Հայաստանը հայտնվել է տուրիզմի համար 3 ամենաէժան երկրների շարքում 2017թ.

Արմինֆո. Ավիատոմսերի, հյուրանոցների և ավտովարձույթի ամրագրման միջազգային Skyscanner կայքը հրապարակել է 2017 թվականի ճանապարհորդությունների ամենաէժան ուղղությունների ցանկը: Առաջատարների եռյակում են Աբխազիան, Հայաստանը և Հնդկաստանը, որտեղ երկու հոգու երկշաբաթյա արձակուրդի ծախսերը չեն գերազանցում 1,500 դոլարը:

Skyscanner!-ը հյաշվարկել է, թե որքան կարժենա երկշաբաթյա հանգիստն այդ երկրներում: Վարկանիշի հիմքում ընկած են երեք առանցքային կետեր`ավիատոմսերը, բնակվելը և սնունդը ուղևորության ընթացքում: Հաշվի են առնվել նաև հասարակական տրանսպորտի, թանգարանների և զվարճանքի ծախսերը: Արդյունքում, վարկանիշի առավել ժողովրդավարական ուղղություններն են` Աբխազիան ($ 1468), Հայաստանը ($ 1470) և Հնդկաստանը ($ 1501), իսկ առավել «թանկ» ուղղությունները` Մարոկկոն ($ 2044), Թայլանդը ($ 2106) և Կուբան (2820 $): Մասնավորապես, երկու հոգու օրական բյուջեն կզմում է $ 75, այդ թվում` բնակվելը - $ 32, սնունդ - $ 25, տրանսպորտ և զվարճանք- $ 18:

«Երբ էլ մեկնեք Հայաստան, իզուր ժամանակ չեք ծախսի: Ձմռանը կլինեք առողջարանային Ծաղկաձորում, ամռանը`Սևանա լճի ափին: Անպայման կգնահատեք Մեծ Կասկադը Երևանում և կլինեք լեգենդար կոնյակի «Արարատ» գործարանում: Իսկ Արարատ լեռան լավագույն տեսքը կտեսնեք Խոր Վիրապի վանքից, իսկ Տաթևի վանքին կհասնեք 5.7 կմ երկարությամբ 320 մետր բարձրությամբ ճոպանուղու միջոցով վրա, ինչը դեռ երկար կհիշեք» - նշում է կայքը: Ամենաէժան ուղղությունների ցանկը ներառում են Մերձավոր արտասահմանի և Եվրոպայի, Հարավարևելյան Ասիայի և նույնիսկ Կարիբյան տարածաշրջանի է 18 երկրներ:

Վարկանիշը նախատեսված է ռուսաստանյան ճանապարհորդներին ցույց տալու համար, որ ավիատոմսի գինը միշտ չէ, որ առանցքային դեր է խաղում ճանապարհորդության բյուջեում:

Նախօրեին Մեծ Բրիտանիայի «Momondo» Միջազգային որոնողական համակարգը Երևանը ճանաչել է զբոսաշրջիկների համար մատչելի քաղաք: Միջազգային էժան չվերթների որոնողական www.momondo.co.uk կայքը կազմել է զբոսաշրջիկների համար հասանելի է քաղաքները 2017 թվականի համար, որտեղ ընդգրկված է նաև Երևանը: Ըստ ՀՀ զբոսաշրջության պետական ​​կոմիտեի տվյալների, 2016 թվականի հունվար-սեպտեմբերին Հայաստան է այցելել 969 000 զբոսաշրջիկ, ինչը 3.6% ավելի է նախորդ տարվա նույն ժամանակահատվածի ցուցանիշից: Ըստ կոմիտեի կանխատեսումների, 2017 թվականին ակնկալվում է զբոսաշրջիկների թվի առնվազն 5% աճ, քանի որ կառավարության ծրագրով այդ ոլորտում պետք է իրականացվեն մի շարք ծրագրեր: