Սերգեյ Ավետիսյան. 2017թ. մեկնարկում են ԵՄ ընդհանուր ավիացիոն տարածությանը Հայաստանի միանալու համաձայնագրի պաշտոնական բանակցությունները

Արմինֆո. 2017 թվականից ԵՄ-Հայաստան աշխատանքային խումբը կմեկնարկի Ընդհանուր ավիացիոն գոտուն (Common Aviation Area Agreement) Հայաստանի Հանրապետության միանալու շուրջ համաձայնագրի տեքստի համաձայնեցման  պաշտոնական բանակցությունները: Այս մասին դեկտեմբերի 20-ին հայտարարել է ՀՀ Քաղաքացիական ավիացիայի գլխավոր վարչության ղեկավար Սերգեյ Ավետիսյանը ամփոփիչ ասուլիսում:

Սերգեյ Ավետիսյանը հիշեցրել է, որ ԵՄ տրանսպորտի, հեռահաղորդակցության և էներգետիկայի խորհուրդը դեկտեմբերի 1-ին հաստատել է բանակցությունների մեկնարկի մանդատը: Երկու տարվա աշխատանքից հետո, նշել է Ավետիսյանը, Հայաստանին հնարավորություն է տրվել սկսել Համաձայնագրին միանալու շուրջ պաշտոնական բանակցությունները:

Մինչև հիմա, ըստ պաշտոնյայի, Հայաստանը Եվրոպայի հետ հարաբերություններն ավիացիայի ոլորտում կառուցում էր միջպետական համաձայնագրերի հիման վրա: Այդ համաձայնագրին միանալու արդյունքում Հայաստանի և ԵՄ անդամ 28 պետությունների միջև կգործի ավելի ազատական ​​ավիացիոն ռեժիմ: Հայաստանը կստանձնի նաև որոշակի պարտավորություններ օրենսդրական փոփոխությունների և եվրոպական չափանիշներին գծով:

Նշենք, որ ԵՄ տրանսպորտի, հեռահաղորդկացման և էներգետիկայի խորհուրդը դեկտեմբերի 1-ի նիստում հավանություն է տվել Հայաստանի հետ օդային տրանսպորտի  մասին համապարփակ համաձայնագրի կնքման շուրջ բանակցությունների սկսմանը: Ինչպես նշվում է ԵՄ՝ ԱրմԻնֆո ստացված հաղորդագրության մեջ, ընդհանուր ավիացիոն տարածության մասին համապարփակ համաձայնագիրն ուղղված է Եվրոպայում միջազգային կապի որակի բարձրացմանը, բարձրորակ ծառայության ապահովմանը և ուղևորների համար ավելի լայն ընտրության հնարավորության ընձեռմանը: Համաձայնագիրը նաև ԵՄ ավիացիոն ինդուստրիայում մրցունակության բարձրացման նպատակ է հետապնդում:

Նշենք, որ «Միասնական եվրոպական երկնքին» Հայաստանի միանալու ժամկետները մի քանի անգամ հետաձգվել են: 2015 թվականի դեկտեմբերին Բրյուսելում ԵՄ արտաքին գործերի գերագույն ներկայացուցիչ Ֆեդերիկա Մոգերինիի հետ հանդիպման ժամանակ արտգործնախարար Էդվարդ Նալբանդյանը հայտարարել էր ԵՄ հետ ընդհանուր ավիացիոն տարածության շուրջ համաձայնագիր ստորագրելու Հայաստանի պատրաստակամության մասին: Նշվել էր, որ դեկտեմբերին ԵՄ մանդատ կտրամադրի նման համաձայնագրի ստորագրման համար, իսկ 2016 թվականի հունվարին կսկսվեն այդ հարցի շուրջ բանակցություններ: Վերջին ամիսների ընթացքում Երևանը բազմիցս ընդգծել է իր շահագրգռվածությունը բանակցությունների շուտափույթ մեկնարկով: Միաժամանակ հայկական կողմը նշել է, որ Հայաստանը մանդատի ձևակերպումը հետաձգելու պատճառ չի տեսնում:

Սահմանված կարգի համաձայն՝ մանդատն ստանալուն պես ԵՀ լիազորված կլինի բանակցություններ սկսել Երևանի հետ: Հայաստանին կտրամադրվի համաձայնագրի նախագիծը, որը, ըստ ԵՄ, կլինի միասնական ավիացիոն տարածությանը միանալու շուրջ բանակցությունների հիմքում: Էկոնոմիկայի փոխնախարարի ասելով, բանակցությունները  տևական չեն լինի,  քանի որ կա բոլոր երկրների հետ համագործակցության հիմնական մոդելային ձևաչափ:

Եվրոպայի միասնական ավիացիոն տարածությունը համարվում է հորիզոնական համաձայնագիր, այսինքն, այն ինքնըստինքյան ուժի մեջ կմտնի ինչպես ԵՄ, այնպես էլ դրա երկրներից յուրաքանչյուրի համար` առանձին վերցրած: Թռիչքների անվտանգության ապահովմանը և սերտիֆիկացիոն կանոնակարգերին զուգընթաց, փաստաթղթով նախատեսվում է Հայաստանի օտարերկրյա փոխադրողների և Հայաստանյան փոխադրողների դեպի Եվրոպայի երկրներ չվերթների սահմանափակումների վերացում: Դա թույլ կտա ավելի լավ պայմաններով Հայաստան ներգրավել եվրոպական ավիաընկերություններին, մասնավորապես` բյուջետայիններին: Ազատականացումը նաև կապահովի միջազգային մակարդակով բարեխիղճ մրցակցություն` պետական աջակցության և ստանդարտների կարգավորման համամդրման միջոցով: Դա նշանակում է ինտեգրում եվրոպական ավիացիոն շուկայում: Աջակցություն հայ գործարարների ելքին արտաքին շուկաներ, վերածում կարևոր տարանցիկ երկրի` օդային փոխադրումների ոլորտում: «Արևելյան գործընկերությանե անդամ երկրներից միասնական ավիացիոն տարածությանը միացել են Մոլդովան, Վրաստանն ու Ուկրաինան: Ընդհանուր եվրոպական ավիացիոն տարածությանը միանալը Հայաստանին թույլ կտա դուրս գալ անվտանգ ու կայուն օդային տարածք: