Արմինֆո. ՀՀ վարչապետ Կարեն Կարպետյանի հետ հանդիպմանն աբխազական երակթուղու բացման մասին խոսք անգամ չի եղել: Ինչպես հայտնում է «Գրուզիա-օնլայնը», այդպես է Վրաստանի փոխվարչապետ, էներգետիկայի նախարար Կախա Կալաձեն պատասխանել ընդդիմության մեղադրանքներին, որոնց համաձայն՝ Հայաստանի վարչապետի Վրաստան այցի ընթացքում շոշափվել է երկաթուղու աբխազական հատվածի գործարկման հարցը:
«Ընդդիմությունը շատ բան է ասում և շատ անգամ ստում: Այդ մասին խոսք չի եղել: Կոնկրետ այդ նախագծի առնչությամբ կառավարությունում քննարկում չի եղել»,- հայտարարել է Կալաձեն:
ՀՀ վարչապետ Կարեն Կարապետյանը փետրվարի 24-ին Թբիլիսիում հանդիպումների արդյունքների համաձայն՝ հայտարարել էր, որ Հայաստանը և Վրաստանը պայմանավորվածություն են ձեռքբերել Վրաստանը և Ռուսաստանը կապող Ստեփանծմինդա-Լարս ճանապարհին այլընտրանքային տրանսպորտային միջանցք ստեղծելու հարցի շուրջ: «Մենք պայմանավորվածություն ենք ձեռք բերել ինչպես Լարսի հարցի վերաբերյալ, այնպես էլ՝ էներգետիկ միջանցքի: Ընդհանուր առմամբ իմ այցը Վրաստան, արդյունավետ, ջերմ և կառուցողական էր»,- ասել էր Կարապետյանը:
Վրաստանի խորհրդարանական ուժերն այնքան էլ ուրախությամբ չեն ընդունել Վերին Լարսին այլընտրանքային հաղորդակցության ուղիների բացման հնարավորության մասին տեղեկատվությունը, ինչի մասին հայտարարվել էր ՀՀ վարչապետի Վրաստան այցի ընթացքում: Նրանց կարծիքով, Աբխազական երկաթուղու գործարկումը հակասում է երկրի քաղաքական շահերին:
Հիշեցնենք, որ «Վերին Լարսե անցակետը, որով նախորդ դարի 90-ական թվականներից անցնում է Հայաստանի և Ռուսաստանի միջև միակ ցամաքային ճանապարհը, ձմռան շրջանում պարբերաբար փակվում էձյան առատ տեղումների, իսկ գարնանը` սելավների պատճառով: Հաշվի առնելով բանակցությունները Ռուսաստանի Դաշնության գործընկերների հետ և Ստեփանծմինդա-Լարս ավտոմոբիլային ճանապարհահատվածում եղանակային պայմաններով պայմանավորված թողունակության սահմանափակումները՝ վարչապետը Կարեն Կարապետյանը հունվարի 26-ին կառավարության նիստում ՀՀ տրանսպորտի, կապի և տեղեկատվական տեխնոլոգիաների նախարարին հանձնարարել էր ռուսական և վրացական կողմերի հետ քննարկել և մինչև մարտի 1-ը կառավարության աշխատակազմ ներկայացնել առաջարկություններ այլընտրանքային երթուղիներով տրանսպորտային փոխադրումների կազմակերպման վերաբերյալ:
Ալեքսեյ Մելնիկով. ՀԿԵ-ն թողունակության բավականին լուրջ պաշար ունի
Հայաստանում դոլարային հիփոթեքի արգելքը՝ սպառողի շահերի պահապան թե բանկային շահերի լոբբինգ. Կարեն Զաքարյան
Փաշինյանի կառավարությունը ոչ մի առնչություն չունի տնտեսական աճի հետ. Սուրեն Պարսյան
ԵԱՏՄ երկրներ ավտոմեքենա վաճառելիս ՊԵԿ-ի տեղեկանքները չեղարկվել են
Հայաստանի տնտեսությունն անառողջ է. տնտեսագետն առաջարկում է առկա խնդիրների լուծման եղանակներ
ԱԶԲ պատվիրակությունն այցելել է Հյուսիս-Հարավ ճանապարհային միջանցքի Սիսիան-Քաջարան հատված
Հայաստանի բանկերի միության խորհրդի նախագահ է ընտրվել Մհեր Անանյանը