«ԷԿՐԱ Կովկաս» ընկերությունը Հայաստանում կկառուցի ռելեական պաշտպանության սարքավորումների արտադրության ձեռնարկություն

Արմինֆո. ՀՀ տնտեսական զարգացման և ներդրումների նախարարությունը «ԷԿՐԱ» և «ԷԿՐԱ Կովկաս» ԳԱԿ ՍՊԸ-ների հետ փետրվարի 21-ին համագործակցության հուշագիր է կնքել, որի համաձայն՝ Հայաստանում ռելեական պաշտպանության սարքավորումների արտադրություն կստեղծվի։

Ինչպես ԱրմԻնֆո գործակալությանը տեղեկացվել է նախարարության մամուլի ծառայությունից, «ԷԿՐԱ Կովկասի» տնօրեն Արման Եսայանը նախարարի հետ զրույցում նշել է, որ ընկերությունը մինչև տարվա վերջ 70-ից ավելի աշխատատեղ կստեղծի կատարելով շուրջ մեկ միլիոն ԱՄՆ դոլարի ներդրում։ Ընկերությունը մտադիր է տարեկան 250 վահան արտադրել, որոնք կօգտագործվեն էլեկտրաէնէերգետիկ համակարգում։ Արման Եսայանի խոսքով՝ ներդրողները հետագայում ծրագրում են նաև արտադրության ընդլայնում Հայաստանում, որն առավել մեծ քանակությամբ աշխատատեղեր կստեղծի։ Արտադրանքը կարտահանվի Ռուսաստան, հետագայում նաև Իրան։

Նախարար Սուրեն Կարայանը ողջունել է ներդրողների նախաձեռնությունը․«Ուրախ ենք ընդգծել, որ այս հուշագրով ձեռք բերված պայմանավորվածությունների կատարման ու արտադրության հիմնման արդյունքում էլէկտրաէներգետիկ համակարգում ներմուծումը կփոխարինվի այս տեղական արտադրությամբ»,- նշել է Սուրեն Կարայանը։ Նախարարը հույս է հայտնել, որ ընկերության հետ կհամագործակցեն՝ խթանելու գիտատեխնիկական ներուժի զարգացումը և էներգետիկ համակարգի հուսալիությունը։

Համագործակցություն հուշագրով կողմերը կփոխգործակցեն էլեկտրաէներգետիկ համակարգի արդիականացման ոլորտում։

Ռուսաստանյան «ԷԿՐԱ» գիտահետազոտական ​​և արտադրական ձեռնարկությունն իրականացնում է գիտահետազոտական և փորձարարա-կոնստրուկտորական, նախագծային աշխատանքներ, ինչպես նաև օբյեկտներում սարքավորումների կարգավորում, երաշիքային սպասսրկում և կադրերի վերապատրաստում: Ընկերությունն արտադրում է` միկրոպրոցեսորային պաշտպանության և ավտոմատիկայի պահարաններ 6 - 1200 ՄՎտ հզորությամբ էլեկտրակայանների և 6 - 750 կՎ հզորությամբ ենթակայանների համար: