Երկուշաբթի, 30 Հունվարի 2017 17:43
Նաիրա Բադալյան

Վրաստանի նախագահի խորհրդականը՝ Վրաստանի ե/ու աբխազական հատվածի բացման հեռանկարների մասին

Վրաստանի նախագահի խորհրդականը՝ Վրաստանի ե/ու աբխազական հատվածի բացման հեռանկարների մասին

Արմինֆո. Վրաստանը բոլորից շատ է շահագրգռված բոլոր հարևանների հետ առևտրատնտեսական, քաղաքական հարաբերությունների զարգացմամբ: Այդ մասին «Գրուզիա օնլայնին» հարցազրույցում հայտարարել է Վրաստանի նախագահի խորհրդական Թենգիզ Փխալաձեն՝ մեկնաբանելով Վրաստանի ե/ու աբխազական հատվածի բացման հեռանկարներ:  

«Կա կարծրատիպ, որ Վրաստանը դեմ է ե/ու հաղորդակցություններին, որոնք կարող են անցնել մեր տարածքով՝ հաշվի առնելով թե Աբխազիան, թե Հարավային Օսիան: Մեր շահերից չի բխում մեր համաքաղաքացիների և հայրենակիցների մեկուսացումը, ովքեր բնակվում է Ռուսաստանի կողմից օկուպացված վրացական տարածքներում»,- հայտարարել է Փխալաձեն:

Միաժամանակ, ինչպես նշել է Վրաստանի նախագահի խորհրդականը, հարց է ծագում. եթե Վրաստանն այդքան շահագրգռված է դրանում, որպես տարանցիկ պետություն իր աշխարհաքաղաքական գործառույթի զարգացմամբ, ինչո՞ւ դա չի արվում: «Բոլոր այդ նախագծերի իրականացմանը խոչընդոտում է մեկ բան՝ ՌԴ դիրքորոշումը, որը հրաժարվում է ճանաչել Վրաստանի տարածքային ամբողջականությունը: Հարցը կարելի է լուծել վայրկյանների ընթացքում, եթե ՌԴ-ն վաղը հաստատի, որ ճանաչում է Վրաստանի տարածքային ամբողջականությունը և համաձայն է ապաօկուպացմանը: Բայց Ռուսաստանը դա չի անի, և բոլոր սլաքները միշտ ուղղվում են դեպի Վրաստանը»,- ասել է Վրաստանի նախագահի ներկայացուցիչը:

Հիշեցնենք, որ Տրանսկովկասյան երկաթուղու աբխազական հատվածը չի գործում 1992-1993 թվականներից՝ վրաց-աբխազական զինված հակամարտության հետևանքով: Ռուսաստանի ներկայացուցիչներն ավելի ուշ հայտարարել են, որ դեմ չեն Սուխում-Թբիլիսի-Երևան ուղղությամբ երկաթուղային տարանցման վերականգնմանը: Մոսկվայի կարծիքով, նման նախագծերի իրականացումը կնպաստի շահագրգիռ բոլոր կողմերի միջև հարաբերությունների զարգացման համար պայմանների ստեղխմանը: Աբխազիան իր հերթին բազմիցս հանրապետության տարածքով Ռուսաստանից Վրաստան և Հայաստան երկաթուղային հաղորդակցության վերականգնման պատրասակամություն է հայտնել:  Ինչպես հայտարարել է Աբխազիայի վարչապետ Արթուր Միկվաբիան, դրան խոչընդոտում է Վրաստանը, որն ասում է, որ մեզ հետ չի կնքի պայմանագիր՝ համարելով, որ մենք պետք է լինենք Վրաստանի կազմում: «Այսինքն՝ հարցն ունի քաղաքական բնույթ»,-ասել է վարչապետը:

Հաշվի առնելով բանակցությունները Ռուսաստանի Դաշնության գործընկերների հետ և Ստեփանծմինդա-Լարս ավտոմոբիլային ճանապարհահատվածում եղանակային պայմաններով պայմանավորված թողունակության սահմանափակումները՝ վարչապետը Կարեն Կարապետյանը հունվարի 26-ին կառավարության նիստում ՀՀ տրանսպորտի, կապի և տեղեկատվական տեխնոլոգիաների նախարարին հանձնարարել է ռուսական և վրացական կողմերի հետ քննարկել և մինչև մարտի 1-ը  կառավարության աշխատակազմ ներկայացնել առաջարկություններ այլընտրանքային երթուղիներով տրանսպորտային փոխադրումների կազմակերպման  վերաբերյալ: Վահան Մարտիրոսյանի խոսքով, քննարկվում են գոյություն ունեցող Ռազմավիրական ճանապարհին այլընտրանքային այլ տարբերակներ, մասնավորապես՝ Հարավային Օսիայով և Աբխազիայով: «Քննարկվում են նաև երկաթուղու կառուցման հնարավորությունները, սակայն տվյալ փուլում որևէ հստակ բան ասել չենք կարող»,- հայտարարել է Մարտիրոսյանը:

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Ներմուծեք թվանշաններն     


Նորություններ


Արտ. փոխարժեքները
30.03.2020
RUB6.30-0.10
USD500.802.37
EUR554.346.12
GBP620.1911.31
CAD355.131.63
JPY46.440.64
CNY71.090.32
CHF524.016.81



Փնտրել ըստ օրերի

Պետական պարտատոմսեր

Issue volume

10 billion

Volume of T-bills for placement

200 million

Volume of submitted competitive applications

200 million

Volume of satisfied bids

200 million

Yield at cut-off price

 5.8314%

Maximum yield

 5.8314%

Мinimum yield

 5.8314%

Weighted average yield

 5.8314%

Number of participants

2

The maturity date of T-bills

03.02.2020

ArmEx

 

СПРОС (Покупка)

USD

Средневзв. Цена

482,00

ПРЕДЛОЖЕНИЕ (Продажа)

  USD

Средневзв. Цена

-

СДЕЛКИ

USD

Цена откр.

482,00

Цена закр.

482,00

Мин. Цена

482,00

Макс. Цена

482,00

Ср/взв. Цена

482,00

-0,16

Кол-во сделок

1

Объем (инвал.)

200 000

0бъем (драм)

96 400 000