Արմինֆո. 2016 թվականին Հայաստանում քանակական առումով 30% ավելացել է գինու արտադրությունը: Այսօր կայացած մամուլի ասուլիսում նման կարծիք է հայտնել Հայաստանի Գինեգործների միության նախագահ Ավագ Հարությունյանը, նշելով, որ այսմիտումը դիտվում է արդեն 7 տարի:
«2011 թվականին Հայաստանն օղու սպառմամբ աշխարհում գրավել է 3-5 տեղը: Իսկ այսօր հայերը գերադասում են տեղական արտադրության գինիները: Մեր գինիների շուկայի հատվածը գնալով աստիճանաբար մեծանում է, իսկ դա խոսում է այն մասին, որ Հայաստանում բարձրանում է գինու սպառման մշակույթը»,-ընդգծել է նա:
Ըստ փորձագետի, ստեղծված իրավիճակն առաջին հերթին պայմանավորված է տնտեսական ակտիվության նվազումով, ինչը բերեց ներմուծվող գինիների սպառման ծավալների կրճատմանը, ինչպես նաև հայրենական արտադրողի նկատմամբ վստահության բարձրացմանը, մասնավորապես, սկսեցին գնել 5-6 դոլար արժեքով տեղական գինիներ, կասկածի տակ չդնելով դրանց որակը: Միևնույն ժամանակ, վերջին 5 տարիներին, ըստ փորձագետի, շուկա են դուրս եկան հայրենական արտադրողներ, որոնք շուկայում զբաղեցրեցին 7-10 դոլարանոց գնային նիշաները, ինչը մի փոքր դուրս մղեց արտասահմանյան արտադրողներին: «2013 թվականից փոքրացել է ներմուծվող գինիների մասնաբաժինը Հայաստանի ներքին շուկայում, միջին հաշվով 200 հազար շշով, իսկ 2003-2014 թվականներին` 500 հազար շշով»,-նկատել է նա: Հարությունյանը տեղեկացրել է նաև, որ 200 հազար շիշ գինիների մեջ վրացական գինիների մասնաբաժինը կազմում է ընդամենը 5 հազար շիշ, ինչը վկայում է պահանջարկի իջեցման մասին: «Բայց մյուս շուկաներում վրացական գինիների թիվն ուժգնորեն ավելանում է»,-ընդգծել է նա:
Ըստ ՀՀ Մաքսային ծառայության տվյալների, 2016 թվականի I կիսամյակում Հայաստանից արտահանվել է 780 հազ. լիտր գինի, տարեկան աճը`25%: 2015 թվականին գինու արտահանումը նվազել է 29%, մինչև 1,5 մլն լիտր, դրան նախորդող տարվա նույն ժամանակահատվածի 50% աճի փոխարեն:: Ըստ վիճակագրության, գինու արտադրությունը Հայաստանում 2016 թվականի հունվար-նոյեմբերին կազմել է 5.8 մլն լիտր, տարեկան աճը`15.6%, նախորդ տարվա նույն ժամանակահատվածի 2.1% անկման փոխարեն:
RUB | 4.22 | 0.00 |
USD | 388.08 | -0.52 |
EUR | 416.29 | -0.44 |
GBP | 485.57 | -0.41 |
CAD | 284.16 | 0.14 |
JPY | 24.75 | -0.24 |
CNY | 53.55 | -0.08 |
CHF | 425.34 | -0.20 |