Արմինֆո. 2016 թվականի արդյունքներով ֆիզիկական անձանց բողոքների 49.3%-ն ավանդաբար կազմում են ապահովագրական հատվածին ուղղված բողոքները, որտեղ 70%-ը կամ 1154 բողոքներն ուղղված են ԱՊՊԱ համակարգի գծով (այդ թվում նաև Ավտոապահովագրողների բյուրոյին): Այս մասին հունվարի 24-ին Հայստանի ֆինանսական հաշտարարի գրասենյակի հիմնադրման 8-րդ տարեդարձին նվիրված մամուլի ասուլիսում հայտարարել է Գրասենյակի տնօրեն Փիրուզ Սարգսյանը, նշելով, որ 2016-ի արդյունքներով ֆինհաշտարարի գրասենյակն ապահովագրական հատվածի գծով ստացել է 2336 դիմում-բողոք, որից 1248-ը գրավոր:
«Հիմնականում բողոքները կապված են սահմանված վնասի չափերի շուրջ, ապահովագրական ընկերության կողմից ռեգրեսի իրավունքի շուրջ, ինչպես նաև հատուցում չվճարելու դեպքերի շուրջ տարաձայնույթունների հետ»,-պարզաբանել է նա:
Սարգսյանը տեղեկացրել է, որ բանկային հատվածի գծով ստացվել 1417 բողոք (232-ը` գրավոր): Նա նշել է, որ բողոքները հիմնականում կապված են ավանդային պայմանագրերի, վարկային գործարքների, դրամական փոխանցումների, վճարահաշվարկային ծառայությունների հետ: «Բանկային հատվածում 146 դիմում-բողոք ստացվել է ֆիզիկական անձանց կողմից սպառողական վարկերի, տոկոսադրույքների հաշվարկման, ինչպես նաև գրավի իրացման հետ անհամաձայնության գծով: Բազմաթիվ բողոքներ են ստացվել նաև պլաստիկ քարտերի սպասարկման գծով»,-ընդգծել է նա: Վարկային կազմակերպությունների հանդեպ ստացվել է 163 դիմում-բողոք (19-ը`գրավոր), իսկ Ավտոապահովագրողների բյուրոյի դեմ ստացվել է 41 բողոք (18-ը`գրավոր):
Նույն մամուլի ասուլիսում Սարգսյանը տեղեկացրել է, որ բողոքների թիվը 2016-ի արդյունքներով ավելացել է 15%, մինչև 4735, որից առյուծի բաժինը`87% կամ 4118 բողոքները ընկել են ֆինանսական համակարգին, տարեկան աճը` 26%: Ֆինանսական կառույցների կողմից կատարված փոխհատուցումների ընդհանուր գումարը կազմել է 157.3 մլն դրամ: Սակայն, նա հավելել է, որ ևս 228 գործ դեռ չի ավարտվել: Ներկայացված հայտերից 1523 բողոքը վերցվել է քննարկման, նախորդ տարվա համեմատ աճը`5.18%: Միևնույն ժամանակ, քննարկված գործերի 72% -ը լուծվել է հօգուտ ֆիզիկական անձ հանդիսացող հաճախորդների, որից 57,37%-ը`դրական, հաշտեցումով:
Հայաստանում ֆինանսական հաշտարարի գրասենյակի գործունեության մեկնարկից ի վեր, 2009 թվականի հունվարի 24-ից մինչև 2017 թվականի հունվարի 24-ը, շարունակել է նա, ֆինանսական հաստատություններիօ կողմից հաշտարարի միջնորդությամբ 5768 գործող կատարվել է ավելի քան 1 մլրդ դրամ ընդհանուր գումարի փոխհատուցում: Տրված դիմումների ընդհանուր թիվը Գրասենյակի գործունեության 8 տարիներին կազմել է`18310:
Ըստ ֆինհաշտարարի տվյալների, ըստ 2015 թվականին քննարկման վերցված 1448 գործերից 1091-ն ուղղված է եղել ապահովագրական ընկերությունների դեմ, 327-ը` բանկերի, 15-ը`ավտոապահովագրողների բյուրոյի, 14-ը`վարկային կազմակերպությունների դեմ:
Հիշեցնենք, որ Ֆինանսական հաշտարարի ծառայությունը Հայաստանում, որը գործում է
2009 թվականի սկզբից, տրամադրվում են անվճար, իսկ հաշտարարի գործունեությունը վճարում են իրենք`ֆինանսական հաստատությունները:
Ալեքսեյ Մելնիկով. ՀԿԵ-ն թողունակության բավականին լուրջ պաշար ունի
Հայաստանում դոլարային հիփոթեքի արգելքը՝ սպառողի շահերի պահապան թե բանկային շահերի լոբբինգ. Կարեն Զաքարյան
Փաշինյանի կառավարությունը ոչ մի առնչություն չունի տնտեսական աճի հետ. Սուրեն Պարսյան
ԵԱՏՄ երկրներ ավտոմեքենա վաճառելիս ՊԵԿ-ի տեղեկանքները չեղարկվել են
Հայաստանի տնտեսությունն անառողջ է. տնտեսագետն առաջարկում է առկա խնդիրների լուծման եղանակներ
ԱԶԲ պատվիրակությունն այցելել է Հյուսիս-Հարավ ճանապարհային միջանցքի Սիսիան-Քաջարան հատված
Հայաստանի բանկերի միության խորհրդի նախագահ է ընտրվել Մհեր Անանյանը