Երկուշաբթի, 16 Հունվարի 2017 19:51

Արմինֆո. Գազպրոմբանկի համար հայաստանյան շուկան ռազմավարական առումով հետաքրքրություն չի ներկայացնում: ԱրմԻնֆո գործակալության թղթակցի հետ զրույցում նման կարծիք է հայտնել Ռուսաստանի տարածաշրջանային բանկերի ասոցիացիայի տեղեկատվական քաղաքականության Խորհրդի անդամ Իվան Անիսիմովը, մեկնաբանելով Գազպրոմբանկի դուստրի` «Առեքսիմբանկ-Գազպրոմբենկի խումբ» ՓԲԸ վերջերս հեռանալը Հայաստանի շուկայից:

Ներկայումս Ռուսաստանի բանկային համակարգում ընթանում են լուրջ վերակազմավորումներ, ինչը կապված է Կենտրոնական բանիի դիրքորոշման հետ, որն իր վրա է վերցնել մեգառեգուլյատորի դերը, ինչն ուղեկցվում է մասնակիցների միջև շուկայական նիշաների ռազմավարական բաշխումով: Չնայած Հայաստանի նկատմամբ հարգանքին, որքանով հասկանում եմ, Գազպրոմբանկին, որը ղեկավարվում է մարկետինգային ռազմավարությամբ, հայկական շուկան չի հետաքրքրում: Հետևաբար, ես այնքան էլ դրամատիկորեն չէի վերաբերվի ստեղծված իրավիճակին»,-ընդգծել է նա, նշելով, որ պետք չէ սպասել շղթայական ռեակցիայի: Փորձագետը պարզաբանել է, որ ներկայումս ռուսաստանյան բանկերն սկսել են աշխատել խելամիտ մոտեցման սկզբունքով, սահմանելով իրենց դաշտը, որտեղ էլ զարգանում և ընթանում են առաջ: «Ավելի ճիշտ, ինչպես Ռուսաստանում, այնպես էլ նրա սահմաններից դուրս հստակորեն նկատվում է յուրաքանչյուր ֆինանսական կառույցի ռազմավարական մոտեցումը»,-նշել է նա:

Հայաստանի բանկային համակարգի հեռանկարները փորձագետը տեսնում է Ռուսաստանի հայկական սփյուռքի հետ համագործակցության մեջ, ինչը, նրա խոսքով, մի կողմից թույլ կտա միավորել ազգին, իսկ մյուս կողմից` հաջողոթյամբ մրցակցել այլ շուկաներում: «Դժվար է մրցակցել գյուղատնտեսական ապրանքների կամ որևէ այլ շուկայում, հատկապես երբ երկիրը մեծ չէ, և կան պրոբլեմներ, բայց ֆինանսները մեծ երկիր չեն պահանջում: Ֆինանսները պահանջում են սերվիսի որոշակի որակ, նորմատիվային լավ բազա և մտավոր ներուժ, ինչը Հայաստանը, հաստատ, ունի»,-ասել է փորձագետը, նշելով, որ այդ առումով Հայաստանի բանկային համակարգում պրոբլեմներ չի տեսնում:

Նշենք, որ Հայաստանի բանկային շուկայում ներկայումս գործում է ռուսաստանյան ՎՏԲ-ի դուրստրը`ՎՏԲ-Հայաստան Բանկը, որն առաջատար դիրքեր է զբաղեցնում է իր հիմնական ֆինանսական ցուցանիշներով և շուկայի առաջատարն է իր մասնաճյուղային ցանցի ներգրավվածությամբ:

Հիշեցնենք, որ Հայաստանի բանկային համակարգի կոնսոլիդացման գործընթացը մեկնարկեց 2015 թվականից, քանի որ 2017 թվականից բանկերի ընդհանուր կապիտալի նվազագույն չափը սահմանվեցլ էր 30 մլրդ.դրամ: Շուկայիս դուրս գալոի մասին արդեն հայտարարել են ՊրոԿրեդիտ բանկը և ԲՏԱ Բանկը, որոնք միավորվեցին Ինեկոբանկի և Հայէկոնոմբանկի հետ, իսկ 2016 թվականի վերջին միավորման մասին հայտարարեցին նաև «Առէկսիմբանկ-Գազպրոմբանկի խումբը» և Զարգացման Հայկական Բանկը, որոնք համապատասխանաբար միավորվեցին Արդշինբանկի և ԱՐԱՐԱՏԲԱՆԿԻ հետ: Արդյունքում, 21 բանկերից 2017 թվականին մնացին 17 բանկեր, որոնք հաղթահարել էին ընդհանուր կապիտալի նվազագույն չափի նորմատիվը: