Չորեքշաբթի, 25 Հունվարի 2017 15:20

Արմինֆո. Հայաստանում տնտեսական ակտիվության աճը 2016 թվականի հունվար-դեկտեմբերին դանդաղել է մինչև 0.5%, 2015 թվականի 3.1% ցուցանիշի համեմատ: Տնտեսության շարժիչ ուժը շարունակում են մնալ արդյունաբերությունը և ծառայությունների ոլորտը: 2014 թվականի նույն ժամանակահատվածում տնտեսական ակտիվությունն աճել էր 3.9: Ըստ ՀՀ Ազգային վիճակագրական ծառայության նախնական տվյալների, միայն դեկտեմբերին արձանագրվել է 17.9% աճ, իսկ տարեկան անկումը կազմել էր 0.1%, մինչդեռ, մեկ տարի առաջ, դեկտեմբերին տեղի ունեցած աճը կազմել էր 20.4%, իսկ տարեկան դրական դինամիկան`0.7%:

 

2016 թվականի հունվար-դեկտեմբերին տնտեսական ակտիվության աճը Հայաստանում հիմնականում պայմանավորեցին` ծառայությունների ոլորտը`7.1%, արդյունաբերական ոլորտը`6.7%, նախորդ տարվա, համապատասխանաբար, 2.7% և 5.2% աճի փոխարեն: Իսկ առևտրի ոլորտում աճը կազմել է 0.1%, նախորդ տարվա անկումը`8%: Մյուս ոլորտներն արձանագրել են տարեկան անկում, այդ թվում`գյուղատնտեսության ոլորտ – 5.2 %, էներգահամալիր – 6.2% և շինարարություն – 10.8%: Մեկ տարի առաջ, 2015-ի հունվար-դեկտեմբերին ագրոհատվածում, շինարարության ոլորտում և էներգահամալիրում համապատասխանաբար արձանագրել էր`11.7%, 0.3% և 0.6% աճ:

 

Արդյունաբերական արտադրանքի գների ինդեքսը 2016 թվականի հունվար-դեկտեմբերին 2015 թվականի նույն ժամանակահատվածի համեմատ աճել է 1.5%, 2016 թվականի դեկտեմբերին, 2015-ի դեկտեմբերի համեմատ աճել է 7%, իսկ միայն 2016-ի դեկտեմբերին աճել էր 0.7%:

 

Ամսական կտրվածքով (դեկտեմբեր), տնտեսական անկում էր արձանագրել միայն ագրոհատվածը (11.4%, նախորդ տարվա անկումը`6.4%), մինչդեռ, մյուս ոլորտներն արձանագրել են աճ`շինարարություն – 77.6%, առևտուր – 46.4%, Էներգետիկ համալիր – 12.4%, ծառայույթուններ – 10.9% և արդյունաբերություն – 6.4%, նախորդ տարվա նույն ժամանակահատվածի, համապատասխանաբար`62,1%, 46,2%, 9%, 27,6% և 9,3% աճի համեմատ:

 

Տարեկան կտրվածքով անկում է արձանագրվել շինարարության ոլորտում – 10.1%, էներգետիկ համալիրում – 4.5% և ծառայությունների ոլորտում – 0.6%, իսկ աճ է արձանագրվել`արդյունաբերությունում – 5.9%, գյուղատնտեսության ոլորտում – 6.5% և առևտրի ոլորտում–4.4%:

 

Ըստ վիճակագրական տվյալների 2016 թվականի հունվար-դեկտեմբերին բացարձակ մեծությամբ առջևում է առևտրի ոլորտը, 2.2 տրլն դրամ ծավալով ($ 4.6 մլրդ): Երկրորդ տեղում է արդյունաբերական հատվածը`1.4 տրլն դրամ ($ 2.97 մլրդ), երրորդն է ծառայությունների ոլորտը`1.3 մլրդ դրամ ($ 2.6 մլրդ), չորրորդ տեղում է գյուղատնտեսության ոլորտը` 907.5 մլրդ դրամ ($ 1.9 մլրդ), հինգերորդն է շինարարության ոլորտը` 397..8 մլրդ դրամ ($ 827.8 մլն): Էլեկտրաէներգիայի արտադրության ծավալը 2016 թվականի հունվար- դեկտեմբերին կազմել է 7315.2 մլն կՎտժ, իսկ միայն դեկտեմբերին` 700.6 մլն կՎտժ:

 

Միևնույն ժամանակ, Հայաստանի արտաքին առևտրի շրջանառությունը 2016 թվականի հունվար-դեկտեմբերին կազմել է 2436.6 մլրդ.դրամ ($ 5075.3 մլն), տարեկան աճը` 7.4%: Դրա կառուցվածքում արտահանման ծավալը կրճատվել է 20%, մինչև 855.9 մլրդ.դրամ ($1782.9 մլն.), իսկ ներմուծումն աճել է 1.6%, մինչև 1580.7 մլրդ.դրամ ($ 3292.4 մլն.): Մեկ տարի առաջ, 2015-ի հունվար-դեկտեմբերին Հայաստանի արտաքին առևտրի շրջանառությունը նվազել էր 20.6%, այդ թվում, ներմուծումը նվազել էր 26.5%, իսկ արտահանման անկումը կազմել էր 3.9%: Համեմատության համար նշենք, որ Հայաստանի արտաքին առևտրի շրջանառությունը 2014 թվականի հունվար-դեկտեմբերին աճել էր 1%, մասնավորապես, արտահանման աճը կազմել էր  2,7%, իսկ ներմուծման աճը`0.4%:

 

ՀՀ դրամի միջին հաշվարկային փոխարժեքը 2016 թվականի դեկտեմբերին կազմել է 482.84 դրամ / $ 1, իսկ հունվար-դեկտեմբերին`480.49 դրամ / $ 1, 2015-ի դեկտեմբերի`482.93 դրամ / $ 1 – ի և 2015-ի հունվար-դեկտեմբերի` 477,92 դրամ / $ 1 – ի համեմատ:-