Արմինֆո. «Բելավիան» մտադիր է 2017 թվին վերսկսել չվերթները դեպի Երևան: Ինչպես հաղորդում է ԲԵԼՏԱ-ն, այդ մասին հաղորդել է «Բելավիա» ավիաընկերության գլխավոր տնօրեն Անատոլի Գուսարովը: Ընդ որում նա հույս է հայտնել, որ Հայաստանի և Բելառուսի միջև ուղևորափոխադրումների նկատմամբ պահանջարկի անկումը ժամանակավոր է:
Հիշեցնենք, որ 2013 թվականի հոկտեմբերի 23-ին ՀՀ կառավարությունն ընդունեց Հայաստանում ավիափոխադրումների ոլորտի ազատականացման մասին որոշում և հաստատեց «Հայաստանում ավիափոխադրումների մրցակցային և շարունակական ծառայությունների մատուցման ապահովման ծրագիրը»: Այն հիմնված էր Հայաստանի Ազգային մրցունակության հիմնադրամի (ՀԱՄՀ), McKinsey & Company ընկերության միջև կատարված համատեղ հետազոտության վրա: Նոր քաղաքականության արդյունքը շատ կարճ տևեց: «Բաց երկնքի» քաղաքականությունը, որը կառավարության կողմից հայտարարվեց 2013 թվականին «Արմավիա» ազգային ավիափոխադրողի սնակացումից հետո, հանգեցրեց հայաստանյան շուկայից օտարերկրյա ավիաընկերությունների համատարած փախուստի: Արդյունքում` ավիատոմսերի բարձր գների պատճառով հայ ուղևորներից շատերը նախընտրում են օգտվել հարևան Վրաստանի օդային ծառայություններից, որտեղ հաջողությամբ գործում են մի շարք եվրոպական լոուքոստերներ:
RUB | 4.27 | 0.00 |
USD | 394.46 | -0.25 |
EUR | 425.62 | -1.93 |
GBP | 497.65 | -0.91 |
CAD | 290.11 | -0.27 |
JPY | 26.06 | -0.05 |
CNY | 54.57 | -0.05 |
CHF | 435.72 | -0.13 |