Չորեքշաբթի, 23 Նոյեմբերի 2016 14:27

Արմինֆո. Իրան-Հայաստան և Հայաստան-Վրաստան էլեկտրահաղորդման երկու գծերի կառուցման արդյունքում էլեկտրաէներգիայի փոխհոսքերի ծավալը գրեթե 10 անգամ կգերազանցի ներկայիս ցուցանիշները, ինչը թույլ կտա հանրապետությանը դառնալու լուրջ տարանցիկ երկիր: Այդ մասին այսօր մամուլի ասուլիսի ժամանակ հայտարարել է ՀՀ էներգետիկ ենթակառուցվածքների և բնական պաշարների փոխնախարար Հայկ Հարությունյանը՝ ներկայացնելով էներգետիկայի ոլորտում կառավարության առաջնահերթությունները:

 

Փոխնախարարի խոսքով, Հայաստանը բավական ակտիվ քաղաքականություն է վարում տարածաշրջանային ինտեգրման և առևտրի ընդլայնման առումով: Ելնելով այդ նկատառումներից, ինչպես հայտարարել է նա, Հայաստանն իրականացնում է Իրան-Հայաստան և Հայաստան-Վրաստան էլեկտրահաղորդման գծերի կառուցումը, որոնք նախատեսվում է միաժամանակ ավարտել 2019 թվականին:

 

Կառուցման արդյունքում, ինչպես նշել է Հարությունյանը, Հայաստանը ոչ միայն կբարձրացնի իր հեղինակությունը՝ որպես տարանցիկ երկիր, այլ նաև զգալիորեն կավելացնի երկրում առկա հզորությունների օգտագործման արդյունավետությունը՝ էլեկտրաէներգիայի արտահանման նպատակով ստեղծելով նորերը: «Տվյալ փուլում էլեկտրաէներգիան արտահանման ծավալներով 6-րդ տեղում է: Նախատեսում ենք այդ վարկանիշում բարձրանալ մի քանի դիրքով»,- հայտարարել է նա:

 

Հայաստան-Վրաստան, Իրան-Հայաստան էլեկտրահաղորդման գծերի կառուցումը թույլ կտա միասնական էներգետիկ միջանցք ստեղծել: Նախագծի

շրջանակներում նախատեսվում է 722 էլեկտրական սյուների տեղադրում, ընդ որում՝65 սյուների հենարաններն արդեն պատրաստ են: Գործնականում, բոլոր հատվածները, որոնցով պետք է անցնի ԷՀԳ-ն, արդեն գնված են: Ավարտվել է սարքավորումների թեստավորումը, որը բերվել է Հայաստան և պահեստավորվել:

 

Ինպես ավելիվաղ հայտնել է ԱրմԻնֆո-ն, Հայաստանը տարածաշրջանի գործընկերների հետ միասին մտադիր է ստեղծել տարաշրջանային էլեկտրաէներգետիկ շուկա: Խոսքն առաջին հերթին վերաբերում է Իրանի, Վրաստանի, Հայաստանի և Ռուսաստանի էլեկտրաէներգետիկ համակարգերի արդյունավետ զուգահեռ աշխատանքին: Այս առումով Իրան-Հայաստան, Հայաստան-Վրաստան էլեկտրահաղորդման գծերի կառուցումը կստեղծի դրա համար անհրաժեշտ բոլոր նախադրյալները: Երկու նախագծերն էլ կիրականացվեն մինչև 2019 թ. վերջը: Միաժամանակ Վրաստանը բանակցություններ է վարում Ռուսաստանի Դաշնության հետ 500 կիլովոլտ ԷՀԳ  և ենթակայանների կառուցման շուրջ, ինչը թույլ կտա իրականացնել ոչ միայն էլեկտրաէներգիայի փոխհոսքեր, այլ նաև՝ կոմերցիոն գործարքներ: Ներկայումս չորս պետությունների փոխնախարարների մակարդակով համակարգող խումբն ակտիվ աշխատանք է տանում նախագծերի իրականացման ողջ գործընթացի սկսման ուղղությամբ: Նախատեսվում է, որ մինչև 2019 թ. վերջը 1 հազար մեգավատտ հզորությամբ «Հյուսիս-Հարավ» էլեկտրաէներգետիկ միջանցքը կգործի ամբողջ ուժով: Նշենք, որ Իրան-Հայաստան ԷՀԳ կառուցումն իրականացնում է «Սանիր» իրանական ընկերությունը: Ծրագրի ընդհանուր արժեքը 107,9 մլն եվրո է: Շինարարությունը սկսվել է 2012 թվականին, սակայն Իրանի նկատմամբ պատժամիջոցների և անհրաժեշտ ֆինանսական ռեսուրսների բացակայության պատճառով շինարարությունը փոքր-ինչ ձգձգվել է: Այսօրվա դրությամբ իրականացվել է $1,43 մլն-ի աշխատանք: