Չորեքշաբթի, 15 Փետրվարի 2017 17:50
Նաիրա Բադալյան

Երևանի կաշվի գործարանի վերագործարկումը թույլ կտա 700 աշխատատեղ ստեղծել

Երևանի կաշվի գործարանի վերագործարկումը թույլ կտա 700 աշխատատեղ ստեղծել

Արմինֆո. ՀՀ տնտեսական զարգացման և ներդրումների նախարար Սուրեն Կարայանը շարունակում է իր այցելությունները 2017 թվականին ներդրումներ իրականացնող ձեռնարկություններ։Նախարարն այս անգամ այցելել է վերագործարկվող Երևանի կաշվի գործարան՝ ծանոթանալու արտադրությանը, խնդիրներին և քննարկելու համագործակցության հնարավորությունները։

Սուրեն Կարայանը շրջայց է կատարել արտադրամասում՝ ծանոթանալով հումքի մշակման գործընթացին։ Նախարարի առաջարկով գործարան են այցելել նաև ՄԱԿ-ի արդյունաբերական զարգացման կազմակերպության ներկայացուցիչները, որպեսզի նախարարության և կազմակերպության կողմից քննարկվի «Հայաստանի արտահանման ուղղվածություն ունեցող ճյուղերի մրցունակության բարձրացում արդիականացման և շուկան մատչելի դարձնելու միջոցովե ծրագրի երկրորդ փուլի շրջանակներում գործարանին տրվող հնարավոր աջակցությունը։

Ծրագրի մեկնարկը տրվել էր նախօրեին՝ ՀՀ տնտեսական զարգացման և ներդրումների նախարարության և ՄԱԱԶԿ-ի միջև ստորագրման պաշտոնական արարողությամբ։ Երկրորդ փուլում շեշտադրումը լինելու է հենց կաշվե իրերի արտադրությանն աջակցությունը։ Նախարարն իր խոսքում նշել է, որ պարբերաբար այցելելու է գործարան՝ իրազեկվելու խնդիրներին, ինչպես նաև դիտարկելու պետության աջակցության գործիքակազմի և ծրագրի շրջանակներում տրվելիք օժանդակությունը։ Նախարարի խոսքով՝ հաջորդ այցը կլինի երեք ամիս անց, երբ գործարանը ավարտին կհասցնի կաշվի մշակման ողջ ցիկլը։

«Մենք ցանկանում ենք, որպեսզի մեր համատեղ գործողությունների արդյունքում կաշվի արտադրության ողջ շղթան՝ հումքի մշակումից մինչև կաշվե իրերի վերջնական արտադրություն, տեղի ունենա Հայաստանում՝ ստեղծելով ավելացված արժեքե,- նշել է Սուրեն Կարայանը։

Գործարանի գործադիր տնօրեն Աշոտ Գոմցյանը նշել է, որ ներկայումս 100-ից ավելի աշխատակիցներ ունի գործարանը, 3 ամսից, երբ ավարտվի հումքի մշակումը, նրանց թիվը կավելանա։ Իսկ ընթացիկ տարվա ավարտին ներդրողները նախատեսում են ստեղծել 700 աշխատատեղ։

«Մենք ծրագրում ենք նաև կաշվե իրերի հայկական արտադրություն՝ կոշիկ և կաշվե իրեր՝ ձեռնոցներ, պայուսակներ, գոտիներ և այլնե,- ասել է Աշոտ Գոմցյանը։ Վերջինս նաև հավելել է, որ նախարարության հետ մշտապես կապի մեջ են՝ իրենց խնդիրներին օպերատիվ լուծումներ տալու և իրազեկելու արտադրության ընթացքի վերաբերյալ։

Նշենք, որ փետրվարի 14-ին կայացել է ՄԱԿ-ի արդյունաբերական զարգացման կազմակերպության (ՄԱԱԶԿ/UNIDO) «Հայաստանի արտահանման ուղղվածություն ունեցող ճյուղերի մրցունակության բարձրացում արդիականացման և շուկան մատչելի դարձնելու միջոցովե ծրագրի երկրորդ փուլի շնորհանդեսը: Ծրագրի պիլոտային փուլը մեկնարկել է 2014թ. սեպտեմբերին: Այն իրականացվել է ՀՀ տնտեսական զարգացման և ներդրումների նախարարության և Հայաստանի զարգացման հիմնադրամի հետ սերտ համագործակցությամբ և Ռուսաստանի Դաշնության կառավարության ֆինանսավորմամբ:Ծրագրի առաջին փուլը միտված էր Հայաստանում հագուստի արտադրության ավանդույթների վերականգնմանը, զարգացմանը և արտահանման խթանմանը:Ծրագրի պիլոտային փուլում ընդգրկված էին հագուստ արտադրող ութ ձեռնարկություն: Ծրագրի ազգային և միջազգային փորձագետների կողմից կազմակերպվել են մի շարք դասընթացներ և գործնական պարապմունքներ, որոնց արդյունքում ծրագրի շահառու ընկերությունների և «Ատեքս-Բուրգոե նորաձևության դպրոցի ուսանողների մասնակցությամբ մշակվել և ստեղծվել են ժամանակակից գնորդների պահանջներին և ճաշակին համապատասխան նորաձև հագուստի համատեղ 5 հավաքածու “5900BC” համատեղ ապրանքանիշի ներքո: Երկրորդ փուլի ընթացքում ՄԱԱԶԿ ծրագիրը կշարունակի իր աջակցությունը տեքստիլի և հագուստի ոլորտի ձեռնարկություններին և կընդլայնվի՝ ընդգրկելով նաև կաշվե իրեր/կոշկեղենի ոլորտը: Երկրորդ փուլում աշխատանքները կուղղվեն՝ վերականգնելու հայաստանյան կոշիկ և հագուստ արտադրող ձեռնարկությունների միջև արդյունաբերական կապերը տարածաշրջանային /մասնավորապես ԵԱՏՄ/ արժեշղթաներում՝ խթանելով ոլորտների արդյունավետությունը և մրցունակությունը, գործարար ու ինստիտուցիոնալ համագործակցությունը տեղական կոշիկ և հագուստ արտադրողների և մոդելավորողների /դիզայն, մոդելավորում/ միջև: Այն կանդրադառնա Հայաստանում կոշիկ/կաշվե իրեր արտադրող ընկերությունների արտադրանքի դիզայնի, որակի և արտաքին շուկա ներթափանցելու հետ կապված խնդիրներին:

ԿԱՐԴԱԼ ԲՈԼՈՐ ՄԵԿՆԱԲԱՆՈՒԹՅՈՒՆՆԵՐԸ

Khurshid ahm
I am a leather technician interested for job

ԱՎԵԼԱՑՆԵԼ ՄԵԿՆԱԲԱՆՈՒԹՅՈՒՆ
Ներմուծեք թվանշաններն     


Նորություններ


Արտ. փոխարժեքները
30.03.2020
RUB6.30-0.10
USD500.802.37
EUR554.346.12
GBP620.1911.31
CAD355.131.63
JPY46.440.64
CNY71.090.32
CHF524.016.81



Փնտրել ըստ օրերի

Պետական պարտատոմսեր

Issue volume

10 billion

Volume of T-bills for placement

200 million

Volume of submitted competitive applications

200 million

Volume of satisfied bids

200 million

Yield at cut-off price

 5.8314%

Maximum yield

 5.8314%

Мinimum yield

 5.8314%

Weighted average yield

 5.8314%

Number of participants

2

The maturity date of T-bills

03.02.2020

ArmEx

 

СПРОС (Покупка)

USD

Средневзв. Цена

482,00

ПРЕДЛОЖЕНИЕ (Продажа)

  USD

Средневзв. Цена

-

СДЕЛКИ

USD

Цена откр.

482,00

Цена закр.

482,00

Мин. Цена

482,00

Макс. Цена

482,00

Ср/взв. Цена

482,00

-0,16

Кол-во сделок

1

Объем (инвал.)

200 000

0бъем (драм)

96 400 000