Հինգշաբթի, 12 Հունվարի 2017 17:54

Արմինֆո. ՎՏԲ-Հայաստան Բանկը իր հաճախորդներին հնարավորություն է տալիս ստանալ վարկային քարտ՝ առանց ժամանակի ավելորդ կորստի և լրացուցիչ փաստաթղթերի ներկայացման անհրժեշտության:

 

Ինչպես ԱրմԻնֆո գործակալությանը տեղեկացվել է Բանկի մամուլի ծառայությունից, ՎՏԲ-Հայաստան Բանկի հաճախորդները, ձևակերպելով Բանկի նշված վարկային ծառայույուններից որևէ մեկը՝ բնակելի անշարժ գույքի ձեռք բերման կամ կառուցման հիպոթեք, վերանորոգման հիպոթեք կամ «Ունիվեսալ» առանց գրավի ապահովման սպառողական վարկ, ստանում են հիմնական վարկին զուգահեռ Companion Card վարկային քարտն ստանալու հնարավորություն:

 

Հիմնական վարկի դրական որոշման դեպքում, ելնելով Հաճախորդի վարկունակության գնահատման վերաբերյալ Բանկի հաշվարկներից, հաճախորդի համար ավտոմատ կերպով հաստատվում է Companion Card-ը:

 

Companion Card վարկային քարտը տրվում է MasterCard միջազգային վճարային համակարգի քարտով, մինչև 24 ամիս ժամկետով, դրամային վարկերի համար`սկսած 19% դրույքաչափից: Վարկային քարտին միաժամանակ ամրագրվում են 4 հիմնական արժույթներ (ՀՀ դրամ, ԱՄՆ դոլար, եվրո, ՌԴ ռուբլի), ինչը հաճախորդին հնարավորություն է տալիս խնայել փոխարկումների ընթացքում: Companion Card ստանալու համար լրացուցիչ փաստաթղթեր չեն պահանջվում:

 

Ներկա դրությամբ Բանկը զրոյացրել է Companion Card վարկային քարտի առաջին տարվա սպասարկման վճարը, իսկ սկսած երկրորդ տարվանից միջնորդավաճարը գանձվում է ըստ հաճախորդի ցանկության՝ ամենամսյա կամ տարեկան կտրվածքով:

 

Ծառայության մասին մանրամասն տեղեկություններին և Companion Card վարկային քարտի սակագներին կարելի է ծանոթանալ ՎՏԲ-Հայաստան Բանկի մասնաճյուղերում, ինչպես նաև զանգահարելով ՎՏԲ-Հայաստան Բանկի Միասնական տեղեկատվական ծառայություն՝ 87-87 հեռախոսահամարով:

 

Ըստ ԱրմԻՆֆո գործակալության` Հայաստանի Բանկերի Ֆինանսական Վարկանիշի, ՎՏԲ-Հայաստան Բանկը, 2016 թվականի հոկտեմբերի 1-ի դրությամբ, մանրածախ վարկավորման 78,4 մլրդ դրամ ծավալով ընդգրկված է շուկայի առաջատարների եռյակում: Բանկի ընդհանուր վարկային պորտֆելում մանրածախի մասնաբաժինը կազմում է ավելի քան 43%: Իսկ շուկայի մանրածախ վարկավորման ընդհանուր ծավալներում ՎՏԲ-Հայաստան Բանկի մասնաբաժինը կազմում է 11%:

 

Հիշեցնենք, որ «ՎՏԲ-Հայաստան Բանկ» ՓԲԸ ՎՏԲ միջազգային ֆինանսական խմբի մասնակից է դարձել 2004թ. ապրիլին: «ՎՏԲ Բանկ» ԲԲԸ հանդիսանում է «ՎՏԲ-Հայաստան Բանկ» ՓԲԸ 100% բաժնետոմսերի փաթեթի միանձնյա բաժնետերը; Բանկը հիմնական ցուցանիշների մի ամբողջ շարքով մշտապես ներառվում է ՀՀ բանկային համակարգի առաջատարների թվի մեջ: Ներկա դրությամբ Բանկն ունի ամենալայն մասնաճյուղային ցանցը (67) ոչ միայն մայրաքաղաքում, այլև երկրի մարզերում: