Ամերիաբանկը և Բեստ Քարդը հայտարարել են «Այո-Viza» քո-բրենդինգային քարտերի թողարկման և «cashback» ծրագրի գործարկման մասին

Արմինֆո. Ամերիաբանկը մանրածախ բիզնեսրի զարգացման ռազմավարության շրջանակներում Բեստ Քարդ ընկերության հետ համատեղ գործարկում է Best Card cashback ծրագիրը ֆիզիկական անձանց համար, որը հնարավորություն կտա ծրագրի գործընկեր առևտրի և սպասարկման սրահներում յուրաքանչյուր օր կատարած անկանխիկ գնումների դիմաց ստանալ հետվճար (cashback) ծախսած գումարի մինչև 20%-ի չափով: Այս մասին դեկտեմբերի 13-ին Ամերիաբանկի և Բեստ Քարդ ընկերության համատեղ մամուլի ասուլիսում հայտարարել է Ամերիաբանկի մանրածախ գործառնությունների գծով տնօրեն Արման Բարսեղյանը:

Նա հավելել է, որ համատեղ ծրագրի շրջանակներում կթողարկվեն AYO - Visa Classic и Visa Gold քո-բրենդինգային քարտերն օն-լայն գնումներ, դրամական փոխանցումներ կատարելու համար`նաև արտասահմանում: Ա.Բարսեղյանը տեղեկացրել է, որ նշված ծրագրով քարտապանները կարող են բացել վարկային գծեր: «AYO» արտոնյալ ծրագրից կարող են օգտվել Ամերիաբանկի բոլոր քարտապանները, բացառությամբ նվիրված և բիզնես-քարտերի»,-պարզաբանել է նա: Իսկ միջոցների վերադարձը կհաշվարկվի գնումների ամսվանը հաջորդող ամսի վերջին:

Պատասխանելով ԱրմԻնֆո-ի թղթակցի հարցին, Ա.Բարսեղյանը նշել է, որ հաջորդ տարի բանկին կհաջողվի Բեստ Քարտի հետ համատեղ ծրագրի շնորհիվ քարտերի թիվն ավելացնել 20% կամ 25 հազարով, ինչը կարելի է համարել լուրջ ցուցանիշ:

Իսկ Բեստ Քարտի գլխավոր տնօրեն Մարինա Դալլաքյանը հավելել է, որ ի տարբերություն շուկայում գործող մյուս ծրագրերին, «Այո» ծրագիրը տրամադրում է գործընկերային ամենալայն ցանցը, սկասծ առևտրի կետերից և վերջացրած ավտոսրահներով, որն աստիճանաբար պետք է ընդլայնվի, քանի որ արդեն սկսել են ստանալ առաջարկներ: Ծրագրի լրացուցիչ առավելությունների շարքում նա նշել է. «Ռոսգոսստրախ Արմենիա» ընկերության հետ համագործակցությնա շրջանակներում մենք բոլոր քարտապանների համար մշակել ենք հատուկ ապահովագրական պոլիս: Ունենալով «Այո» քարտերից որևէ մեկը, քարտապանն ստանում է նաև այդ ապահովագրությունը»:

Քարտերն Ամերիաբանկի մասնաճյուղերից բացի կարելի է ստանալ Երևան Մոլ և Ռոսիա Մոլ կենտրոններում: Քարտապաններ կարող են դառնալ ինչպես ՀՀ ռեզիդենտները, այնպես էլ ոչ ռեզիդենտները: Վարկային գծի ձևակերպման ժամանակ քաղաքացիները պետք է ունենան 21-ից բարձր տարիք, համապատասխանեն բանկի վարկավորման չափանիշներին: «Այո» քարտի գործողության ժամկետը սահմանված է 2 տարի:

Նշենք, որ «ԱՅՈ» ծրագիրը, շուկայում առկա նմանատիպ ծրագրերի համեմատ, տրամադրում է գործընկերներ կազմակերպությունների ամենամեծ ցանցը (գործընկերների ցանկը հրապարակված է և պարբերաբար կթարմացվի ծրագրի պաշտոնական կայքէջում` www.ayocard.am): 

Ըստ ԱրմԻնֆո գործակալության` «Հայաստանի բանկերը քարտային բիզնեսում» վերլուծական տեղեկագրի, Ամերիաբանկի ակտիվ քարտերի թիվը 2016 թվականի ապրիլի 1-ին հասել է մոտ 70 հազարի, որից ավելի քան 71%-ը կամ մոտ 50 հազարը կազմել են Visa քարտերը, տարեկան աճը`12%: Ավելին, Visa քարտերի թվով Ամերիաբանկը գտնվում է առաջատարների հնգյակում: Բանկը 5 առաջատարների թվում է նաև պլաստիկ գործարքների ծավալով - մոտ 112 մլրդ դրամ 2015-ին (տարեկան աճը`11,7%), որից շուրջ 76 մլրդ դրամ կազմել են բանկոմատային տրանսակցիաները (տարեկան աճը`10%): Բանկոմատների թվով Ամերիաբանկը զբաղեցնում է 5-րդ հորիզոնականը (2016-ի ապրիլի 1-ին` 112 բանկոմատ, որից 86-ը տեղադրված է Երևանում), ինչպես նաև 3-րդ տեղում է սեփական POS- տերմինալների թվով – 951 հատ: Ամերիաբանկը թողարկում և սպասարկում է նաև տեղական ArCa և միջազգային Visa և MasterCard քարտերը:

Նշենք, որ «Ամերիաբանկ» ՓԲԸ ունիվերսալ բանկ է, որը մատուցում է կորպորատիվ, ներդրումային և մանրածախ բանկային ծառայություններ` տրամադրելով բանկային լուծումների ամբողջական փաթեթ: Ամերիաբանկի մաժորիտար բաժնետերն են`«Ամերիա գրուպ CY Ltd - 99,99% և ՎԶԵԲ - 20.7% բաժնեմասերով: