Երեթշաբթի, 21 Փետրվարի 2017 15:31

Արմինֆո.Բնակարանների միջին շուկայական գինը Հայաստանում 2016 թվականին աճել է ընդամենը 0.2%, կազմելով 184.6 հազ. դրամ մեկ քմ դիմաց: Միայն չորրորդ եռամսյակում բնակարանների միջին շուկայական գները նվազել են 0,1%:

 

Ինչպես վկայում են ՀՀ անշարժ գույքի ​​կադաստրի պետական կոմիտեի տվյալները, բազմաբնակարան շենքերում բնակարանները մեկ տարում միջին հաշվով թանկացել են 0,3%, մինչև 180.8 հազար դրամ / 1 քմ (եռամսյակային անկումը`0.1%): Մասնավորապես, բնակարանների գները Երևանում կազմել է 274,9 հազ. դրամ / 1 քմ (տարեկան աճը`0,2%, եռամսյակային անկումը`0.01%), իսկ մարզերում կազմել են 86.7 հազ. դրամ / 1 քմ (տարեկան աճը`0,4%, եռամսյակի աճը`0.09%):

 

Մինչդեռ, մասնավոր տներում գները 2016 թվականին աճել են 0,05%, մինչև 188.3 հազար դրամ / 1 քմ, եռամսյակի անկումը`0.03%: Մինչդեռ մարզերում մասնավոր տների 1 քմ տարածքի գինը բարձրացել է 0,1%, մինչև 89.9 հազար դրամ, եռամսյակային չնչին աճով: Մայրաքաղաքում մասնավոր տների 1 քմ գինը տարեկան կտրվածքով աճել է 0.03%, մինչև 286,7 հազար դրամ / 1 քմ, եռամսյակային անկումը`0,04%:

 

Ընդհանուր առմամբ, մայրաքաղաքում 1 քմ բնակելի անշարժ գույքի գինը (բազմաբնակարան շենքերում և առանձնատներում) տարեկան կտրվածքով աճել է 0,1%, մինչև 280.8 հազար դրամ, եռամսյակային կտրվածքով անկումը`0.1%:

 

Ըստ Կադաստրի տվյալների, բնակարանների ամենաբարձր գները Երևանում ավանդաբար արձանագրվել են Կենտրոնում - 428,1 հազ. դրամ / 1քմ, տարեկան աճը`0.02%, եռամսյակի անկումը`0.13%: Այնուհետև հաջորդում է Արաբկիրը, որտեղ բազմաբնակարաններում գները կազմել են 357.2 հազար դրամ / 1քմ., տարեկան աճը`0,2%, եռամսյակային անկումը` 0.06%: Այս համայնքներում ավանդաբար արձանագրվել են նաև ամենաբարձր գներն առանձնատներում, մասնավորապես, Կենտրոն - 476.2 հազար դրամ /1քմ (տարեկան աճը` 0.02%, եռամսյակի անկումը`0.03%), Արաբկիր - 383,1 հազար դրամ /1քմ, տարեկան աճը` 0.03%, եռամսյակի անկումը`0.03%:

 

Մայրաքաղաքում ամենացածր գներն արձանագրվել են Նուբարաշենում, որտեղ բնակարանների գները հաշվետու ժամանակահատվածում կազմել են 157,4 հազար դրամ / 1քմ (տարեկան աճը`0.4%, եռամսյակի անկումը`0.13%), իսկ առանձնատներումայն կազմել է 150,8 հազ. դրամ / 1 քմ (առանց տարեկան փոփոխության):

 

Մարզերում առանձնատների ամենաբարձր գներն արձանագրվել են Ծաղկաձորում (Կոտայքի մարզ) - 305 հազար դրամ / 1 քմ (տարեկան`անփոփոխ): Այնուհետև հաջորդում են` Աբովյանը (Կոտայքի մարզ) - 157,3 հազար դրամ / 1քմ (տարեկան աճը`0.2%, եռամսյակի անկումը`0.03%) և Վաղարշապատ (Արմավիրի մարզ) - 153.1 հազ. դրամ / 1 քմ (տարեկան` անփոփոխ, եռամսյակի անկումը`0.03%): Իսկ մարզերի բնակարանների գներում առաջատարներն են` Ծաղկաձորը - 292.4 հազ.դրամ / 1քմ (տարեկան և եռամսյակային անփոփոխ), Աբովյանը - 155.1 հազար դրամ / 1քմ (տարեկան` անփոփոխ, եռամսյակի անկումը`0.03%) և Վաղարշապատը - 154.2 հազար դրամ / 1քմ (տարեկան աճը` 0.1%, եռամսյակին`անփոփոխ):

 

Ըստ «Ակցեռն» անշարժ գույքի կոնցեռնի նախագահ Հակոբ Բաղդասարյանի, 2017 թվականն անցումային կլինի Հայաստանիանշարժ գույքի շուկայիառողջացմանառումով: Փորձագետը նշել է նաև, որ Հայաստանի անշարժ գույքի շուկայում զգալի աճ կարողէարձանագրվելմիայն 2018 թվականին: Պարզաբանման նպատակով Բաղդասարյանը նշել է տնտեսական զարգացման օրինակը, որը նույնպես գտնվում է անցումային փուլում: «Աշխարհաքաղաքական գործոնները, որոնք ազդում են Հայաստանի անշարժ գույքի շուկայի վրա, բազմաթիվ են, այդ թվում, խոսքը գնում է նաև իրանական շուկայի ակտիվացման, ինչպես նաև Վրաստանի հետ ավելի խորն ինտեգրման մասին: Միևնույն ժամանակ, տնտեսական իրավիճակի բարելավում է ակնկալվում նաև  աշխարհում, կապված նավթի գների ենթադրվող բարձրացման հետ», - ասել է նա:-