Ուրբաթ, 17 Փետրվարի 2017 18:47

Արմինֆո.  Հայաստանում նախատեսվում է  կառուցել զտարկման գործարան: Համապատասխան ներդրումային նախագիծը ներկայացվել է www.investmentprojects.am էկեյտրոնային հարթակում: Նախագծի ընդհանուր արժեքը  գնահատվում է $10-12 մլն, լրագրողների հետ զրույցում հայտարարել է ՀՀ տնտեսական զարգացման և ներդրումների նախարարության

ներդրումային քաղաքականության վարչության պետ Վահագն Լալայանը:

Նրա խոսքով, մոտ ժամանակներս Հայաստանում սպասվում է ոսկու արտահանման ծավալների ավելացում: «Տվյալ փուլում հայկական ոսկու արտահանումը կազմում է շուրջ 4-5 տոննա, նոր արտադրական հզորությունների գործարկման արդյունքում, մասնավորապես՝ Ամուլսարի ոսկեբեր հանքավայրի շահագործմամբ զբաղվող «Lydian Armenia» ընկերությունը, որը 2018 թ. մարտին կթողարկի ոսկու առաջին ձուլակտորը, տարեվերջին արտահանման ծավալները կարելի է ավելացնել մինչև 10-12 տոննա: Նման ծավալների դեպքում ողջամիտ է մտածել զտարկման գործարան կառուցելու մասին»,- հայտարարել է Լալայանը:  

Բացի այդ, նա հիշեցրել է, որ հայ ոսկերիչները ոսկերչական իրեր պատրաստելու համար զգալի ծավալով ոսկի են ներմուծում՝ տարեկան միջինը 2-4 տոննա: Տվյալ դեպքում նոր գործարանն առաջին հերթին թույլ կտա ապահովել ներքին պահանջարկը՝ առանց արտաքին պաշարներ ներգրավելու: Եվ, երկրորդ, զտարկման գործարանը միջազգային սերտիֆիկացիայի առկայության դեպքում թույլ կտա ձուլակտորների արտադրություն իրականացնել և վաճառել դրանք  Լոնդոնի բորսայում: Միաժամանկ, ինչպես նշել է պաշտոնյան, հիշյալ սերտիֆիկատի առկայության դեպքում զտարկման տեխնոլոգիական համալիրը թույլ կտա բանկային ոսկու արտադրություն իրականացնել:

Նշենք, որ ոչ մեծ զտարկման գործարանի կառուցում ՀՀ էկոնոմիկայի նախարարությունում քննարկվել է դեռ մի քանի տարի առաջ: Ինչպես 2016 թ. հոկտեմբերին ԱրմԻնֆո-ին պարզաբանել է Lydian Armenia-ի (նախկին անվանումը՝«Գեոթիմ») գործադիր տնօրեն Հայկ Ալոյանը, զտարկման ոչ մեծ գործարանի կառուցմանը, որը կսպասարկի բոլոր տեղական ընկերություններին, մեծ հաշվով, խնդիր չէ: «Խնդիրն այն է, որ այդ ձեռնարկությունն անհրաժեշտ է սերտիֆիկացնել միջազգային բոլոր ստանդարտներով: Երկրորդ խնդիրը ռեգուլյատիվ է: Երբ լեռնահումքային ընկերությունները կատարում են ներդրումներ և իրականացնում շինարարական աշխատանքներ, կուտակվում է ԱԱՀ, որը հետագայում՝ արդեն արտադրանքի արտահանման ընթացքում, վերահաշվարկվում է: Բայց հարկային օրենսդրությունը ոչ մի կերպ չի արձագանքում երկրի ներսում ստանդարտ ձուլվածքներ արտադրելու հնարավորությանը: Իսկ եթե ուզում ենք սկսել այս նախագծի իրականացումը, ուրեմն բոլոր այդ խնդիրները պետք է լուծվեն»,- հայտարարել է նա:

Ավելի վաղ ՀՀ ԿԲ և շվեցարական Technosert ընկերությունը Հայաստանում թանկարժեք մետաղների զտարկման ձեռնարկություն կառուցելու մասին պայմանագիր էին ստորագրել: 2015 թ. նոյեմբերի 16-ին ԱԺ ամբիոնից ՀՀ Կենտրոնական բանմկի նախագահ Արթուր Ջավադյանը հայտարարել էր, որ 2016 թվականի վերջին Հայաստանը ձեռնամուխ կլինի իր ոսկու պահուստների ստեղծմանը: Նրա խոսքով, ոսկու պահուստի ստեղծումը Կենտրոնական բանկը կիրականացնի շվեցարական Technosert ընկերության հետ համատեղ: Ընկերությունը, նշել էր նա, արդեն ավարտել է թանկարժեք մետաղների զտարկման ձեռնարկության կառուցման նախագծային աշխատանքները: Հայտարարվել էր, որ ձեռնարկությունը կարճ ժամկետներում կսկսի գործել, և, ինչպես սպասվում է, 2016 թվականի վերջին կսկսի բանկային ոսկու արտադրությունը: Դա հայրենական ձեռնարկություններին հնարավորություն կտա կուցենտրատները չուղարկել արտասահման, այլ տեղում վաճառել գործարանին՝ դրա դիմաց, ըստ ցանկության, ստանալով գումար կամ բանկային ոսկի: «Այսպիսով՝ հաջորդ տարվա վերջից մենք կսկսենք համալրել մեր ոսկու պահուստը»,-նշել է Ա.Ջավադանը: Ձեռնարկության գլխավոր խնդիրը ոսկե և արծաթե բանկային ձուլակտորների արտադրությունն է` արտահանման և տեղական շուկայում իրացնելու նպատակով: Ընդ որում, կկիրառվի տեղական «Դորե» համաձուլվածքը: Technosert ընկերության Տնօրենների խորհրդի նախագահն է շվեյցարահայ գործարար Վարդան Սիրմակեսը, ով հանդիսաոնւմ է Շվեյցարիայի 300 ամենահարուստ անձանցից մեկը: Նշենք, որ բանկային ոսկու մասնաբաժինը Հայաստանի միջազգային պահուստներում զրոյացվել էր 2003 թվականի դեկտեմբերին: