – 2.6 %, էներգահամալիր – 6.5% և շինարարություն – 9.2%: Մեկ տարի առաջ, 2015-ի հունվար-սեպտեմբերին առևտրի ոլորտու նույնպես բացասական տրենդում էր, բայց ավելի հսկայական – 5.6%, իսկ մյուս ոլորտները` ագրոհատվածը, էմերգահամալիրը և շինարարությունը համապատասխանաբար արձանագրել էին 11.3%, 3.8% և 0.1% աճ:

Արդյունաբերական արտադրանքի գների ինդեքսը 2016 թվականի հունվար-սեպտեմբերին 2015 թվականի նույն ժամանակահատվածի համեմատ նվազել է 0.1%, 2016-ի սեպտեմբերին, 2015-ի սեպտեմբերի համեմատ աճել է 4.6%, իսկ միայն 2016-ի սեպտեմբերին իջել է 1.5%:

Ամսական կտրվածքով (սեպտեմբեր), տնտեսական աճին վճռորոշ խթան տվեց արդյունաբերական հատվածը, արտադրության ծավալները բարձրացնելով 8.4% (2015-ի սեպտեմբերին` 5.2%), ինչպես նաև ծառայությունների ոլորտը` 5.2% (2015-ի սեպտեմբերի աճը` 7%), գյուղատնտեսական ոլորտը` 4.9% (2015-ի սեպտեմբերի աճը`48.5%), շինարարությունը` 4.1% (2015-ի սեպտեմբերի աճը` 18.5%), առևտուրը`1.4% (2015-ի սեպտեմբերի աճը`1.4%): Էներգետիկ համալիրը սեպտեմբերին արձանագրեց բացասական` 7.4% դինամիկա, իսկ նախորդ տարի այս ցուցանիշը կազմել էր 4.9%:

Տարեկան կտրվածքով աճ է արձանագրվել միայն արդյունաբերական հատվածքում`6.1% և ծառայությունների ոլորտում `8.6%, իսկ մյուս ոլորտներում արձանագրվել է անկում, մասնավորապես, գյուղատնտեսական ոլորտում`19.5%, առևտրի ոլորտում`0.1%, շինարարության ոլորտում `17.3% և էներգետիկ համալիրում`11.1%:

Ըստ վիճակագրական տվյալների 2016 թվականի հունվար-սեպտեմբերին բացարձակ արժեքով առջևում է առևտրի ոլորտը, 1.6 տրլն դրամ ծավալով ($ 3.3 մլրդ): Երկրորդ տեղում է արդյունաբերական հատվածը`1.03 տրլն դրամ ($ 2.1 մլրդ), երրորդն է ծառայությունների ոլորտը`919.7 մլրդ դրամ ($ 1.9 մլրդ), չորրորդ տեղում է գյուղատնտեսության ոլորտը` 654.6 մլրդ դրամ ($ 1.4 մլրդ), հինգերորդն է շինարարության ոլորտը` 236.1 մլրդ դրամ ($490.8 մլն): Էլեկտրաէներգիայի արտադրության ծավալը 2016 թվականի հունվար- սեպտեմբերին կազմել է 5396.1 մլն կՎտժ, իսկ միայն սեպտեմբերին` 591.9 մլն կՎտժ:

Միևնույն ժամանակ, Հայաստանի արտաքին առևտրի շրջանառությունը 2016 թվականի հունվար- սեպտեմբերին կազմել է 1724.7 մլրդ. դրամ ($ 3588,1 մլն), տարեկան աճը`5.7%: Դրա կառուցվածքում արտահանման ծավալների տարեկան աճը կազմել է 19.6%, մինչև 621.4 մլրդ դրամ ($ 1293.1 մլն), իսկ ներմուծման տարեկան անկումը` 0.8%, մինչև 1103.3 մլրդ. դրամ ($ 2295 մլն): Մեկ տարի առաջ, 2015 թվականի հունվար- սեպտեմբերին արտաքին առևտրի շրջանառությունը նվազել էր 20%, արտահանման` 26.6% և նրմուծման 0.9% անկման հետևանքով: Համեմատության համար նշենք, որ 2014 թվականի հունվար-սեպտեմբերին Հայաստանի արտաքին առևտրի շրջանառությունն աճել էր 3.9%, քանի որ արտահանումն ավելացել էր 1.9%, իսկ ներմուծումը`4.6%:

ՀՀ դրամի միջին հաշվարկային փոխարժեքը 2016 թվականի սեպտեմբերին կազմել է 474.10 դրամ / $ 1, իսկ հունվար-սեպտեմբերին`481.03 դրամ / $ 1, 2015-ի սեպտեմբերի`481.07 դրամ / $ 1 – ի և 2015-ի հունվար-սեպտեմբերի` 477,71 դրամ / $ 1 – ի համեմատ-