Հայաստանի մետաղագործության ոլորտում 2016 թվականի հոկտեմբերին տարեկան դինամիկան աճից անցել է անկման

Արմինֆո. Հայաստանի մետաղագործական ոլորտում 2016 թվականի 9 ամիսներին արտադրության ծավալը նվազել է 5,8%, նախորդ տարվա նույն ժամանակահատվածի 6.5% աճի համեմատ: Ըստ ՀՀ Ազգային վիճակագրական ծառայության տվյալների, 2016-ի հունվար-սեպտեմբերին ֆերոմոլիբդենի արտադրությունը Հայաստանում նախորդ տարվա նույն ժամանակահատվածի համեմատ աճել է 8.1%, մինչև 4614 տոննա: Միայն սեպտեմբերին արտադրվել է 718 տոննա ֆերոմոլիբդեն, ինչը 12% ավելի ծավալը օգոստոսի ծավալից:

Հունվար-սեպտեմբերին մոլիբդենի խտանյութի արտադրությունն աճել է 0.5%, մինչև 7970 տոննա, իսկ միայն սեպտեմբերին  աճել է 6.7%, մինչև 925 տոննա: Մոլիբդենի բրիկետների արտադրությունը կազմել է 367 տոննա (տարեկան անկումը`34,7%): Կոնվերտորային պղնձի արտադրությունն աճել է 13,7%, մինչև 9104 տոննա, նախորդ տարվա աճը`9,3%, իսկ ամսական արտադրությունը կրճատվել է 9,4%, մինչև 1035 տոննա: Պղնձի խտանյութի արտադրությունն աճել է 31,4%, մինչև 293,3 հազար տոննա, նախորդ տարվա աճը`55,1%, իսկ միայն սեպտեմբերին արտադրության ծավալը կազմել է 35,5 հազար տոննա, ամսական աճը`12,3%:

Ալյումինե փայլաթիթեղի տարեկան արտադրությունը հունվար- սեպտեմբերին կրճատվել է 31,7%, մինչև 22143 տոննա, իսկ միայն սեպտեմբերին նվազել է 5,4%, մինչև 2207 տոննա:

Պողպատե խողովակների արտադրությունը հունվար- սեպտեմբերին նվազել է 31,7%, մինչև 5401 տոննա (նախորդ տարվա աճը` 16,4%), իսկ միայն սեպտեմբերին աճել է 32,5%, մինչև 1060 տոննա: Ցինկի խտանյութի արտադրությունը նվազել է 33,9%, մինչև 6147 տոննա, որից միայն սեպտեմբերին արտադրվել է 931 տոննա, ամսական աճը`14,4%:

Հայաստանում արտադրված բոլոր մետաղները հիմնականում արտահանվում են Եվրոպա և Միացյալ Նահանգներ:

Նշենք, որ 2015 թվականին Հայաստանի մետալուրգիական արդյունաբերությունում ծավալները կրճատվեցին 15%: Մասնավորապես, ֆերոմոլիբդենի արտադրության անկումը կազմեց 14.6%, մոլիբդենի խտանյութի արտադրությունը նվազեց 11.6%, ալյումինե գլանվածքների արտադրությունը նվազեց 45,7%, ցինկի խտանյութինը նվազեց 23%:

Միևնույն ժամանակ, 2015 թվականին աճի արագացում արձանագրվեցին կոնվերտորային պղնձի արտադրությունում- 16%, մինչև 18.2%, պղնձի խտանյութի - 61.4%-ից մինչև 64,1%, ալյումինե փայլաթիթեղի-1,4% և պողպատե խողովակների արտադրություններում - 6,7%: