ACBA-Leasing ընկերությունը Հայաստանում Caterpillar-ի պաշտոնական ներկայացուցիչ Zeppelin Armenia-ի և Caterpillar Financial-ի հետ ստորագրել է համաձայնագրի կնքմանմտադրությունների մասին Հուշագիր

Արմինֆո. ACBA-Leasing ընկերությունը Հայաստանում «Caterpillar»-ի պաշտոնական ներկայացուցիչ «Zeppelin Armenia»-ի և «Caterpillar Financial»-ի հետ ստորագրել է համաձայնագրի կնքման մտադրությունների մասին հուշագիր: Փաստաթղթի շրջանակներում կողմերը պայմանավորվել են երկարատև համագոծակցությունը շարունակելու մասին, ՀՀ տարածքում CAT տեխնիկայի ֆինանսավորման ավելի շահավետ պայմանների տրամադրման նպատակով, ինճի շնորհիվ կավելանա վաճառքների ծավալը: Ինչպես ԱրմԻնֆո գործակալությանը տեղեկացվել է ACBA-Leasing ընկերության մամուլի ծառայությունից, հուշագրի ստորագրումը տեղի է ունեցել դեկտեմբերի 7-ին:

Աղբյուրի համաձայն, առաջիկայում կողմերը հանդես կգան ֆինանսավորման պայմանների մասին  հայտարարությամբ, որի պայմանները համաձայնեցվել են CAT տեխնիկայի տրամադրման լիզինգային պայմանագրերի թվի աճի, շուկայի զարգացման ներուժի, ինչպես նաև հաջողությամբ գործող միջազգային փորձը տարածքային համապատասխան մակարդակով կիրառելու անհրաժեշտության հիման վրա:

ԱԳԲԱ Լիզինգի և Հայաստանում Caterpillar-ի պաշտոնական ներկայացուցիչ Zeppelin Armenia-ի միջև տարիների հաջողված համագործակցությունն իր դերն է ունեցել ՀՀ շինարարության և լեռնահումքային հատվածների զարգացման մեջ: Իջեցված տոկոսադրույքերի միջոցով հաճախորդները կարող են արդարացնել CAT տեխնիկայի ձեռքբերմանն ուղղված ներդրումները, ընդ որում`ոչ միայն արտադրողականության տեսանկյունից, այլ նաև ֆինանսական առումով: Կողմերը վստահ են, որ նման համաագործակցության միջոցով կբացվեն զարգացման նոր հորիզոններ և բազմակողմանի օգուտներ ստանալու հնարավորություն կըհնձեռվի ոչ միայն ուղղակի մասնակիցներին, այլ նաև ներգրավված բոլոր անձանց:

Ըստ ԱրմԻնֆո գործակալության` Հայաստանի վարկային կազմակերպությունների Ռենկինգի, 2016 թվականի հոկտեմբերի 1-ի դրությամբ ԱԿԲԱ-Լիզինգ ընկերության  ակտիվները կազմել են 13.6 մլրդ դրամ ($ 28.6 մլն), ընդհանուր կապիտալը`12.4 մլրդ դրամ ($ 26 մլն): 2016 թվականի 9 ամիսներն ԱԿԲԱ-Լիզինգը եզրափակել է 158,6 մլն դրամ զուտ շահույթով (մոտ $ 2,5 մլն, տարեկան աճը`մոտ3 անգամ): Ընկերության ակտիվները տարեկան կտրվածքով աճել են 12.3%, իսկ վարկային պորտֆելը`11,7%: ԱԳԲԱ Լիզինգը հիմադրվել է 2003 թվականին և  հանդիսանում է ՀՀ առաջին մասնագիտացված լիզինգային ընկերությունը: Հիմնադրման օրից ընկերությանը հանդիսանում է  Հայաստանի լիզինգային ծառայությունների շուկայի անփոփոխ առաջատարը, ինչպես նաև օրենսդրական փոփոխությունների նախաձեռնողներից մեկն այս ոլորտում: ԱԳԲԱ Լիզինգի հիմնական բաժնետերերն են`ԱԿԲԱ ԿՐԵԴԻՏ ԱԳՐԻԿՈԼ Բանկը`54% և Сredit Agricole Leasing & Factoring-ը` 38%:

Հիշեցնենք, որ Caterpillar Financial-ը հանդիսանում է Caterpillar Inc. ընկերության ֆինանսական բաժանմունքը, որը Forbes ամսագրի վարկածով 19-րդ տեղն է զբաղեցնում աշխարհի ամենահեղինակավոր ընկերությունների շարքում, որն արտադրում է շինարարական և լեռնահումքային տեխնիկա, գազատուրբինային և դիզելային շարժիչներ և արդյունաբերական գազային տուրբիներ: Caterpillar Financial-ն ստեղծվել է ավելի քան 30 տարի առաջ: Ընկերության գլխամասային գրասենյակը գտնվում է Նէշվիլում (ԱՄՆ): Ընկերոթյունը ֆինանսական ծառայությունների լայն շրջանակ է տրամադրում CatR տեխնիկաների համար, այդ թվում`օգտագործված սարքավորումներ, շարժիչներ և դրանց հետ կապված այլ պրոդուկտներ: Caterpillar Financial-ը ֆինանսական ծառայություններ է մատուցում նաև Ռուսաստանում, Ուկրաինայում և Ղազախստանում: Տարածքային առանձին բաժանմունքների առկայոթյունն ընկերությանը թույլ է տալիս հաճախորդների հետ համագործակցել`հաշվի առնելով տեղական օրենսդրությունները:

Նշենք, որ Zeppelin ընկերությունների խումբն աշխարհում գործում է իր 190 մասնաճյուղերի միջոցով: Կառուցվածքային առումով խումբը բաժանված է հինգ ռազմավարական բիզնես-միավորների: Դրանք են`ԵՄ Շինարարական տեխնիկա, ԱՊՀ Շինարարական տեխնիկա (շինարարական և գյուղատնտեսական մեքենաների վաճառք և սպասարկում Եվրոպայում և ԱՊՀ երկրներում), Վարձակալություն (շինարարական տեխնիկայի վարձույթ և լիզինգ), Ուժային սարքավորումներ (շարժիչներ և էներգետիկ լուծումներ) և Արդյունաբերական ինժինիրինգ (փխրուն նյութերի հեղուկների համար գործարաններ և համակարգեր): ԱՊՀ երկրների ՌԲՄ Շինարարական տեխնիկան ձեռնարկատիրական գործունեություն է իրականացնում ԱՊՀ 7 երկրներում (Հայաստան, Բելառուս, Ռուսաստանի Հյուսիս-Արևմուտք, Կենտրոնի Հարավ, Տաջիկստան, Թուրքմենստան, Ուկրաինա և Ուզբեկստան), համալիր լուծումների մատակարար հանդիսանալով զանազան ոլորտների պատվիրատուների համար`շինարարություն, ճանապարհային շինարարություն, լեռնային և հանքային արդյունաբերություն, նավթ և գազ, անտառային արդյունաբերություն, գյուղատնտեսություն: Ընկերության կողմից մատակարարվող բոլոր սարքավորումներն ուղեկցվում են բարձրակարգ ծառայությունների մատուցմամբ, ապահովվում օրիգինալ պահեստամասերով և տեխնիկական լիակատար աջակցությամբ: Zeppelin GmbH-ն հանդիսանում է հոլդինգային ընկերություն, որի իրավաբանական հասցեն գտնվում է Ֆրանկֆուրտում, իսկ կենտրոնակայանը` Գարհինում (Մյունխեն).