Ուրբաթ, 23 Դեկտեմբերի 2016 16:52

Արմինֆո. Հայաստանի ՀՆԱ իրական աճը 2016 թվականի արդյունքներով կկազմի 0.5%: Այս մասին դեկտեմբերի 23-ին հայտարարել է ՀՀ ֆինանսների նախարար Վարդան Արամյանը Երևանում կայացած ամփոփիչ մամուլի ասուլիսում:

Ըստ նախարարի, չնայած այն հանգամանքին, որ 2016 թվականի պետական բյուջեովՀՆԱ-ի իրական աճը սահմանվել է 2.2%, իսկ ինդեքս-դեֆլյատորը` 4%, տնտեսական տարեկան աճը կլինի 0,5%, զրոյական դեֆլյատորով:

Զրոյական դինամիկան, ըստ Արամյանի, առաջին հերթին պայմանավորված է գյուղատնտեսական ոլորտի զարգացումներով: Տարվա արդյունքներով արդյունաբերության աճը կկազմի մոտ 6.2%, ծառայությունների ոլորտում`4.4%: Սակայն, գյուղատնտեսության ոլորտում արձանագրվել է բացասական դինամիկա: 2016 թվականի օգոստոսին գյուղատնտեսության ոլորտում աճը 2015-ի նույն ժամանակահատվածի համեմատ կազմեց 9.6%, բայց արդեն սեպտեմբերին արձանագրվեց 20%, հոկտեմբերին` 30% անկում: Մանրամասն ուսումասիրությամբ, ըստ նախարարի, պարզ է դառնում, որ բացասական տրենդը պայմանավորված է ոչ թե ոլորտի տնտեսական զարգացումներով, այլ սխալ հաշվարկներով: Հակառակ դեպքում, նշել է նա, գները շուկայում պետք է արձագանքեին, բայց մնացին նույն մակարդակում:

Ընդ որում, նախարարը նշել է, որ այս տարվա ՀՆԱ աճի ակնկալիքները պատճառ դարձան, որպեսզի վերանայվի 2017 թվականի տնտեսական աճը: Հայաստանի տնտեսական աճի պրոգրեսիվ տեսակը 2017-ին, ըստ նախարարի, պայմանավորված կլինի Ռուսաստանի տնտեսության 1% աճով, հումքի միջազգային գներով և մետաղների գներով: Միևնույն ժամանակ, 2-3 տարի շարունակվող տրանսֆերտների ծավալների անկումը, ինչը բնականորեն ազդեց սպառման և առևտրի ցուցանիշների վրա, 2017 թվականին խոստանում է արձանագրել 4-5% աճ: Դրական ակնկալիքների մասին է վկայում նաև ներմուծման ծավալների 2% աճը նոյեմբերին, նշել է նա: Այս ամենը, գտնում է նախարարը, վկայում են այն մասին, որ 2017 թվականը բեկումնային կլինի Հայաստանի տնտեսության վերականգնման առումով, իսկ 2018-ին երկրի տնտեսությունը կարձանագրի առաջընթաց: Ըստ Արամյանի, ՀՆԱ-ի 0.5% աճը վատ արդյունք չէ, հաշվի առնելով, որ ԵԱՏՄ երկրների տնտեսությունները տարին կեզրափակեն բացասական աճով:

Ըստ պետբյուջեի, ՀՆԱ-ի աճը Հայաստանում 2016-ին նախատեսվում է 2.2%, իսկ 2017 թվականի`3.2%: ԱՄՀ-ն կանխատեսում է 1.9% աճ, ԵԱԶԲ - 2%, Fitch – մինչև 2%, Moody's- ն ակնկալում է դանդաղ աճ - 2.2%: Հետաքրքրական է, որ վերջերս ՀՀ Կենտրոնական բանկը նվազեցրեց Հայաստանի ՀՆԱ-ի կանխատեսումը, մինչև 1.3-1.8%: Ըստ Համաշխարհային բանկի Երևանի գրասենյակի ավագ տնտեսագետ Գոհար Գյուլումյանի, դրական սոցիալական արդյունքն արձանագրելու համար Հայաստանը պետք է տարեկան արձանագրի 5% տնտեսական աճ: Անկախ տնտեսագետները կարծում են, որ երկրում, սկսած աշնանից, փաստորեն սկսվել է տնտեսական ռեցեսիա, որը սպառնում է վերածվել երկարաժամկետ տնտեսական լճացման: Նշենք, որ երկրի բյուջեն 2017 թվականին նախատեսում ՀՆԱ-ի 5% կամ 5.405 տրլն դրամի աճ: Տնտեսական աճը կլինի 3.2%-ի սահմանններում, ինդեքս-դեֆլյատորը`1.7, դեֆիցիտը`150.1 մլրդ դրամ: