ՎՏԲ-Հայաստան Բանկին շնորհվել է "Հայաստանի Լավագույն Բանկ- 2016" դիպլոմը` Gallup International Association ընկերության կողմից

Արմինֆո. Gallup International Association միջազգային հետազոտական կենտրոնի hայաստանյան ներկայացուցչությունը ուսումնասիրություն է կատարել, որի արդյունքներով երկրում լավագույն բանկ է ճանաչվել ՎՏԲ-Հայաստան Բանկը։

Ինչպես ԱրմԻնֆո-ին հայտնել են բանկի մամուլի ծառայությունից, Gallup International Association ընկերության հայաստանյան ներկայացուցչության տնօրեն Արամ Նավասարդյանը հանձնել է  "ՎՏԲ-Հայաստան Բանկ" ՓԲԸ Գլխավոր տնօրեն-Տնօրինության Նախագահ Յուրի Գուսևին "Հայաստանի Լավագույն Բանկ- 2016" դիպլոմը:

2016 թվականի նոյեմբերին անցկացվեց հարցում՝ տարբեր տարիքային խմբերի 1,104 քաղաքացիների շրջանում Հայաստանի ողջ տարածքից:  Հարցումն իրականացվել է պատահականության սկզբունքով, իսկ որպես հարցման մեթոդիկա ընտրված էր face to face հարցազրույցը:

“ՎՏԲ-Հայաստան Բանկը երրորդ տարին անընդմեջ ստանում է լավագույնի կոչումը՝ Gallup International Association հարցման արդյունքներով: Յուրաքանչյուր կազմակերպության համար գործունեության լավագույն գնահատական է հանդիսանում բնակչության ճանաչումը, հաճախորդների ու գործընկերների վստահությունը: Այն, որ մենք կայուն կերպով պահպանում ենք առաջատարի դիրքը, վկայում է մեր Բանկի անձնակազմի  պրոֆեսիոնալիզմի մասին: Առջևում մենք ունենք հետաքրքիր հեռանկարներ և գլոբալ ծրագրեր: Վստահ ենք, որ հետագայում էլ մենք կշարունակենք արդարացնել հաճախորդների ակնկալիքները",- ասել է ՎՏԲ-Հայաստան Բանկի Գլխավոր տնօրեն-Տնօրինության նախագահ Յուրի Գուսև:

Gallup International Association hայաստանյան ներկայացուցչության տնօրեն Արամ Նավասարդյանը հավելել է. «Ուրախությամբ հանձնում եմ "Հայաստանի Լավագույն Բանկ- 2016" դիպլոմը ՎՏԲ-Հայաստան Բանկին, որը շուկայում զբաղեցնում է բարձր դիրք և վայելում է գործընկերների ու հաճախորդների վստահությունը: Շնորհավորում եմ ՎՏԲ-Հայաստան Բանկի աշխատակիցներին և ղեկավարությանը իրենց գործունեությանն արժանի գնահատականի կապակցությամբ և մաղթում նորանոր ձեռքբերումներ":

Հիշեցնենք, որ «ՎՏԲ-Հայաստան Բանկե ՓԲԸ ՎՏԲ միջազգային ֆինանսական խմբի մասնակից է դարձել 2004թ. ապրիլին: «ՎՏԲ Բանկե ԲԲԸ հանդիսանում է «ՎՏԲ-Հայաստան Բանկե ՓԲԸ 100% բաժնետոմսերի փաթեթի միանձնյա բաժնետերը; Բանկը հիմնական ցուցանիշների մի ամբողջ շարքով մշտապես ներառվում է ՀՀ բանկային համակարգի առաջատարների թվի մեջ: Ներկա դրությամբ Բանկն ունի ամենալայն մասնաճյուղային ցանցը (67) ոչ միայն մայրաքաղաքում, այլև երկրի մարզերում: