Արմինֆո. Հայաստանի վարչապետ Կարեն Կարապետյանը այսօր կառավարության նիստում կոչ է արել իրավաբանական անձանց լիցենզիաները տրամադրել բացառապես էլեկտրոնային եղանակով:
Ինչպես հաղորդում է կառավարության տեղեկատվության և հասարակայնության հետ կապերի վարչությունը, այդ առնչությամբ վարչապետը կառավարության աշխատակազմի ղեկավար-նախարար Դավիթ Հարությունյանին հանձնարարական է տվել էլեկտրոնային եղանակով լիցենզիաների տրամադրման վերաբերյալ:
«Տնտեսվարող սուբյեկտների և պետական մարմինների շփումը կրճատելու նպատակով, իրավաբանական անձանց էլեկտրոնային եղանակով լիցենզիաներ տրամադրելու հանձնարարականի ուսումնասիրության արդյունքները հաշվի առնելով՝ հանձնարարում եմ 3 շաբաթվա ընթացքում ներկայացնել օրենսդրական փոփոխությունների փաթեթ, որի համաձայն՝ իրավաբանական անձանց տրվող լիցենզիաները կտրամադրվեն բացառապես էլեկտրոնային եղանակով: Առաջարկում եմ բացառություն սահմանել միայն Պաշտպանության նախարարության և Միջուկային անվտանգության պետական կոմիտեի կողմից տրվող որոշ լիցենզիաների համար՝ հաշվի առնելով, որ դրանք պարունակում են պետական գաղտնիքի տարրեր»,-ասել է Կարեն Կարապետյանը:
RUB | 4.18 | -0.02 |
USD | 390.04 | -1.40 |
EUR | 415.63 | -1.21 |
GBP | 481.74 | -0.75 |
CAD | 284.60 | -0.69 |
JPY | 25.20 | -0.09 |
CNY | 53.82 | -0.22 |
CHF | 427.68 | -1.72 |