Ամերիաբանկի դոլարային պարտատոմսերի երկրորդ թողարկումը ցուցակվել է ՆԱՍԴԱՔ ՕԷՄԷՔՍ Արմենիա բորսայում

Արմինֆո. 2017 թվականի փետրվարի 8-ին «ԱՄԵՐԻԱԲԱՆԿ» ՓԲԸ-ի անվանական, արժեկտրոնային պարտատոմսերը ցուցակվել և ընդգրկվել են ՆԱՍԴԱՔ ՕԷՄԷՔՍ Արմենիայի պարտատոմսերի հիմնական (Abond) ցուցակում: Ինչպես ԱրմԻնֆո գործակալությանը տեղեկացվել է Բորսայի մամուլի ծառայությունից, ցուցակման պահից թույլատրվել են նշված պարտատոմսերով հասցեական առևտուրը և ռեպո գործարքների կնքումը: 

Աղբյուրի համաձայն, ընկերության պարտատոմսերի այս թողարկումը ներառում է 50,000 հատ անվանական, արժեկտրոնային պարտատոմս` 100 ԱՄՆ դոլար անվանական արժեքով, արժեկտրոնի 5.75% տոկոսադրույքով և 27 ամիս շրջանառության ժամկետով:

Պարտատոմսերը (ISIN - AMAMRBB23ER9) բորսայում կշրջանառվեն AMRBB3 բորսայական հապավմամբ:

Այսպիսով, ՆԱՍԴԱՔ ՕԷՄԷՔՍ Արմենիա բորսայում  արդեն շրջանառվում են Ամերիաբանկի պարտատոմսերի երեք թողարկումները`երկու դոլարային ($ 15 մլն և $ 5 մլն) և մեկ դրամային (1 մլրդ դրամ), և բոլորն էլ նշված է ֆոնդային բորսայի (Abond) հիմնական ցուցակում: Դոլարային պարտատոմսերի արժեկտրոնային եկամտաբերությունը սահմանվել է 6.75% և 5.75% (համապատասխանաբար`երրորդ և առաջին թողարկումների համար), իսկ ՀՀ դրամով պարտատոմսերինը`10.75% (երկրորդ թողարկում):

Ընդհանուր առմամբ, 2017-ի փետրվարի 8-ի դրությամբ ՆԱՍԴԱՔ ՕԷՄԷՔՍ Արմենիա Ֆոնդային բորսայում շրջանառվում են – թողարկողների 24 կորպորատիվ պարտատոմսերի 9 թողարկողները, որոնցից 15-ն իրականացվում է 6 թողարկող-բանկերի կողմից, ընդ որում, 13-ը`դոլարային թողարկումներ, որոնք են`Արարատբանկի 6 թողարկումները (5-ը` դոլարային), Ամերիաբանկի 3 թողարկումները (2-ը`դոլարային), ԱՐՄՍՎԻՍԲԱՆԿ-ի 3 թողարկումները (բոլորնել` դոլարային), Անելիք բանկի, Յունիբանկի և Հայբիզնեսբանկի մեկական դոլարային թողարկումները:

Նշենք նաև, որ Ամերիաբանկի դրամային պարտատոմսերը բորսայում ցուցակվեցին 2017 թվականի հունվարի, և այդ էմիսիայիշրջանակներում թողարկվեց 10,000 պարտատոմս (ISIN - AMAMRBB22ER1), 100 հազար դրամ անվանական արժեքով և 2 տարիների շրջանառության ժամկետով: Մինչ այդ, 2016-ի կեսերին բանկը թողարկեց $ 15 մլն. ծավալով դոլարային արժեկտրոնային պարտատոմսեր (հիմնական «Abond» ցանկ): Դրա հետ մեկտեղ, Ամերիաբանկի է 2016-ի հունիսին իր ներդրումային կառավարչի` responsAbility Investments AG ընկերության միջոցով հաջողությամբ տեղաբաշխեց $ 20 մլն ծավալով պարտատոմսերը Լյուքսեմբուրգի չորս ներդրումային ֆոնդերում, նախատեսելով հավաքված հասույթն ուղղել ՓՄՁ վարկավորմանը և էներգաարդյունավետության ու վերականգնվող էներգիայի նախագծերի ֆինանսավորմանը:

Նշենք, որ «Ամերիաբանկ» ՓԲԸ ունիվերսալ բանկ է, որը մատուցում է կորպորատիվ, ներդրումային և մանրածախ բանկային ծառայություններ` տրամադրելով բանկային լուծումների ամբողջական փաթեթ: Բանկը հայաստանյան շուկայում գործում է 1996 թվականի հոկտեմբերի 31-ից: Ամերիաբանկն ունի 12 մասնաճյուղ, որից 8 գտնվում է մայրաքաղաքում, իսկ 4-ը`Հայաստանի մարզերում: Բանկի բաժնետիրական կապիտալում 2015 թվականի դեկտեմբերից Վերակառուցման և Զարգացման Եվրոպական Բանկի մասնակցոթյամբ փոփոխվեցին բաժնետերերի մասնաբաժինները, մասնավորապես, Ameria Group CY ՍՊԸ - 79,3%, իսկ ՎԶԵԲ - 20,7%:

Ըստ ԱրմԻնֆո գործակալության` Հայաստանի Բանկերի Եքսպրես Ռենկինգի, Ամերիաբանկի ընդհանուր կապիտալը 2016 թվականին աճել է 8.6%, մինչև 64,4 մլրդ դրամ կամ $ 133,1 մլն., կուտակված շահույթի է 23.4% աճի հաշվին, մինչև 24,3 մլրդ դրամ կամ $50.1 մլն. ինչպես նաև վերագնահատման պահուստի կտրուկ փոփոխության հաշվին` բացասականից դրական մակարդակ: 2016 թվականը Բանկը եզրափակել է 6,2 մլրդ դրամ կամ $ 12.8 մլն. զուտ շահույթով, ապահովելով 29.2% աճ: Ամերիաբանկի նորմատիվային ընդհանուր կապիտալը 2017 թվականի հունվարի 1-ին կազմել է 81.9 մլրդ դրամ, 3 անգամ գերազանցելով ընդհանուր կապիտալի նորմատիվային պահանջը (30 մլրդ.դրամ): Բանկի կապիտալի համարժեքության նորմատիվը 2016 թվականի արդյունքներով կազմել է 15.87% (նորմատիվը` 12%), իսկ ընդհանուր իրացվելիության նորմատիվը`31,23% (նորմատիվայինը`15%), ընթացիկ իրացվելիության նորմատիվը`133,17% (նոարմատիվայինը`60%), նախորդ տարվա, համապատասխանաբար`15.07%, 29.91% և 151.26% փոխարեն: Բանկն առաջատարն է նաև արդյունաբերական ոլորտի վարկավորման հատվածում (ներառյալ էներգետիկ համալիրը), գյուղատնտեսության, շինարարության, առևտրի, տրանսպորտի և կապի, հանրային սննդի և ծառայությունների, հիփոթեքային վարկավորման ոլորտներում: Բանկն առաջատարն է նաև ժամկետային ավանդների և ցպահանջ ավանդների ծավալներով: