Արմինֆո. Հայաստանի Հանրային ծառայությունները կարգավորող հանձնաժողովը դեկտեմբերի 14-ի նիստում համաձայնություն տվեց «Գազպրոմ Արմենիա» ՓԲԸ 2017-2019 թվականների ներդրումային ծրագրին և «Գազպրոմ Արմենիա» ՓԲԸ 2016-2018 թվականների ներդրումային ծրագրի 2016 թվականի ճշգրտումներին:
Ըստ ընկերության գլխավոր տնօրեն Հրանտ Թադևոսյանի, 2017-2019 ծրագրի համաձայն, «Գազպրոմ Արմենիա» ՓԲԸ 2017-2019 թվականների կապիտալ ներդրումները կկազմեն 32 532,1 մլն դրամ` առանց ավելացված արժեքի հարկի, հետևյալ հիմնական ուղղություններով. 1) գազափոխադրման համակարգի Աբովյանի գազի ստորգետնյա պահեստարան-կայանի ընդլայնում - 11 402,6 մլն դրամ, 2) գազափոխադրման համակարգի ընդլայնում - 12 685,5 մլն դրամ, 3) գազափոխադրման համակարգում այլ ուղղություններով իրականացվելիք ներդրումներ - 1 773,1 մլն դրամ, 4) նոր բաժանորդների միացում - 1 029,4 մլն դրամ, 5) գազաբաշխման համակարգի ընդլայնում - 408,3 մլն դրամ, 6) գազաբաշխման համակարգում այլ ուղղություններով իրականացվելիք ներդրումներ - 5 233,3 մլն դրամ:
Հանձնաժողովը հաստատել է նաև «Գազպրոմ Արմենիա» ՓԲԸ շոգեգազային ցիկլով էլեկտրական էներգիաարտադրող «Հրազդան -5» կայանի 2017 թվականի պայմանագրային և տնօրինելի հզորությունները:
Մեկ այլ որոշմամբ, հանձնաժողովը փոփոխություններ և լրացումներ է կատարել «Բնական գազիմատակարարման և օգտագործման կանոնները հաստատելու մասին» №95Ն որոշման մեջ:
«Գազպրոմ Արմենիա» ՓԲԸ հանդիսանում է «Գազպրոմ» ՀԲԸ 100-տոկոսանոց դուստր ընկերություն: «Գազպրոմ Արմենիա» ՓԲԸ ապահովում է Հայաստանի Հանրապետության ներքին շուկայում բնական գազի մատակարարումն ու իրացումը:Գազափոխադրման համակարգում Ընկերության կողմից սպասարկվող մայրուղային գազատարերի և գազատար-ճյուղավորումների ընդհանուր երկարությունը կազմում է 1685 կմ:
RUB | 4.22 | 0.00 |
USD | 388.08 | -0.52 |
EUR | 416.29 | -0.44 |
GBP | 485.57 | -0.41 |
CAD | 284.16 | 0.14 |
JPY | 24.75 | -0.24 |
CNY | 53.55 | -0.08 |
CHF | 425.34 | -0.20 |