Արմինֆո. Մարտի 6-ին ՀՀ ֆինանսների նախարարությունում ՀՀ ֆինանսների նախարար Վարդան Արամյանն ընդունեց Սևծովյան առևտրի և զարգացման բանկի գլխավոր քարտուղար Սերաֆիմ Ցոկասի գլխավորած պատվիրակությանը:
Ինչպես ԱրմԻնֆո գործակալությանը տեղեկացվել է նախարարության մամուլի ծառայությունից, կողմերը քննարկեցին ներկա համագործակցության շրջանակներում իրականացվող ծրագրերը: Այս համատեքստում ՀՀ ֆինանսների նախարարը շեշտեց, որ Սևծովյան առևտրի և զարգացման բանկի կողմից նախագծվող և իրականացվող ծրագրերը բավականաչափ առանձնահատուկ են, և որ բանկը կարողանում է իրականացնել էապես տարբերվող արդյունավետ քաղաքականություն: Վարդան Արամյանը նշեց, որ անհրաժեշտ է ստեղծել հարթակ, որը թույլ կտա գաղափարները վերածել նախագծերի` առաջիկայում ցանկալի արդյունքներ արձանագրելու համար:
Հաշվի առնելով այն հանգամանքը, որ բանկի կողմից իրականացվում են մասնավոր հատվածի վարկավորման միջոցով ներդրումային ծրագրեր` ՀՀ ֆինանսների նախարարը հղում կատարեց 2016թ. հոկտեմբերին Նյու-Յորքում կայացած ներդրումային ֆորումին: Նախարարը նշեց, որ ներկայումս ներդրումների ներգրավման մեծ պոտենցիալ ունեն հեռահաղորդակցման, էներգետիկայի, տեղեկատվական տեխնոլոգիաների և այլ ոլորտներ: Միաժամանակ ներդրումների ներգրավման տեսանկյունից արդյունավետ համագործակցության ծրագրեր կարող են իրականացվել ազատ տնտեսական գոտիներում:
Սևծովյան առևտրի և զարգացման բանկի պատվիրակության ղեկավարը նշեց, որ մասնավոր հատվածի վարկավորման հիմնահարցերին է ուղղված մարտի 7-ին կայանալիք ֆորումը, որի շրջանակներում կներկայացվեն բանկի կողմից Հայաստանում իրականացվելիք ռազմավարությունն ու բանկի կողմից առաջարկվող հիմնական պրոդուկտները:
Բանկի գլխավոր քարտուղար Սերաֆիմ Ցոկասը հույս հայտնեց, որ երկուսեք փոխշահավետ համագործակցության ընդլայնումը հնարավորություն կտա խթանել Հայաստանի տնտեսությունը արդյունավետ ներդրումային ծրագրերի միջոցով:
«Մեզ համար շատ հաճելի է հանդիպել ֆինանսների նախարարին և քննարկել վաղը կայանալիք բիզնես ֆորումի հետ կապված հարցերը: Բիզնես միջավայրի գրեթե հինգ տասնյակ ներկայացուցիչներ մասնակցելու են միջոցառմանը, այնուհետև լինելու են երկկողմ հանդիպումներ:
Մենք հետաքրքրված ենք Հայաստանի բիզնես միջավայրին առնչվող նախագծերի մշակմամբ ու իրագործմամբ` ակնկալելով շարունակական համագործակցություն»,- նշեց Ցոկասը:
Հայկական ստարտափներին պակասում են հավակնությունները
ՊԵԿ՝ վերահսկողությունից դեպի համատարած բռնատիրություն
"Pro" և "Contra". Հայաստանի տնտեսության իրական հեռանկարների մասին
Էկոնոմիկայի նախարարն առաջարկել է անգլերենին տալ պաշտոնական, բայց ոչ պետական լեզվի կարգավիճակ՝ գործարար միջավայրը բարելավելու համար
Ի հեճուկս մեր բոլոր անվտանգային մարտահրավերների՝ մենք տնտեսական, մակրոտնտեսական կայունության հետ կապված խնդիրներ չունենք. Փաշինյան