Հինգշաբթի, 9 Մարտի 2017 12:59

Արմինֆո. Բուլղարիան Հայաստանն ընկալում է որպես ավանդական տնտեսական գործընկերոջ, որի հետ ցանկանում է զարգացնել համակողմանի, երկարաժամկետ և փոխշահավետ համագործակցություն: Այդ մասին հայտարարել է Հայաստանում Բուլղարիայի դեսպան Մարիա Պավլովա Ցոցորկովա-Կայմակչիևան` ԱրմԻնֆո-ի թղթակցի հետ հարցազրույցում:

Նա հաղորդել է, որ Բուլղարիայի վիճակագրական տվյալների համաձայն, վերջին տաս տարիներին երկկողմ ապրանքաշրջանառության ծավալը տատանվում է տարեկան 23-27 մլն ԱՄՆ դոլարի սհամաններում: «Մենք կարծում ենք, որ այդ ցուցանիշները, հատկապես, երկու երկրների միջև գոյություն ունեցող ավանդաբար բարեկամական հարաբերությունների պայմաններում, չի համապատասխանում երկու երկրների տնտեսությունների ներուժին, ինչպես ըստ նշանակության, այնպես էլ ֆոնդային կառուցվածքի առումով: Այդ պատճառով իմ գլխավորած դիվանագիտական գերատեսչության գործունեության գերակայությունների թվում է հայկական կողմի հետ ակտիվ աշխատանքը` երկկողմ առևտրի և տնտեսական համագործակցության ընդլայնման հարցում համատեղ չափանիշներ մշակելու համար», - ասել է Պավլովան: Ընդ որում նա նշել է, որ Բուլղարիան ունի միջազգային շուկաներում հաստատված ապրանքների արտգահանման հնարավորություններ. մեքենաներ, էլեկտրատեխնիկա, սննդի արդյունաբերության համար սարքավորում, կահույքի արտադրություն, դեղորայք, գեղարար միջոցներ և այլն:

Նրա ասելով, Բուլղարիայի սննդի արդյունաբերությունն առաջարկում է հայկական շուկայում լուրջ ներուժ ունեցող արտադրանք` հաշվի առնելով Հայաստանում սպառողական պահանջարկի յուրահատկությունը: «Տեխնոլոգիաների և սարքավորման առումով նույնպես մենք առաջարկելու բան ունենք, օրինակ, մեր կաթնային արդյունաբերության բնագավառի  ֆիրմաները հաջողությամբ աշխատում են Արևելյան Եվրոպայի և Կենտրոնական Ասիայի որոշ երկրներում: Նույնը կարելի է ասել նաև Բուլղարիայի կահույքի արտադրության մասին, որն աչքի է ընկնում եվրոպական որակով և մրցունակ գներով: Բարենպաստ պայմաններ գոյություն ունեն նաև զբոսաշրջության ոլորտում համագործակցության ընդլայնման համար: Վերջին տարիներին դիտվում է  Բուլղարիայի սևծովյան ափի նկատմամբ հայերի հետագքրքրություն: Մեր կարծիքով, զբոսաշրջության այդ տեսակից զատ մեր համապատասխան կազմակերպություննրը պետք է շահագրգռված լինեն զբոսաշրջության մեկ այլ տեսակի զարգացմամբ, որը հիմնված է Բուլղարիայի և Հայաստանի հարուստ պատմամշակութային ժառանգությանը ծանոթանալու վրա: Կարծում ենք, որ երկու երկրների արտադրղների առևտրային առաքելւթյուների կանոնավոր փոխանակումը, արդյունավետ գորնական հանդիպումները և գործարար համաժողովների հաճախակի անցկացումը որոշակի խթան կհանդիսանան առևտրատնտեսական հարաբերությունների հետագա զարգացման համար, որոնք  արտացոլեն Հայաստանի և Բուլղարիայի միջև ապրանքաշրջանառության իրական ներուժը», - ասել է դիվանագետը:

Նա ընդսմին համոզմունք է հայտնել, որ առկա է ներուժ նաև համատեղ նախագծերի իրագործման համար: «Դեսպանության աշխատանքը պայմաններ է ստեղծում երկու երկրների հաստատությունների, առևտրա-արդյունաբերական պալատների և ճյուղային կառույցների միջև գործնական շփումների և փոխգործակցության  համար` փոխադարձ հետաքրքրություն ներկայացնող բնագավառների բացահայտման նպատակով: Դեսպանությունը պատրաստ է ամեն ջանք գործադրել երկու երկրների գործարար համաժողովների կազմակերպմանը, ինչպես նաև Բուլղարիայում առևտրատնտեսական տոնավաճառներին Հայաստանի ներկայացուցիչների մասնակցությանն  աջակցելու համար: Գոյություն ունի նաև վարչատեխնիկական հզորությունների ստեղծման գործում Հայաստանին աջակցելու հնարավորություն` զարգացման համար Բուլղարիայի պաշտոնական օգնության շրջանակում: Ներկայում մենք աշխատում ենք այդ համագործակցության նպատակներն ու գերակայությունները որոշելու ուղղությամբ` ծանոթանալով Հայաստանի զարգացման ազգային ռազմավարությունում շարադրված պահանջմունքին և հաշվի առնելով Հայաստանի իրավասու հաստատությունների կարծիքները: Մենք ակնկալում ենք, որ մեր ջանքերը ցանկալի արդյունք կտան ամենամոտ ապագայում», - եզրափակել է Հայաստանում Բուլղարիայի դեսպանը:

Հիշեցնենք, որ Հայաստանի ազգային վիճակագրական ծառայությայն տվյալներով, 2016 թվականի հունվար-դեկտեմբեր ամիսներին Հայաստանի և Բուլղարիայի միջև ապրանքաշրջանառության ծավալը  կազմել է 186,4 մլն դոլար` 77,6 % տարեկան աճով: Այդպիսով, Բուլղարիան չորրորդ տեղն է զբաղեցնում առևտրային գործընկեր երկրների շրջանում: Արտահանումը կազմել է 152,4 մլն դոլար (երկրորդ տեղը առևտրային գործընկեր երկրների շրջանում)` տարեկան 93,1 % աճով: Ներմուծումը կազմում է  34 մլն դոլար` 30,6 % տարեկան աճով: