Երեթշաբթի, 24 Հունվարի 2017 19:39

Արմինֆո. Միջազգային գործընկերների հետ Հայաստանի ֆինանսական հաշտարարի համագործակցության 8 տարիների փորձը լավագույնն է ճանաչվել ԱՊՀ տարածքում: Այս մասին հունվարի 24-ին, Հայաստանում Ֆինանսական հաշտարարի գրասենյակի հիմնադրման ութանյակին նվիրված մամուլի ասուլիսում հայտարարել է Գրասենյակի ղեկավար Փիրուզ Սարգսյանը, նշելով, որ 2016-ին բողոքների թիվն աճել է 15%, մինչև 4735 բողոք, որոնցից 87%-ը կամ 4118-ը վերաբերվել է ֆինանսական համակարգին, նախորդ տարվա համեմատ աճելով 26%:

«Բողոաների թվի աճի հիմնական պատճառը նոր պրոդուկտների ներդրումն է, ինչպես նաև ֆինհաշտարարի գրասենյակի նկատմամբ հանրության վստահության աճը, ինչը խոսում է գրասենյակի ճանաչելիության բարձրացման մասին»,-պարզաբանել է նա:

Ըստ Սարգսյանի, 2016 թվականին ֆինանսական կառույցների կողմից քաղաքացիներին իրականացված փոխհատուցումների ընդհանուր ծավալը կազմել է 157.3 մլն/դրամ: Նա հավելել է, որ ևս 228 գործ անցյալ տարի վերցվել է քննարկման, բայց դեռ չի ավարտվել: Տրված հայտերից քննարկման է վերցվել 1523 բողոք, ինչը 5.18% գերազանցում է նախորդ տարվա ցուցանիշը: Ընդ որում, քննարկված գործերի 72%-ը լուծվել է ֆիզիկական անձ հանդիսացող հաճախորդների օգտին, որից 57.37%-ը լուծվել է դրական ելքով`կողմերի հաշտության միջոցով:

Հայաստանում ֆինանսական հաշտարարիիկ գրասենյակի գործունեության մեկնարկից ի վեր, 2009 թվականի հունվարի 24-ից մինչև 2017 թվականի հունվարի 24-ը, շարունակել է նա, ֆինանսական հաստատություններիօ կողմից հաշտարարի միջնորդությամբ 5768 գործող կատարվել է ավելի քան 1 մլրդ դրամ ընդհանուր գումարի փոխհատուցում: ՏՐված դիմումների ընդհանուր թիվը Գրասենյակի գործունեության 8 տարիներին կազմել է`18310:

Նշենք, որ 2015 թվականին Գրասնեյակի միջնորդությամբ ֆիզիկական անձանց վճարված փոխհատուցման ընդհանուր չափը կազմել է 176,7 մլն. դրամ: Բողոքների թիվը կազմել է 3829, որից առյուծի բաժինը`3263-ը - ֆինանսական հաստատությունների դեմ: Քննարկման ընդունված 1448 գործերից 78,64%-ը լուծվել է հօգուտ հաճախորդի, ընդ որում, 59,5%-ը լուծվել է դրական` հաշտեցման միջոցով:

Հիշեցնենք, որ Ֆինանսական հաշտարարի ծառայությունը Հայաստանում, որը գործում է

2009 թվականի սկզբից, տրամադրվում են անվճար, իսկ հաշտարարի գործունեությունը վճարում են իրենք`ֆինանսական հաստատությունները: